தெலுங்கு, கன்னடத் திரையுலகில் முன்னணி கதாநாயகியாக வலம் வருபவர் நபா நடேஷ்.

சிவ ராஜ்குமார் இணையாக வஜ்ரகயா, என்ற கன்னடப் படத்தின் மூலம் சினிமாவில் அறிமுகமானார்.

இவர் அடிக்கடி போட்டோஷூட் நடத்தி புகைப்படங்களை சமூக வலைதளத்தில் பகிர்ந்து வருகிறார்.

ஞானபாலி என்பவன் சத்தியமே வடிவான உத்தம அரசன். முழுமுதற் கடவுளான கணபதியின் தீவிர பக்தன். விநாயகரின் பக்தனாக நாட்டை நல்ல முறையில் ஆட்சி செய்து வந்தான். ஒருமுறை அவனது நாட்டில் பெரும் பஞ்சம் ஏற்பட்டது. இதனால் மக்களைக் காக்கும் பொருட்டு, ராஜகுருவின் ஆலோசனைப்படி ருத்ர யாகம் ஒன்றைச் செய்யத் தொடங்கினான் ஞானபாலி.

யாகத்தின் நடுவே அரசனின் விதி தனது வேலையைத் தொடங்கியது. அந்த வழியே சென்ற மேனகை, ஞானபாலியின் கண்களைக் கவர்ந்தாள். சிற்றின்ப ஆசையால் அரசன் வேள்வியைப் பாதியில் நிறுத்திவிட்டு எழுந்து, மேனகையின் பின்னே சென்றான். பின்னால் வந்த அரசனை எச்சரித்துவிட்டு மேனகை மறைந்தாள்.

ஏமாந்துபோன அரசன் ஞானபாலி மீண்டும் யாகம் நடைபெற்ற இடத்துக்குத் திரும்பினான். யாகம் பாதியில் நின்றதால் பெரும் ஆபத்து நேரும் என்று ராஜகுரு எச்சரித்தார். எனவே, மற்றொரு நாள் யாகத்தைத் தொடங்கலாம் என்றும் அறிவுறுத்தினார். ஆனால், அதைக் கண்டுகொள்ளாமல் நின்றுபோன யாகத்தை மீண்டும் தொடங்கினான் ஞானபாலி.

இதனால் கோபமடைந்த அஷ்ட திக் பாலர்கள் தோன்றி ஞானபாலியைச் சபித்தனர். அவர்களின் சாபத்தால் ஒற்றைக் கண் பூதமாக மாறி அலையத் தொடங்கினான் ஞானபாலி. கண்ணில் பட்ட மனிதர்களையெல்லாம் பிடித்து உண்டான். கொடிய அரக்கனாக மாறி, சகல உயிரினங்களையும் வதைத்தான். தீராத பெரும்பசியால் உயிர்களை எல்லாம் விழுங்கினான்.

பூமிக்கே பெரும் அச்சுறுத்தலாக மாறிய ஞானபாலியை எந்தத் தேவர்களாலும் அழிக்க முடியவில்லை. அவனுக்கு கஜமுகனின் ஆசி இருந்ததே இதற்குக் காரணம் என்பதைப் பூமாதேவி அறிந்துகொண்டாள். தன் மக்களைக் காக்க கணபதியை வேண்டினாள். தன் பக்தனான ஞானபாலிக்கு அருள் செய்யவும், பூவுலகைக் காக்கவும் கணபதி திருவுளம் கொண்டார்.

கணபதியின் முன் கண்ணீரோடு விழுந்து வணங்கிய ஞானபாலி, தன்னை ரட்சித்து ஏற்றுக்கொள்ளுமாறு வேண்டினான். தனது பெரும்பசியைப் போக்குவதுடன், தன்னையும் கணநாதராகிய பிள்ளையார் தம்மோடு வைத்துக்கொள்ளுமாறு கேட்டுக்கொண்டான். பிறப்பிலா பெருவாழ்வைத் தந்து காக்குமாறு அழுது தொழுதான்.

திருவுள்ளம் கொண்ட கணபதி, விஸ்வரூப வடிவம் எடுத்து, ஞானபாலியைத் தன் கையால் பிடித்து, அவனை ஒரு கொழுக்கட்டை வடிவமாக்கி விழுங்கிவிட்டார். இப்படியாக கணபதியின் பக்தனான ஞானபாலி, கொழுக்கட்டை வடிவத்தில் விநாயகப் பெருமானின் வயிற்றில் அமர்ந்துகொண்டான்.

அன்றிலிருந்து விநாயகருக்குப் படைக்கப்படும் கொழுக்கட்டைகள் அனைத்தும் ஞானபாலிக்கே போய்ச் சேர்ந்ததாகக் கூறப்படுகிறது. நாமும் இன்று வரை ஞானபாலியின் நினைவாகக் கொழுக்கட்டையைச் செய்து படைத்து வருகிறோம். ஆன்மா என்ற இனிப்பான பூரணத்தைப் பொதிந்து, இந்த உடலையே ஆண்டவருக்காக அர்ப்பணிக்கிறோம் என்பதே கொழுக்கட்டையின் தத்துவம்.

விநாயகர் சதுர்த்திக்கு வீட்டிலேயே சுவையான பால் கொழுக்கட்டை செய்து விநாயகருக்கு படையலிடலாம். கொழுக்கட்டை மாவைப் பயன்படுத்தி எளிய முறையில் தயாரிக்கக்கூடிய இந்த இனிப்பு, குழந்தைகள் முதல் பெரியவர்கள் வரை அனைவரும் விரும்பிச் சாப்பிடும் வகையில் இருக்கும்.

தேவையான பொருட்கள்; கொழுக்கட்டை மாவு – 1 கப், வெல்லம் பொடித்தது – ½ கப், பால் – 1 கப், தேங்காய்த்துருவல் – ½ கப், ஏலக்காய்த்தூள் – ½ தேக்கரண்டி, உப்பு – ஒரு சிட்டிகை.

செய்முறை; ஒரு வெறும் வாணலியில் கொழுக்கட்டை மாவைப் போட்டு, தொட்டால் சுடும் அளவுக்கு வறுக்கவும்.

ஒரு பாத்திரத்தில் 2 கப் தண்ணீரை ஊற்றி, ஒரு சிட்டிகை உப்பு சேர்த்துக் கொதிக்க வைக்கவும். கொதித்த தண்ணீரை மாவில் ஊற்றி, கரண்டியால் நன்றாகக் கிளறவும்.

