விழுப்புரம் திரு.வி.க. வீதியில் உள்ள பழமைவாய்ந்த ஆஞ்சநேயர் கோவில் வளாகத்தில் உள்ள ஹயக்கிரீவர் சன்னதியிலும் மற்றும் விழுப்புரம் வண்டிமேடு ராகவேந்திரர் கோவில் வளாகத்தில் உள்ள ஹயக்கிரீவர் சன்னதியிலும் நடைபெற்ற வித்யாரம்பம் நிகழ்ச்சியில் பெற்றோர்கள் தங்கள் குழந்தைகளுடன் கலந்துகொண்டு சாமி தரிசனம் செய்தனர். தொடர்ந்து, தங்கள் குழந்தையின் கையை பிடித்து நெல்மணியில் 'அ' எழுத்து எழுதியும், குழந்தைகளின் பெயர் எழுதியும், முதல் கல்வியை தொடங்கி வைத்தனர். குழந்தைகள் கல்வியில் சிறந்து விளங்க வேண்டும் என்பதற்காக இந்நிகழ்ச்சியில் கலந்துகொண்டதாக பெற்றோர்கள் தெரிவித்தனர்.