வியாபாரிகள் நகராட்சிக்கு வாடகை மற்றும் மின் கட்டணம் செலுத்த முடியாமல் மிகவும் சிரமப்பட்டு வந்தனர்.

இந்த நிலையில் சாலையோரம் வாகனங்களில் காய்கறிகள் விற்பனை செய்வதை தடுக்க வேண்டும் என்று கூறி வியாபாரிகள் நேற்று முழு கடை அடைப்பு போராட்டத்தில் ஈடுபட்டனர். இந்த போராட்டத்திற்கு பெருந்தலைவர் காமராஜர் காய்கறி வியாபாரிகள் நலச்சங்க தலைவர் கணேசன் தலைமை தாங்கினார். செயலாளர் எம்.ஆர்.ராஜா, பொருளாளர் எஸ்.ஆர்.சி.ராஜா ஆகியோர் முன்னிலை வகித்தனர்.

இதில் வியாபாரிகள் ராமலிங்கம், காமல்ஷா, இப்ராஹிம், சுப்பிரமணியன் உள்பட பலர் கலந்து கொண்டனர். மார்க்கெட்டில் உள்ள கடைகள் அனைத்தும் நேற்று அடைக்கப்பட்டிருந்ததால் காய்கறிகள் வாங்க வந்த பொதுமக்கள் ஏமாற்றத்துடன் திரும்பி சென்றனர்.