பெங்களூரு கன்டோன்மெண்ட்- அகர்தலா இடையே இயக்கப்பட உள்ள சிறப்பு ரெயில்கள் குறித்த தகவல் வெளியிடப்பட்டுள்ளது. இது தொடர்பாக தென்மேற்கு ரெயில்வே வெளியிட்டு உள்ள செய்திக்குறிப்பில் கூறப்பட்டு இருப்பதாவது;-

திரிபுரா மாநிலம் அகர்தலாவில் இருந்து பெங்களூரு கன்டோன்மெண்டிற்கு வருகிற 31-ந் தேதி முதல் வாரந்தோறும் சனிக்கிழமைகளில் அதிவிரைவு சிறப்பு எக்ஸ்பிரஸ் (05488) இயக்கப்பட உள்ளது. மறுமார்க்கமாக அடுத்த மாதம் (ஆகஸ்டு) 3-ந் தேதி முதல் செவ்வாய்க்கிழமைகளில் பெங்களூரு கன்டோன்மெண்டில் இருந்து அகர்தலாவுக்கு ரெயில் புறப்பட்டு செல்கிறது.