மெஞ்ஞானபுரம் அருகே தாய்விளையைச் சேர்ந்தவர் கங்காதரன். இவருடைய மகன் கிருஷ்ண சுரேஷ் (வயது 19). இவர் தூத்துக்குடி அருகே உள்ள என்ஜினீயரிங் கல்லூரியில் 3-ம் ஆண்டு படித்து வந்தார். இவர் தினமும் ஆழ்வார்திருநகரி வரையிலும் தனது மோட்டார் சைக்கிளில் சென்று விட்டு, பின்னர் அங்கிருந்து பஸ்சில் கல்லூரிக்கு சென்று வருவது வழக்கம்.

இவர் நேற்று மாலையில் வழக்கம்போல் கல்லூரி முடிந்ததும், பஸ்சில் ஆழ்வார்திருநகரிக்கு வந்தார். பின்னர் கிருஷ்ண சுரேஷ் தனது மோட்டார் சைக்கிளில் வீட்டுக்கு புறப்பட்டு சென்றார். ஆழ்வார்திருநகரி-நாசரேத் ரோடு முஸ்லிம் படித்துறை அருகில் சென்றபோது, எதிரே மற்றொரு மோட்டார் சைக்கிளில் 2 பேர் வந்தனர். அப்போது அந்த 2 மோட்டார் சைக்கிள்களும் நேருக்கு நேர் பயங்கரமாக மோதிக் கொண்டன.