ஹவுரா,
மேற்கு வங்காள மாநிலத்தில் உள்ளூர் ரயில்களில் எல்இடி டிவிக்களை பொருத்த கிழக்கு ரெயில்வே முடிவு செய்துள்ளது. எல்இடி டிவி பொருத்தப்பட்ட முதல் ரயில் ஹவுராவில் இன்று காலை 11.15 மணியளவில் புறப்பட்டது.
இந்த எல்இடி டிவிகளில் மக்களின் சோர்வை போக்கும் வகையில் பொழுதுபோக்கு நிகழ்ச்சிகள் ஒளிபரப்பப்படவுள்ளது. மேலும் ரெயில்வே பற்றிய முக்கிய தகவல்களும் இடம் பெறும் என தெரிவிக்கப்பட்டுள்ளது.
கிழக்கு ரெயில்வேயின் 50 உள்ளூர் ரயில்களில் 2 ஆயிரத்து 400 எல்சிடி டிவிக்கள் நிறுவப்படும் என தெரிவிக்கப்பட்டுள்ளது. மும்பை மற்றும் மைசூரில் ரெயில்களில் ஏற்கனவே டிவிக்கள் பொருத்தப்பட்டுள்ளது. இருப்பினும் கிழக்கு ரெயில்வே முதல் முறையாக இந்த திட்டத்தை அறிமுகம் செய்துள்ளது.