பத்தினம் திட்டாவில் உள்ள தனியார் நர்சிங் கல்லூரியில் இருந்து பலருக்கு ஒமைக்ரான் பரவியிருப்பதாக கேரள சுகாதாரத்துறை மந்திரி தெரிவித்துள்ளார். நர்சிங் கல்லூரியி படிக்கும் மாணவர் ஒருவர், வெளிநாட்டில் இருந்து வந்தவருடன் தொடர்பில் இருந்துள்ளார். அவர் மூலமாக கல்லூரியில் கிளஸ்டர் ஏற்பட்டு இருப்பதாக வீனா ஜார்ஜ் கூறினார்.

திங்கள் கிழமை ஒமைக்ரான் கண்டறியப்பட்ட 76 பேரில் 15 பேர் திரிசூர் மாவட்டத்தை சேர்ந்தவர்கள் ஆவர். 13 பேர் பத்தினம் திட்டா, 8 பேர் ஆலப்புழா, 8 பேர் கன்னூர், 6 பேர் திருவனந்தபுரம், 6 பேர் கோட்டயம், 6 பேர் கொல்லம் ஆகிய பகுதிகளை சேர்ந்தவர்கள் எனத்தெரிவிக்கப்பட்டுள்ளது.