மேலும் கால்வாய் ரோடு பகுதியில் தோண்டப்பட்ட பள்ளத்தில் மற்றொரு முதுமக்கள் தாழி இருந்தது. அங்கு இன்னொரு பள்ளத்தில் தோண்டியபோது எலும்புக்கூடு இருந்தது.

ஆதிச்சநல்லூர் கிராமம் பகுதியில் தோண்டிய பள்ளத்தில் பெரிய மண்பானை கவிழ்த்து வைக்கப்பட்டு இருந்தது. இதன்மூலம் அங்கு பழங்கால மக்களின் வாழ்விடம் இருந்தது உறுதிப்படுத்தப்பட்டு உள்ளது.

முதுமக்கள் தாழிகளை அந்தந்த பள்ளங்களிலேயே தார்ப்பாயால் மூடி வைத்து பாதுகாத்து வருகின்றனர். உடைந்த மண்பாண்ட பொருட்களை, அருகில் உள்ள புளியங்குளம் முதுமக்கள்தாழி தகவல் மையத்தில் வைத்து பாதுகாத்து வருகின்றனர். அந்த தகவல் மையத்துக்கு இன்னும் மின் இணைப்பு வழங்கப்படவில்லை.

எனவே, புளியங்குளம் முதுமக்கள்தாழி தகவல் மையத்துக்கு உடனே மின் இணைப்பு வழங்க வேண்டும் என்று அப்பகுதி மக்கள் அரசுக்கு கோரிக்கை விடுத்துள்ளனர்.