மாவு சற்று ஆறியதும், கைகளால் நன்றாகப் பிசைந்து கொள்ளவும். பின்னர் மாவைச் சிறு சிறு உருண்டைகளாக உருட்டி வைக்கவும்.

அடிகனமான பாத்திரத்தில் 4 கப் தண்ணீர் ஊற்றிக் கொதிக்க வைக்கவும். தண்ணீர் நன்றாகக் கொதிக்க ஆரம்பித்ததும், செய்து வைத்த உருண்டைகளைப் போடவும்.

உருண்டைகள் வேகும் வரை கிளற வேண்டாம். 3 முதல் 4 நிமிடங்கள் வேக வைத்த பிறகு, மெதுவாகத் திருப்பி விடவும். பின்னர் அதில் பாலை ஊற்றி, ஓரிரு நிமிடங்கள் கொதிக்க விடவும்.

மற்றொரு பாத்திரத்தில் வெல்லம் மற்றும் ¼ கப் தண்ணீர் சேர்த்துக் கொதிக்க வைக்கவும். வெல்லம் கரைந்து கொதிக்க ஆரம்பித்ததும், அதை வடிகட்டி, கொதித்துக் கொண்டிருக்கும் கொழுக்கட்டையில் ஊற்றிக் கிளறவும்.

இறுதியாகத் தேங்காய்த்துருவல், ஏலக்காய்த்தூள் சேர்த்துக் கிளறி இறக்கவும். ஆறியதும் சற்று கெட்டியாகிவிடும். சுவையான பால் கொழுக்கட்டை தயார். இந்த விநாயகர் சதுர்த்திக்கு வீட்டிலேயே செய்து மகிழுங்கள்!

தினமும் கண்களுக்கு மை இட்டுக்கொள்வதில் தவறில்லை. இருப்பினும், வீட்டில் இருக்கும் நேரம், விடுமுறை நாள்கள் போன்ற சமயங்களில் கண்களுக்கு மையிடுவதைத் தவிர்க்கலாம்.

நீண்ட நேரம் அழியாமல் இருக்கக்கூடிய நீர்ப்புகா கண் மை, கண் இமைகளுக்கான அழகு மை போன்றவற்றை தினமும் பயன்படுத்துவதைத் தவிர்க்க வேண்டும்.

கண்களில் நீண்ட நேரம் அழகு மை இருப்பதால் சிலருக்கு கண் சிவத்தல், வீக்கம், எரிச்சல் போன்ற பிரச்சனைகள் ஏற்படலாம்.

கண்களுக்கான அழகுப் பொருள்களைத் தேர்ந்தெடுக்கும்போது அதிக கவனம் தேவை. கண்கள் மிகவும் உணர்திறன் கொண்ட பகுதி என்பதால், விலை குறைவாக உள்ளது என்பதற்காகத் தரமில்லாத பொருள்களை வாங்கிப் பயன்படுத்தக் கூடாது.

கண் மை, கண் இமைகளுக்கான அழகு மை போன்றவற்றை வாங்கும்போது தயாரிக்கப்பட்ட நாள், காலாவதியாகும் நாள் ஆகியவற்றை நிச்சயமாகக் கவனிக்க வேண்டும்.

ஒருவருக்குப் பயன்படுத்திய கண் மை, காஜல் போன்ற கண்களுக்கான அழகுப் பொருள்களை மற்றொருவர் பயன்படுத்தக் கூடாது. இதனால் கண் தொற்று ஏற்படும் அபாயம் உள்ளது.

வைட்டமின் ஏ நிறைந்த உணவுகள் கண்களின் ஆரோக்கியத்திற்கு உதவும். மாம்பழம், கேரட், பூசணிக்காய் போன்ற உணவுகளைச் சமச்சீரான உணவின் ஒரு பகுதியாக எடுத்துக்கொள்ளலாம்.

கண்களில் தொடர்ந்து சிவத்தல், வீக்கம், அரிப்பு அல்லது எரிச்சல் ஏற்பட்டால் அழகு மை பயன்படுத்துவதை நிறுத்திவிட்டு கண் மருத்துவரை அணுக வேண்டும்.

2013-ஆம் ஆண்டு பிரியதர்ஷன் இயக்கத்தில் வெளியான 'கீதாஞ்சலி' என்ற படத்தின் மூலம் கதாநாயகியாக அறிமுகமானார் கீர்த்தி சுரேஷ்.

இவர் தற்போது தமிழ், மலையாளம், தெலுங்கு சினிமாக்களில் பிரபல நடிகையாக இருக்கிறார்.

'நடிகையர் திலகம்' படத்தில் சாவித்ரியாக கீர்த்தி சுரேஷ் நடித்து பாராட்டை பெற்றார். அந்தப் படத்திற்கு தேசிய விருதும் வென்றார்.

சமூக வலைதளங்களில் ஆக்டிவாக இருக்கும் இவர், தனது புகைப்படங்களை அவ்வப்போது இன்ஸ்டாகிராம் பக்கத்தில் பகிர்ந்து வருகிறார்.

சீதா ராமம் படத்தில் நடித்து பிரபலமானவர் நடிகை மிருணாள் தாக்கூர்.

சமீபத்தில் இவர் நடிப்பில் வெளியான 'பேமிலி ஸ்டார்' படம் ரசிகர்கள் மத்தியில் நல்ல வரவேற்பை பெற்றது.

இவர் அடிக்கடி இன்ஸ்டாகிராம் பக்கத்தில் விதவிதமான புகைப்படங்களை பகிர்ந்து வருகிறார்.

இந்நிலையில் குடும்பப்பெண் தோற்றத்தில் எடுத்த புகைப்படங்களை பகிர்ந்துள்ளார்.

உணவு என்பது வயிற்றை நிரப்புவதற்காக மட்டும் அல்ல; உடலுக்கு தேவையான ஆற்றலையும் சத்துக்களையும் வழங்குவதற்காக.

தினமும் சரியான நேரத்தில் உணவு சாப்பிடும் பழக்கத்தை ஏற்படுத்திக்கொள்வது உடலுக்கு நல்லது.

உணவில் காய்கறிகள், பழங்கள், பருப்பு வகைகள் மற்றும் புரதச்சத்து நிறைந்த உணவுகளை சமநிலையுடன் சேர்த்துக்கொள்ள வேண்டும்.

உணவை அவசரமாக விழுங்காமல், நன்றாக மென்று மெதுவாக சாப்பிடுவது நல்ல பழக்கம்.

சாப்பிடும்போது கைப்பேசி அல்லது தொலைக்காட்சியில் கவனம் செலுத்துவதைத் தவிர்த்து, உணவில் கவனம் செலுத்துவது உதவும்.

