கடந்த வெள்ளிக்கிழமை மக்களவைத் தேர்தல் வாக்களிப்பதற்காக சொந்த ஊர்களுக்கு சென்றவர்கள், வெள்ளி, சனி, ஞாயிறு ஆகிய 3 நாள்கள் தொடர் விடுமுறை முடிந்து தங்கள் சொந்த ஊர்களிலிருந்து இன்று சென்னை திரும்பி வருகின்றனர்.

இதன் காரணமாக பெருங்களத்தூர்-தாம்பரம் ஜிஎஸ்டி சாலையில் கடும் போக்குவரத்து நெரிசல் ஏற்பட்டது. ஆயிரக்கணக்கான கார்கள், சிறப்பு பேருந்துகள், அரசு பேருந்துகள் மூலம் சொந்த ஊர்களுக்கு சென்றவர்கள் சென்னை திரும்பி வருகின்றனர். இதேபோல் திருச்சி - சென்னை தேசிய நெடுஞ்சாலையிலும் கடும் போக்குவரத்து நெரிசல் ஏற்பட்டது. வாகனங்கள் மெல்ல ஊர்ந்து செல்வதால் பயணிகள் மிகுந்த சிரமத்திற்குள்ளாகி உள்ளனர்.