புதுச்சேரி ஆதிதிராவிடர் நலத்துறை மூலம் பாகூர் தொகுதிக்குட்பட்ட பயனாளிகளுக்கு, நலத்திட்ட உதவிகள் வழங்கும் நிகழ்ச்சி பாகூர் எம்.எல்.ஏ. அலுவலகத்தில் நடந்தது. இந்த நிகழ்ச்சியில் செந்தில்குமார் எம்.எல்.ஏ. கலந்துகொண்டு 49 பாலூட்டும் தாய்மார்களுக்கு ரூ.7 லட்சத்து 67 ஆயிரம் உதவித்தொகை, 4 பெண்களுக்கு திருமண உதவி தொகையாக ரூ.3 லட்சம் பெறுவதற்கான ஆணையை வழங்கினார். இந்த நிகழ்ச்சியில் தி.மு.க. தொகுதி நிர்வாகிகள், பிரமுகர்கள் பலர் கலந்துகொண்டனர்.