மருத்துவ வல்லுனர்கள் கூறுவது என்ன?

'பிஎப்.7 மற்றும் பிஏ.5.1.7' வகை மாறுபாடுகள் மிகவும் எளிதாக தொற்றும் தன்மை கொண்டவை. முந்தைய நோய் எதிர்ப்பு சக்தியை எளிதில் உடைத்துக்கொண்டு பரவும் வீரியமிக்கவை. இதற்கு முன் கொரோனாவால் பாதிக்கப்பட்டிருந்தாலும் அல்லது முழுமையாக தடுப்பூசி போடப்பட்டிருந்தாலும் கூட பிஎப்.7 வகை மாறுபாடு மக்களைப் பாதிக்கலாம்.

அதே வேளையில், கொரோனா தடுப்பூசிகள், கடுமையான நோய் பாதிப்பு ஏற்படாமலும் மற்றும் வைரஸால் ஏற்படும் இறப்புகளைத் தடுப்பதில் மிகவும் பயனுள்ளதாக இருக்கும்.

உலகம் முழுவதும் பிஎப்.7 வகை மாறுபாடு அதிக தாக்கத்தை ஏற்படுத்தும் என உலக சுகாதார அமைப்பு கணித்துள்ளது. ஒமைக்ரான் வைரசின் பிஎப்.7 வகை மாறுபாடு பெல்ஜியம், ஜெர்மனி, பிரான்ஸ், டென்மார்க் மற்றும் இங்கிலாந்து ஆகிய நாடுகளில் பரவி வருகிறது.