தேனி மாவட்டம் கூடலூர் 8-வது வார்டு காமராஜகவுடர் தெருவை சேர்ந்தவர் தேவா (வயது 39). தனியார் கேபிள் டி.வி ஊழியர். அவருடைய மனைவி கற்பகம் (35). இவர்களுக்கு மானஷா (16) என்ற மகள் உள்ளார். தேவா, மனைவியுடன் அடிக்கடி தகராறு செய்து வந்ததாக கூறப்படுகிறது. இந்த நிலையில் நேற்று முன்தினம் வீட்டில் கணவன்-மனைவி இடையே மீண்டும் தகராறு ஏற்பட்டது. இதை பார்த்த மகள் மானஷா, வெறுப்பு அடைந்து வீட்டில் இருந்த பினாயிலை எடுத்து குடித்து தற்கொலைக்கு முயன்றார். உடனே அவரை அக்கம்பக்கத்தினர் மீட்டு சிகிச்சைக்காக கம்பம் அரசு மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.