உணவுக்கு முன்பும் உணவுக்குப் பிறகும் தேவையான அளவு தண்ணீர் குடிப்பது முக்கியம். தாகம் மற்றும் உடலின் தேவைக்கேற்ப தண்ணீர் குடிக்கலாம்.

அதிக எண்ணெய், உப்பு மற்றும் சர்க்கரை கொண்ட உணவுகளை அடிக்கடி சாப்பிடாமல், அளவோடு எடுத்துக்கொள்வது ஆரோக்கியமானது.

“என்ன சாப்பிடுகிறோம் என்பது மட்டுமல்ல… எப்படி சாப்பிடுகிறோம் என்பதும் முக்கியம்!” நல்ல உணவுப் பழக்கங்களை இன்றே தொடங்குவோம்.

உலக முதலுதவி தினம் ஒவ்வொரு ஆண்டும் முதலுதவியின் முக்கியத்துவத்தை மக்களுக்கு எடுத்துரைக்கும் வகையில் கடைப்பிடிக்கப்படுகிறது.

விபத்து அல்லது அவசரநிலை ஏற்படும் போது மருத்துவ உதவி கிடைக்கும் முன் செய்யப்படும் முதலுதவி, ஒருவரின் உயிரைக் காப்பாற்றுவதில் முக்கிய பங்கு வகிக்கிறது.

முதலுதவி என்பது மருத்துவர்களுக்கு மட்டும் தெரிந்திருக்க வேண்டிய விஷயம் அல்ல. அடிப்படை முதலுதவி அறிவு ஒவ்வொருவருக்கும் இருப்பது அவசியம்.

சிறிய காயம், தீக்காயம், மயக்கம் அல்லது விபத்து போன்ற சூழ்நிலைகளில் சரியான முறையில் முதலுதவி செய்வது பாதிக்கப்பட்டவரின் நிலை மோசமடைவதைத் தடுக்க உதவும்.

அவசர நேரத்தில் பதற்றமடையாமல், சூழ்நிலையைப் புரிந்துகொண்டு சரியான உதவியை வழங்குவது மிகவும் முக்கியம்.

முதலுதவி பற்றிய அடிப்படை பயிற்சிகளை அனைவரும் கற்றுக்கொள்வது அவசர நேரத்தில் நமக்கும் மற்றவர்களுக்கும் உதவியாக இருக்கும்.

“எப்போது வேண்டுமானாலும், யாருக்கும் உதவி தேவைப்படலாம்.” எனவே முதலுதவி அறிவை நம்முடன் இருப்பவர்களிடமும் பகிர்ந்து கொள்வோம்.

ஒரு சிறிய உதவி ஒரு பெரிய உயிரைக் காப்பாற்றலாம். முதலுதவி கற்போம், அவசர நேரத்தில் சரியான உதவியை வழங்குவோம், உயிர்களைக் காப்போம்!

தென்னிந்திய சினிமாவின் முன்னணி நடிகையாக வலம் வருபவர் மீனாட்சி சவுத்ரி.

இவர் 2021-ம் ஆண்டு வெளிவந்த இச்சட்டா வாகனுமுலுநில்லுபருடா என்ற தெலுங்கு படத்தின் மூலம் சினிமாவில் அறிமுகமானார்.

விஜய் நடிப்பில் வெளிவந்த கோட் படத்தில் நடித்துள்ளார்.

இவர் சினிமா மட்டுமின்றி சமூக வலைதளங்களில் ஆர்வம் காட்டி வருகிறார்.

இந்நிலையில் தனது லேட்டஸ்ட் புகைப்படத்தை இணையத்தில் பகிர்ந்துள்ளார்.

இவர் ஆரம்பகாலத்தில் விளம்பர படங்களில் நடித்து கதாநாயகியாக அறிமுகம் ஆனவர்.

இவர் தமிழில் காதலில் சொதப்புவது எப்படி தீயா வேலை செய்யனும் குமாரு உள்ளிட்ட தமிழ் படங்களில் நடித்துள்ளர்.

சமூக வலைதளத்தில் ஆக்டிவாக இருக்கும் இவர் அடிக்கடி போட்டோஷூட் நடத்தி வருகிறார்.

கடந்த 2021ம் ஆண்டு வெளியான 'முகில் பேட்டை' என்ற கன்னட படத்தின் மூலம் சினிமாவில் அறிமுகமானவர் காயடு லோஹர்.

தொடர்ந்து மலையாளம், தெலுங்கு படங்களில் நடித்தார். ஆனால் அவற்றில் எந்த படமும் எதிர்பார்த்த அளவில் வெற்றியடையவில்லை.

'டிராகன்' படத்தின் மூலம் தமிழ் சினிமாவில் அறிமுகமான கயாடு லோஹர், ரசிகர்களின் மத்தியில் பெரும் வரவேற்பை பெற்றார்.

சமூக வலைதளங்களில் ஆக்டிவாக இருக்கும் கயாடு லோஹர், அவ்வப்போது புகைப்படங்களை பகிர்ந்து வருகிறார்.

காளான் மற்றும் முட்டைகோஸ் வைத்து சுவையான, மொறுமொறுப்பான மசாலா செய்து சாப்பிடலாம். வீட்டில் இருக்கும் எளிய பொருட்களைப் பயன்படுத்தி செய்யக்கூடிய இந்த உணவு, சாதம், சப்பாத்தி அல்லது சிற்றுண்டியாகவும் சாப்பிட ஏற்றதாக இருக்கும்.

தேவையான பொருட்கள்; முட்டைகோஸ் – 1 சிறியது, காளான் – 1 பொட்டலம், மைதா – 100 கிராம், சோளமாவு – 50 கிராம், வெங்காயம் – 2, இஞ்சி பூண்டு விழுது – 2 மேஜைக்கரண்டி, பச்சை மிளகாய் – 3, கொத்தமல்லி – தேவையான அளவு, கருவேப்பிலை – தேவையான அளவு, மஞ்சள் தூள் – ½ தேக்கரண்டி, மிளகாய் தூள் – 1 தேக்கரண்டி, கரம் மசாலா – 1½ தேக்கரண்டி, உப்பு – தேவையான அளவு, எண்ணெய் – 250 மில்லி.

செய்முறை; முதலில் முட்டைகோஸ் மற்றும் காளானை நன்றாக சுத்தம் செய்து சிறு துண்டுகளாக நறுக்கிக் கொள்ளவும்.

