புதுச்சேரி,
புதுச்சேரி மத்திய பல்கலைக்கழகம் காலாப்பட்டில் அமைந்துள்ளது. இந்த பல்கலைக்கழகத்தின் 27-வது பட்டமளிப்பு விழா வருகிற 23-ந் தேதி (திங்கட்கிழமை) நடைபெறுகிறது. இதில் கலந்து கொண்டு ஜனாதிபதி ராம்நாத் கோவிந்த் மாணவ, மாணவிகளுக்கு பட்டங்களை வழங்குகிறார்.

விழாவில் புதுவை கவர்னர் கிரண்பெடி, முதல்-அமைச்சர் நாராயணசாமி, அமைச்சர்கள் ஷாஜகான், கமலக்கண்ணன், எம்.பி.க்கள் கோகுலகிருஷ்ணன், வைத்திலிங்கம், புதுவை மத்திய பல்கலைக்கழக துணைவேந்தர் குர்மித் சிங் உள்பட பலர் கலந்துகொள்கிறார்கள்.

இந்த தகவலை பல்கலைக்கழகத்தின் பதிவாளர் சித்ரா தெரிவித்துள்ளார்.