குடியாத்தம் மற்றும் சுற்றுப்புற பகுதிகளில் நேற்றுமுன்தினம் மாலை பலத்த சூறைக் காற்றுடன் ஆலங்கட்டி மழை பெய்தது. கொட்டமிட்டா, மோடிகுப்பம் வலசை, தனகொண்டபல்லி உள்ளிட்ட கிராமங்களில் சூறைக்காற்று பலமாக வீசியது. காற்று அப்பகுதியிலேயே வெகுநேரம் சுழன்று சுழன்று அடித்தது. மேலும் ஆலங்கட்டி மழையும் பெய்தது.

இதில் மோடிகுப்பம் வலசை கிராமத்தை சேர்ந்த கே.சந்திரன், கே.லட்சுமிபதி, பி.கே.கணேசன், வி.பாபு, டில்லிபாபு, கொட்டமிட்டா கிராமத்தை சேர்ந்த காசி உள்ளிட்டோரின் விவசாய நிலங்களில் பயிரிடப்பட்டு அறுவடைக்கு தயார் நிலையில் இருந்த 4 ஆயிரத்திற்கும் மேற்பட்ட வாழை மரங்கள் முறிந்து விழுந்தது. மேலும் 30க்கும் மேற்பட்ட தென்னை மரங்கள் சரிந்தது. ஏராளமான மாமரங்களின் கிளைகள் உடைந்தன. 10க்கும் மேற்பட்ட மின்கம்பங்கள் முற்றிலும் சேதமடைந்தன.