ஒரு பாத்திரத்தில் நறுக்கிய முட்டைகோஸ் மற்றும் காளானை சேர்த்து, அதனுடன் மைதா, சோளமாவு, மஞ்சள் தூள், மிளகாய் தூள், கரம் மசாலா மற்றும் உப்பு சேர்க்கவும்.

இவற்றை சிறிதளவு தண்ணீர் தெளித்து நன்றாகக் கலக்கி, காளான் மற்றும் முட்டைகோஸில் மசாலா நன்றாகப் படும்படி தயார் செய்து கொள்ளவும்.

கடாயில் எண்ணெய் ஊற்றி காய்ந்ததும், தயார் செய்து வைத்த கலவையை சிறிது சிறிதாக சேர்த்து பொன்னிறமாகவும் மொறுமொறுப்பாகவும் பொரித்து எடுத்து வைக்கவும்.

மற்றொரு கடாயில் சிறிது எண்ணெய் ஊற்றி காய்ந்ததும் நறுக்கிய வெங்காயம், பச்சை மிளகாய், கருவேப்பிலை மற்றும் இஞ்சி பூண்டு விழுது சேர்த்து நன்றாக வதக்கவும்.

பின்னர் தேவையான மசாலா மற்றும் உப்பு சேர்த்து கிளறி, சோளமாவை தண்ணீரில் கரைத்து ஊற்றவும். கலவை கொதிக்கத் தொடங்கியதும், பொரித்து வைத்துள்ள காளான் மற்றும் முட்டைகோஸ் கலவையை சேர்த்து நன்றாகக் கிளறவும்.

மசாலா நன்றாக வற்றி காளான் மற்றும் முட்டைகோஸில் ஒட்டியதும், மேலே நறுக்கிய கொத்தமல்லி மற்றும் சிறிதளவு வெங்காயம் தூவி இறக்கி பரிமாறலாம்.

1960-களின் இறுதியிலும், 1970-களின் தொடக்கத்திலும் பிரதமர் இந்திரா காந்தி கட்சிக்குள் ஏற்பட்ட நெருக்கடி, உள்நாட்டு போராட்டங்கள் மற்றும் சர்வதேச அழுத்தம் எனப் பல்வேறு சவால்களை எதிர்கொண்டார். இந்தச் சூழல்களே பின்னர் 1975-ஆம் ஆண்டு அமல்படுத்தப்பட்ட நெருக்கடி நிலைக்கு முக்கிய பின்னணியாக அமைந்தன.

1964-ஆம் ஆண்டு ஜவஹர்லால் நேருவின் மறைவும், 1966-ஆம் ஆண்டு லால் பகதூர் சாஸ்திரியின் மறைவும் இந்திய அரசியலில் மாற்றத்தை ஏற்படுத்தின. இதற்கிடையே இந்திரா காந்தி பிரதமராகப் பொறுப்பேற்றார். அவரது அரசியல் அணுகுமுறை காங்கிரஸ் கட்சியின் மூத்த தலைவர்களிடையே அதிருப்தியை ஏற்படுத்தியது.

1967-ஆம் ஆண்டு நடைபெற்ற தேர்தலில் தமிழ்நாடு உள்ளிட்ட பல மாநிலங்களில் காங்கிரஸ் ஆட்சியை இழந்தது. பின்னர் காங்கிரஸ் கட்சி இரண்டாகப் பிளவுபட்டது. இருப்பினும், 1971-ஆம் ஆண்டு நடைபெற்ற தேர்தலில் இந்திரா காந்தி தலைமையிலான காங்கிரஸ் பெரும் வெற்றி பெற்று மீண்டும் ஆட்சியை அமைத்தது.

அதே காலகட்டத்தில் பாகிஸ்தானுடன் போர் ஏற்பட்டது. வங்கதேச விடுதலைப் போரில் இந்தியா தலையிட்டதன் விளைவாக வங்கதேசம் தனி நாடாக உருவானது. இது இந்திரா காந்தியின் முக்கிய அரசியல் மற்றும் ராஜதந்திர சாதனையாகக் கருதப்பட்டாலும், சர்வதேச அளவில் பல்வேறு அழுத்தங்களையும் அவர் எதிர்கொண்டார்.

இதனுடன், நாட்டின் பல பகுதிகளில் இந்திரா காந்தி அரசுக்கு எதிரான போராட்டங்களும் அதிகரித்தன. கட்சி அரசியல், உள்நாட்டு அரசியல் மற்றும் சர்வதேச அரசியல் எனப் பல்வேறு தளங்களில் ஏற்பட்ட நெருக்கடிகள் அவரது அரசுக்கு சவாலாக அமைந்தன.

1971-ஆம் ஆண்டு தேர்தலில் அரசு அதிகாரியைத் தனது தேர்தல் பிரசாரத்திற்குப் பயன்படுத்தியதாக இந்திரா காந்தி மீது வழக்கு தொடரப்பட்டது. இதுதொடர்பாக 1975-ஆம் ஆண்டு ஜூன் 12-ஆம் தேதி அலகாபாத் உயர் நீதிமன்றம் அவரது தேர்தல் வெற்றியை செல்லாது எனத் தீர்ப்பளித்தது. இதனால் அவரது அரசியல் எதிர்காலம் மேலும் நெருக்கடிக்குள்ளானது.

1975-ஆம் ஆண்டு ஜூன் 25-ஆம் தேதி இந்தியாவில் நெருக்கடி நிலை அறிவிக்கப்பட்டது. இந்தக் காலகட்டத்தில் அரசுக்கு எதிரான நடவடிக்கைகளை கட்டுப்படுத்தவும், எதிர்க்கட்சித் தலைவர்களை கைது செய்யவும் பல்வேறு சட்டங்கள் பயன்படுத்தப்பட்டன. அவற்றில் முக்கியமானதாக மிசா சட்டம் இருந்தது.

மிசா என்பது Maintenance of Internal Security Act என்பதன் சுருக்கமாகும். தமிழில் இது இந்திய உள்நாட்டுப் பாதுகாப்புப் பராமரிப்புச் சட்டம் எனக் குறிப்பிடப்படுகிறது. இந்தச் சட்டத்தின் கீழ் பாதுகாப்புக் காரணங்களைக் கூறி ஒருவரைத் தடுப்புக் காவலில் வைக்க அரசுக்கு விரிவான அதிகாரங்கள் வழங்கப்பட்டன.

