மதுரை மீனாட்சி அம்மன் கோவிலில் 12 மாதங்களும் திருவிழா நடைபெறும். இதில் சித்திரை, ஆடி, ஆவணி, ஐப்பசி, தை, மாசி திருவிழாக்கள் மிகவும் பிரசித்தி பெற்றவை. இந்நிலையில் மீனாட்சி அம்மன் கோவிலில் தை மாத தெப்பத்திருவிழா வருகிற 31-ந் தேதி கொடியேற்றத்துடன் தொடங்கி அடுத்த மாதம் 11-ந் தேதி வரை நடக்கிறது.

31-ந் தேதி காலை சுவாமி சன்னதியில் உள்ள கொடிமரத்தில் திருவிழாவிற்கான கொடி ஏற்றப்படும். அப்போது சுந்தரேசுவரர், மீனாட்சி அம்மன் எழுந்தருளி காட்சி அளிப்பார்கள். தொடர்ந்து சுவாமி 2-ம் பிரகாரத்தில் மீனாட்சி, சுந்தரேசுவரர் வலம் வருவார்கள். மேலும் திருவிழா நடைபெறும் நாட்களில் காலை, இரவு சுவாமியும், அம்மனும் பல்வேறு வாகனங்களில் எழுந்தருளி சித்திரை வீதிகளில் வலம் வந்து பக்தர்களுக்கு காட்சி அளிப்பர்.