இந்தோனேசியாவில் சுற்றுலாப்பயணிகளின் சொர்க்கமாக திகழ்கிற லம்பாக் தீவில் காலையில் சக்திவாய்ந்த பூகம்பம் ஏற்பட்டது.

இந்த பூகம்பம் ரிக்டர் அளவுகோலில் 6.4 புள்ளிகளாக பதிவானது என்று அமெரிக்க புவியியல் ஆய்வு மையம் தெரிவித்துள்ளது. மாதரம் என்ற நகரத்தில் இருந்து 50 கி.மீ. தொலைவில் 7 கி.மீ. ஆழத்தில் மையம் கொண்டு தாக்கியுள்ளது. பூகம்பம் ஏற்பட்டபோது, தூங்கிக்கொண்டு இருந்த மக்கள் பதறியடித்துக்கொண்டு பீதியுடன் வீதிகளுக்கு ஓடி வந்தனர். இதில் செம்பலூன் நகரம் பெரும் பாதிப்பை சந்தித்துள்ளது. மின்சாரம் தடைபட்டது. ஏராளமான வீடுகள் இருளில் தவித்தன. பல கட்டிடங்கள் இடிந்து தரை மட்டமாகின. ஆயிரத்துக்கும் மேற்பட்ட வீடுகள் இடிந்து சேதம் அடைந்தன. இடிபாடுகளில் சிக்கி 10 பேர் உயிரிழந்தனர் என முதல்கட்ட தகவல்கள் வெளியாகியது.