மிசா சட்டத்தின் கீழ் ஜெயப்பிரகாஷ் நாராயணன், அடல் பிஹாரி வாஜ்பாய், எல்.கே. அத்வானி, லாலு பிரசாத் யாதவ் உள்ளிட்ட பல்வேறு எதிர்க்கட்சித் தலைவர்கள் கைது செய்யப்பட்டனர். தமிழகத்திலும் மு.க. ஸ்டாலின், முரசொலி மாறன் உள்ளிட்டோர் மிசா சட்டத்தின் கீழ் சிறையில் அடைக்கப்பட்டனர். அப்போது திமுக நாடாளுமன்ற உறுப்பினராக இருந்த சிட்டிபாபு சிறையில் கடுமையாகத் தாக்கப்பட்ட நிலையில், பின்னர் 1977-ஆம் ஆண்டு உயிரிழந்தார்.

நெருக்கடி நிலை விலக்கிக் கொள்ளப்பட்ட பிறகு 1977-ஆம் ஆண்டு நடைபெற்ற பொதுத் தேர்தலில் ஜனதா கட்சி வெற்றி பெற்று ஆட்சியமைத்தது. பின்னர் 1978-ஆம் ஆண்டு ஜூலை மாதம் மிசா சட்டம் முழுமையாக ரத்து செய்யப்பட்டது. இந்திய ஜனநாயக வரலாற்றில் நெருக்கடி நிலையும் மிசா சட்டமும் குடிமக்களின் அடிப்படை உரிமைகள் மற்றும் அரசியல் சுதந்திரம் தொடர்பான முக்கியமான வரலாற்றுச் சம்பவங்களாக இன்றும் நினைவுகூரப்படுகின்றன.

சு. சாலமன் பாப்பையா (சுந்தரம் சாலமன் பாப்பையா) பிப்ரவரி 22, 1936 அன்று மதுரை திருமங்கலம் அருகே உள்ள சாத்தங்குடியில் சுந்தரம்-பாக்கியம் இணையருக்குப் பிறந்தார். தமிழறிஞர், எழுத்தாளர், பட்டிமன்றப் பேச்சாளர், நடுவர், பதிப்பாசிரியர் எனப் பன்முகத் திறமை கொண்டவர். தமிழ்ப் பேராசிரியராகப் பணியாற்றிய இவர், திரைப்படங்களிலும் நடித்துள்ளார்.

சாலமன் பாப்பையா தனது ஆரம்பக் கல்வியை மதுரை ஆரப்பாளையம் வெள்ளிவீதியார் மாநகராட்சி பள்ளியிலும், தமிழ் சுவிசேஷ லுத்தரன் திருச்சபைப் பள்ளியிலும் பயின்றார். உயர்நிலைக் கல்வியை மதுரை தல்லாகுளம் அமெரிக்கன் கல்லூரி உயர்நிலைப் பள்ளியில் முடித்தார். பின்னர் மதுரை அமெரிக்கன் கல்லூரியில் பொருளாதாரத்தில் இளங்கலைப் பட்டமும், மதுரை தியாகராசர் கல்லூரியில் தமிழில் முதுகலைப் பட்டமும் பெற்றார்.

சாலமன் பாப்பையா அமெரிக்கன் கல்லூரியில் பயிற்றுநராக மூன்றாண்டுகள் பணியாற்றினார். பின்னர் தமிழ்ப் பேராசிரியராக உயர்ந்து, தமிழ்த் துறைத் தலைவராகப் பணியாற்றி ஓய்வு பெற்றார். இவரது மனைவி ஜெயாபாய் ஆசிரியை. இவர்களுக்கு தியாகமூர்த்தி என்ற மகனும், விமலா என்ற மகளும் உள்ளனர்.

பள்ளியில் படிக்கும்போதே பேச்சுப் போட்டிகளில் கலந்துகொண்டு தனது பேச்சுத் திறனை வளர்த்துக்கொண்டார். திராவிட இயக்கப் பேச்சாளர்கள், முத்துராமலிங்கத் தேவர், காமராஜர் உள்ளிட்டோரின் பேச்சுக்களால் ஈர்க்கப்பட்டார். அமெரிக்கன் கல்லூரியில் திருவள்ளுவர் கழகத் தலைவராகப் பணியாற்றியபோது பல்வேறு பேச்சரங்குகளை ஒருங்கிணைத்தார்.

குன்றக்குடி அடிகளார், இரா. நெடுஞ்செழியன், க. அன்பழகன் போன்றோரின் பேச்சரங்குகளை ஒருங்கிணைத்ததன் மூலமும், சா. கணேசன், குன்றக்குடி அடிகளார் ஆகியோரின் சொற்பொழிவுகளைக் கேட்டும் தனது பேச்சுத் திறனை மேம்படுத்தினார். தொடர் வாசிப்புப் பயிற்சியின் மூலம் சிறந்த பட்டிமன்றப் பேச்சாளராகவும் நடுவராகவும் வளர்ந்தார்.

அமெரிக்கன் கல்லூரியில் திருவள்ளுவர் கழகத் தலைவராக இருந்தபோது பல நாடகங்களை எழுதி, இயக்கி, நடித்துள்ளார். புது வருஷம், எஸ். மேடம், டூயட், பாய்ஸ், முதல்வன், சிவாஜி உள்ளிட்ட திரைப்படங்களிலும் நடித்துள்ளார். இதன் மூலம் இலக்கியம், பேச்சு, நாடகம், திரைப்படம் எனப் பல்வேறு துறைகளில் தனது பங்களிப்பை வழங்கினார்.

சாலமன் பாப்பையா தொலைக்காட்சியிலும் இலக்கியப் பணியைத் தொடர்ந்து மேற்கொண்டார். சன் தொலைக்காட்சியின் ‘வணக்கம் தமிழகம்’ நிகழ்ச்சியில் தினந்தோறும் காலையில் திருக்குறளுக்கு விளக்கமளித்தார். நாலடியார், நான்மணிக்கடிகை, அறநெறிச்சாரம், இன்னா நாற்பது, இனியவை நாற்பது, ஏலாதி, திரிகடுகம் போன்ற இலக்கியங்கள் குறித்தும் உரையாற்றினார்.

‘ஔவையின் அமுதமொழி’ நிகழ்ச்சியின் மூலம் ஔவையாரின் பாடல்களுக்கு விளக்கமளித்தார். தொலைக்காட்சிப் பட்டிமன்றங்கள், வானொலி இலக்கியச் சொற்பொழிவுகள், சங்க இலக்கியம் மற்றும் திருக்குறள் விளக்க நிகழ்ச்சிகள் எனத் தனது தமிழ்ப் பணியை விரிவுபடுத்தினார். பல்வேறு இலக்கிய நூல்களுக்கு உரையும் எழுதியுள்ளார்.

