தமிழகம் முழுவதும் பணியாற்றும் டாஸ்மாக் ஊழியர்களை பணி நிரந்தரம் செய்ய வேண்டும். மேலும் இ.எஸ்.ஐ. திட்டத்தில் அனைத்து ஊழியர்களுக்கும் மருத்துவ வசதி கிடைக்க செய்ய வேண்டும். சில்லறை மதுபான விற்பனையை முறைப்படுத்த வேண்டும் என்பன உள்ளிட்ட கோரிக்கைகளை தமிழ்நாடு டாஸ்மாக் பணியாளர்கள் சங்கத்தினர் வலியுறுத்தி வருகின்றனர்.

மேலும் அந்த கோரிக்கைகளை வலியுறுத்தி மாநிலம் முழுவதும் டாஸ்மாக் பணியாளர்கள், பொதுமக்களிடம் கையெழுத்து இயக்கம் நடத்துகின்றனர். அதன் இறுதியில் முதல்-அமைச்சருக்கு கோரிக்கை மனு அனுப்பவும் முடிவு செய்துள்ளனர். அதன்படி நேற்று திண்டுக்கல்லில் டாஸ்மாக் பணியாளர்கள் சங்கத்தினர் கையெழுத்து இயக்கத்தில் ஈடுபட்டனர்.