நாடாளுமன்ற தேர்தலின் முதல்கட்ட வாக்குப்பதிவு நாளை (19-ந்தேதி) நடைபெறும் நிலையில், இந்தி நடிகர் அமீர்கான் குறிப்பிட்ட அரசியல் கட்சியை ஆதரித்து ஓட்டு கேட்பது போன்ற வீடியோ ஒன்று வலைத்தளத்தில் வெளியாகி பரபரப்பை ஏற்படுத்தியது. இந்த வீடியோ போலியானது என்று அமீர்கான் தரப்பில் மறுப்பு தெரிவிக்கப்பட்டு உள்ளது. வீடியோவுக்கு எதிராக போலீசிலும் புகார் அளிக்கப்பட்டு உள்ளது.

இதுகுறித்து அமீர்கான் விளக்கம் அளித்து வெளியிட்ட அறிக்கையில், "அமீர்கான் தனது வாழ்க்கையில் இதுவரை எந்த அரசியல் கட்சிக்கும் ஆதரவு தெரிவித்தது இல்லை. தேர்தல் மற்றும் வாக்களிப்பதன் அவசியம் குறித்து மக்களிடம் விழிப்புணர்வு ஏற்படுத்த கடந்த காலங்களில் தேர்தல் கமிஷனுடன் இணைந்து பணியாற்றி இருக்கிறார்.