சாலமன் பாப்பையா தனது பட்டிமன்றப் பேச்சுகள் மூலம் பல்வேறு கல்வி மற்றும் அறக்கொடை நிறுவனங்களுக்கு நிதி திரட்ட உதவியுள்ளார். 2023-ஆம் ஆண்டு தான் பயின்ற மதுரை ஆரப்பாளையம் வெள்ளிவீதியார் மாநகராட்சி பள்ளியின் கட்டிட நிதிக்காக ரூ.20 லட்சம் நன்கொடையாக வழங்கினார். தமிழ்மொழி மற்றும் இலக்கியத்திற்கான இவரது பங்களிப்பைப் பாராட்டி தமிழக அரசின் கலைமாமணி விருதும், இந்திய அரசின் பத்மஸ்ரீ விருதும் வழங்கப்பட்டுள்ளன.

தமிழறிஞரும் பிரபல பட்டிமன்ற நடுவருமான சாலமன் பாப்பையா, 2026 செப்டம்பர் 11-யில் மதுரையில் வயது முதிர்வு காரணமாக காலமானார். அவருக்கு வயது 90. தமிழ் இலக்கியம் மற்றும் பட்டிமன்ற உலகில் அவர் ஆற்றிய பங்களிப்புகள் என்றும் நினைவுகூரப்படும்.

கமல்ஹாசனின் மகள் என்ற அடையாளத்துடன் சினிமாவுக்கு வந்தவர் சுருதிஹாசன்.

தற்போது தென்னிந்திய சினிமாவில் முன்னணி கதாநாயகியாக வலம் வருகிறார்.

இவர் படங்களில் நடிப்பது மட்டுமின்றி, பின்னணிப் பாடல்களும் பாடி வருகிறார்.

இன்ஸ்டாகிராமில் இவரை 20 லட்சத்துக்கும் மேற்பட்ட ரசிகர்கள் பின்தொடர்கிறார்கள்.

2003-ம் ஆண்டில் திரைக்கு வந்த 'எனக்கு 20 உனக்கு 18' படத்தின் மூலம் தமிழ் திரையுலகுக்கு அறிமுகமானவர் ஸ்ரேயா.

தமிழில் சூப்பர் ஸ்டார் ரஜினிகாந்த், தளபதி விஜய், சியான் விக்ரம், தனுஷ் உள்ளிட்ட முன்னணி நடிகர்களுடன் இணைந்து பல வெற்றி படங்களை கொடுத்துள்ளார்.

இவர் தனது நீண்ட நாள் காதலரான ஆன்ட்ரூ கோச்சேவை ரகசிய திருமணம் செய்து கொண்டார்.

சமூக வலைதளங்களில் மிகவும் ஆக்டிவாக செயல்பட்டு வரும் இவர் போட்டோஷூட் நடத்தி புகைப்படங்களை பகிர்ந்து வருகின்றார்.

சூடான சாதத்தில் ஊற்றி சாப்பிட உருளைக்கிழங்கு காரக் குழம்பு மிகவும் சுவையாக இருக்கும். எளிமையான முறையில் வீட்டிலேயே இந்த காரக் குழம்பை எப்படி செய்வது என்று பார்க்கலாம்.

தேவையான பொருட்கள்: உருளைக்கிழங்கு - ¼ கிலோ, பூண்டு - 10 பல், வெங்காயம் - 1, தக்காளி - 1, கீறிய பச்சை மிளகாய் - 3, புளி - நெல்லிக்காய் அளவு, கடுகு – ½ தேக்கரண்டி, உளுத்தம்பருப்பு - ½ தேக்கரண்டி, சீரகம் – ½ தேக்கரண்டி, மஞ்சள் தூள் - ½ தேக்கரண்டி, கடலைப்பருப்பு - 1 தேக்கரண்டி, குழம்பு பொடி – 1 தேக்கரண்டி, கறிவேப்பிலை – சிறிதளவு, எண்ணெய் - 1 மேசைக்கரண்டி, மிளகாய்த்தூள் - தேவையான அளவு, உப்பு - தேவையான அளவு.

செய்முறை; முதலில் உருளைக்கிழங்கு, வெங்காயம், தக்காளி ஆகியவற்றை பொடியாக நறுக்கிக் கொள்ளவும். புளியைத் தண்ணீரில் ஊறவைத்து நன்றாகக் கரைத்து வைத்துக்கொள்ளவும்.

கடாயில் எண்ணெய் ஊற்றி சூடானதும் கடுகு, உளுத்தம்பருப்பு, சீரகம், கடலைப்பருப்பு சேர்த்து தாளிக்கவும். பின்னர் நறுக்கிய வெங்காயம், பூண்டு, கீறிய பச்சை மிளகாய் மற்றும் கறிவேப்பிலை சேர்த்து நன்றாக வதக்கவும்.

வெங்காயம் நன்றாக வதங்கியதும் நறுக்கிய தக்காளியை சேர்த்து குழையும்வரை வதக்கவும். தக்காளி நன்றாக வெந்ததும் நறுக்கிய உருளைக்கிழங்கு மற்றும் சிறிதளவு உப்பு சேர்த்து நன்றாக வதக்கவும்.

அடுத்து மஞ்சள் தூள், மிளகாய்த்தூள் மற்றும் குழம்பு பொடி சேர்த்து நன்றாகக் கிளறி வதக்கவும். பின்னர் கரைத்து வைத்துள்ள புளித்தண்ணீரை ஊற்றி, தேவையான அளவு உப்பு சேர்க்கவும்.

குழம்பு நன்றாகக் கொதித்து உருளைக்கிழங்கு வெந்ததும் அடுப்பை அணைக்கவும். சுவையான உருளைக்கிழங்கு காரக் குழம்பு தயார். இதை சூடான சாதத்துடன் பரிமாறி சுவைக்கலாம்.

1. சமூகத்தின் தாக்கம்: திரைப்படங்கள், சமூக வலைதளங்கள் உள்ளிட்ட ஊடகங்கள் மாணவர்களின் எண்ணங்களையும் செயல்களையும் பாதிக்கின்றன.

2. தவறான செயல்களை ‘கெத்து’ என சித்தரிப்பது: ஆசிரியர்களை எதிர்ப்பது, பெரியவர்களை மதிக்காதது போன்ற தவறுகள் ‘கெத்து’ எனக் காட்டப்படுவது மாணவர்களை எதிர்மறையாக பாதிக்கிறது.

