மே 6-ம் தேதி பெருமாள், ஈஸ்வரர் மற்றும் துணை தெய்வங்களை ராஜேஸ்வரி சொக்கநாச்சியம்மன் ஆலயத்திற்கு அழைத்து வரும் நிகழ்ச்சி நடைபெற்றது.

விழாவின் முக்கிய நிகழ்வாக நேற்று அக்கினி அபிஷேகம் நடைபெற்றது. அதன் பின்னர் அம்மை அழைத்தல், குண்டம் இறங்கும் நிகழ்ச்சி (தீ மிதித்தல்) நடைபெற்றது. முதலில் கோவில் பூசாரி பூக்களை குண்டத்தில் தூவி 60 அடி நீளமுள்ள குண்டத்தில் இறங்கினார். அதன் பின்னர் ஏராளமான பக்தர்கள் தீ மிதித்து நேர்த்திக்கடன் செலுத்தினர்.