மக்கள் நீதி மய்ய கட்சியின் தலைவர் கமல்ஹாசன் நாடு முழுவதும் பல நகரங்களில் பெட்ரோல் மற்றும் டீசல் விலை உயர்ந்துள்ளதற்கு கண்டனம் தெரிவித்து உள்ளார். இதேபோன்று சமையல் கியாஸ் சிலிண்டர் விலை உயர்வுக்கும் அவர் தனது கண்டனங்களை தெரிவித்து உள்ளார்.

இதுபற்றி தனது அதிகாரப்பூர்வ டுவிட்டரில் அவர் இன்று வெளியிட்டுள்ள செய்தியில், கண்ணுக்கெட்டா தொலைவில் பறப்பவை எவை என்கிறீர்களா? பெட்ரோல், டீசல் ஆகிய இரண்டுக்கும் பக்கத்தில் பறப்பது சமையல் எரிவாயுதான். ஏழைகளின் வயிறு எரிவதற்கு எந்த வாயுவும் தேவையில்லை என்று கருதுகிறதா மத்திய அரசு? அந்த நெருப்பு ஆபத்தானது என தெரிவித்து உள்ளார்.