3. கொரோனா ஊரடங்கின் தாக்கம்: ஆன்லைன் வகுப்புகளுக்குப் பயன்படுத்திய செல்போன்கள், சில மாணவர்களை இணைய விளையாட்டுகள் மற்றும் வயதுக்கு ஏற்றதல்லாத உள்ளடக்கங்களுக்கு இட்டுச் சென்றன.

4. பள்ளி வாழ்க்கைக்குத் திரும்புவதில் சிரமம்: நீண்ட இடைவெளிக்குப் பிறகு பள்ளி கட்டுப்பாடுகளுக்கும் நேரடி வகுப்புகளுக்கும் திரும்புவது சில மாணவர்களுக்கு கடினமாக இருந்தது.

5. கற்கும் திறனில் ஏற்பட்ட பாதிப்பு: கல்வி இடைவெளியால் பாடங்களைப் புரிந்துகொள்வதில் சிரமமும், பள்ளி நடவடிக்கைகளில் ஆர்வக் குறைவும் ஏற்பட்டிருக்கலாம்.

6. தண்டனை மட்டும் தீர்வாகாது: தண்டனைக்கு பதிலாக மாணவர்களின் மனநிலையைப் புரிந்துகொண்டு, ஆசிரியர்கள் மற்றும் மனநல நிபுணர்கள் மூலம் வழிகாட்டுதல் வழங்க வேண்டும்.

7. பெற்றோரின் பங்கு: செல்போன் பயன்பாட்டைக் கட்டுப்படுத்தி, தூக்கம், படிப்பு, விளையாட்டு மற்றும் உடற்பயிற்சியில் மாணவர்களுக்கு நல்ல பழக்கங்களை பெற்றோர் உருவாக்க வேண்டும்.

8. மாணவர்களின் எதிர்காலம்: மாணவர்களின் பிரச்சனைகளை அரசு, பள்ளிகள் மற்றும் பெற்றோர் இணைந்து தீர்க்க வேண்டும். மாணவர்களின் எதிர்காலமே நாட்டின் எதிர்காலம்.

முருங்கைக்கீரை நம் அன்றாட உணவில் சேர்த்துக்கொள்ளக்கூடிய சத்துமிக்க கீரைகளில் ஒன்றாகும். இதில் இரும்புச்சத்து, கால்சியம், நார்ச்சத்து உள்ளிட்ட பல்வேறு ஊட்டச்சத்துகள் உள்ளன. இதனை கீரையாகவும், சூப்பாகவும் உணவில் சேர்த்துக்கொள்ளலாம். முருங்கைக்கீரையை தொடர்ந்து அளவோடு உணவில் சேர்ப்பதால் கிடைக்கக்கூடிய சில ஆரோக்கிய நன்மைகளைப் பார்க்கலாம்.

1. இரத்தசோகைக்கு உதவும்: முருங்கைக்கீரையை வதக்கி சாப்பிடுவது உடலுக்குத் தேவையான சத்துகளை வழங்கி, இரத்தசோகையைத் தடுக்கவும் கட்டுப்படுத்தவும் உதவக்கூடும்.

2. எலும்பு வலிமைக்கு உதவும்: முருங்கைக்கீரையை சூப்பாக செய்து குடிப்பது உடலுக்குத் தேவையான ஊட்டச்சத்துகளை வழங்கி, உடல் உறுதி மற்றும் எலும்புகளின் வலிமையைப் பராமரிக்க உதவும்.

3. தூக்கத்திற்கு உதவும்: முருங்கைக்கீரையை மாலை நேர உணவில் சேர்த்துக்கொள்வது உடலுக்கு தேவையான ஊட்டச்சத்துகளை வழங்குவதுடன், நல்ல தூக்கத்திற்கு உதவக்கூடும்.

4. கண் மற்றும் இதய ஆரோக்கியத்திற்கு உதவும்: முருங்கைக்கீரையை வாரத்தில் இரண்டு நாட்கள் உணவில் சேர்த்துக்கொள்வது கண் ஆரோக்கியத்தைப் பராமரிக்க உதவும். மேலும், இதய ஆரோக்கியம் மற்றும் மூளையின் செயல்பாட்டிற்கும் தேவையான ஊட்டச்சத்துகளை வழங்குகிறது.

5. அழற்சியைக் குறைக்க உதவும்: முருங்கைக்கீரையில் உள்ள பல்வேறு சத்துக்கள் உடலில் ஏற்படும் அழற்சியைக் குறைக்க உதவக்கூடும். எனவே, இதனை சமச்சீரான உணவின் ஒரு பகுதியாக சேர்த்துக்கொள்ளலாம்.

6. செரிமானம் மற்றும் முடி ஆரோக்கியத்திற்கு உதவும்: முருங்கைக்கீரையில் உள்ள நார்ச்சத்து செரிமானத்தை மேம்படுத்த உதவுகிறது. மேலும், இதில் உள்ள ஊட்டச்சத்துகள் சருமம் மற்றும் முடியின் ஆரோக்கியத்தைப் பராமரிக்கவும் உதவக்கூடும்.

7. நோய் எதிர்ப்பு சக்திக்கு உதவும்: முருங்கைக்கீரையில் உள்ள பல்வேறு ஊட்டச்சத்துகள் உடலின் நோய் எதிர்ப்பு செயல்பாட்டை ஆதரிக்க உதவுகின்றன. இதனை அளவோடு உணவில் சேர்த்துக்கொள்வது உடலுக்குத் தேவையான சத்துகளைப் பெற உதவும்.

8. சரும ஆரோக்கியத்திற்கு உதவும்: முருங்கைக்கீரையில் உள்ள சத்துக்கள் சருமத்தின் ஆரோக்கியத்தைப் பராமரிக்க உதவக்கூடும். இதனை கீரையாகவோ அல்லது சூப்பாகவோ உணவில் சேர்த்துக்கொள்ளலாம்.

பிரபல பாலிவுட் நடிகையாக வலம் வருபவர் கியாரா அத்வானி.

இவர் கடந்த 2014-ஆம் ஆண்டு வெளியான ‘புக்லி’ திரைப்படத்தின் மூலம் திரையுலகில் அறிமுகமானார்.

தொடர்ந்து ‘எம்.எஸ். தோனி’, ‘பரத் அனே நேனு’ உள்ளிட்ட படங்களில் நடித்து தனக்கென தனி ரசிகர்கள் பட்டாளத்தை உருவாக்கியுள்ளார்.

கியாரா அத்வானி அவ்வப்போது தனது புகைப்படங்களை சமூக வலைதளங்களில் பகிர்ந்து ரசிகர்களை கவர்ந்து வருகிறார்.

1. சரியான நேரத்தில் எழுந்திருத்தல் – அதிகாலையில் எழுந்து புத்துணர்ச்சியுடன் நாளை தொடங்க வேண்டும்.

2. தண்ணீர் குடித்தல்– எழுந்தவுடன் தண்ணீர் குடிப்பது உடலுக்கு தேவையான நீர்ச்சத்தை வழங்க உதவும்.

3. சுகாதாரம்– பல் துலக்கி, முகம் கழுவி, குளித்து உடலை சுத்தமாக வைத்துக்கொள்ள வேண்டும்.

4. உடற்பயிற்சி – நடைப்பயிற்சி, யோகா அல்லது எளிய உடற்பயிற்சிகளை சில நிமிடங்கள் செய்யலாம்.

5. தியானம் – சில நிமிடங்கள் தியானம் அல்லது மூச்சுப்பயிற்சி செய்வது மனதை அமைதியாக வைத்திருக்க உதவும்.

6. சத்தான காலை உணவு– பழங்கள், முட்டை, காய்கறிகள் போன்ற சத்தான உணவுகளை காலை உணவாக எடுத்துக்கொள்ள வேண்டும்.

7. வேலைகளை திட்டமிடுதல் – அன்று செய்ய வேண்டிய முக்கியமான வேலைகளை முன்கூட்டியே திட்டமிடுவது நேரத்தை சிறப்பாக பயன்படுத்த உதவும்.

8. நல்ல எண்ணங்களுடன் தொடங்குதல் – மொபைலை அதிகமாக பயன்படுத்தாமல், நேர்மறையான எண்ணங்களுடன் நாளை தொடங்க வேண்டும்.

கன்னட திரையுலகில் முன்னணி நடிகையாக இருப்பவர் ஆஷிகா ரங்கநாத்.

இவர் கடந்த 2016-ம் ஆண்டு வெளியான ‘கிரேஸி பாய்’ என்ற கன்னட திரைப்படத்தின் மூலம் நடிகையாக அறிமுகமானார்.

ஆஷிகா, தமிழில் கடந்த 2022-ம் ஆண்டு அதர்வா நடிப்பில் வெளியான ‘பட்டத்து அரசன்’ திரைப்படத்தின் மூலம் அறிமுகமானார்.

சமூக வலைதளங்களில் ஆக்டிவாக இருக்கும் இவர், அடிக்கடி போட்டோஷூட் நடத்தி புகைப்படங்களை பகிர்ந்து வருகிறார்.

1. சியா விதைகள்: சியா விதைகளில் நார்ச்சத்து மற்றும் ஒமேகா-3 போன்ற சத்துக்கள் உள்ளன. இவை செரிமானத்திற்கு உதவுவதுடன், நீண்ட நேரம் வயிறு நிறைவாக இருக்கவும் உதவுகின்றன.

2. ஆளி விதைகள்: ஆளி விதைகளில் ஒமேகா-3, நார்ச்சத்து மற்றும் ஆன்டிஆக்ஸிடன்ட்கள் நிறைந்துள்ளன. இவை இதய ஆரோக்கியத்திற்கும் செரிமானத்திற்கும் பயனுள்ளதாக இருக்கும்.

3.பூசணி விதைகள்: பூசணி விதைகளில் புரதம், மெக்னீசியம் மற்றும் துத்தநாகம் போன்ற சத்துக்கள் உள்ளன. இவை உடலுக்கு தேவையான ஊட்டச்சத்துக்களை வழங்க உதவுகின்றன.

4. சூரியகாந்தி விதைகள்: சூரியகாந்தி விதைகளில் வைட்டமின் E மற்றும் நல்ல கொழுப்புகள் அதிகம் உள்ளன. இவை சருமம் மற்றும் உடல் ஆரோக்கியத்திற்கு உதவக்கூடியவை.

5. எள் விதைகள்: எள்ளில் கால்சியம், இரும்புச்சத்து மற்றும் நல்ல கொழுப்புகள் நிறைந்துள்ளன. இவை எலும்புகளின் ஆரோக்கியத்திற்கு மிகவும் பயனுள்ளதாக இருக்கும்.

6. சப்ஜா விதைகள்: சப்ஜா விதைகளில் நார்ச்சத்து அதிகம் உள்ளது. இவை செரிமானத்திற்கு உதவுவதோடு, வயிறு நிறைவாக இருக்கவும் உதவுகின்றன.

7.ஹெம்ப் விதைகள்: ஹெம்ப் விதைகளில் புரதம் மற்றும் உடலுக்கு தேவையான நல்ல கொழுப்புகள் உள்ளன. இவை உடலின் ஊட்டச்சத்து தேவையை பூர்த்தி செய்ய உதவுகின்றன.

8.தர்பூசணி விதைகள்: தர்பூசணி விதைகளில் புரதம், இரும்புச்சத்து மற்றும் மெக்னீசியம் போன்ற சத்துக்கள் உள்ளன. இவை உடலுக்கு தேவையான முக்கிய ஊட்டச்சத்துக்களை வழங்குகின்றன.

1. முதலில் ஒரு பாத்திரத்தில் மைதா மாவு, உப்பு மற்றும் சிறிதளவு எண்ணெய் சேர்க்க வேண்டும்.

2. அதில் தேவையான அளவு தண்ணீர் ஊற்றி, மாவை நன்றாக மென்மையாக பிசைய வேண்டும்.

3. பிசைந்த மாவின் மேல் எண்ணெய் தடவி, சுமார் 30 நிமிடங்கள் ஊற வைக்க வேண்டும்.

4. பின்னர் மாவை சிறிய உருண்டைகளாகப் பிரித்து, ஒவ்வொரு உருண்டையிலும் எண்ணெய் தடவ வேண்டும்.

5. உருண்டைகளை மெல்லியதாக விரித்து, அதன் மேல் சிறிதளவு எண்ணெய் தடவ வேண்டும்.

6. விரித்த மாவை சுருட்டி, மீண்டும் உருண்டையாக செய்து பரோட்டா வடிவில் தட்ட வேண்டும்.

7. சூடான தவாவில் பரோட்டாவை வைத்து, இருபுறமும் எண்ணெய் சேர்த்து நன்றாக வேகும் வரை சுட வேண்டும்.

8. இறுதியாக பரோட்டாவை கைகளால் மெதுவாக தட்டி அடுக்குகளை பிரித்து, சால்னா அல்லது குருமாவுடன் சூடாக பரிமாறலாம்.

நயன்தாரா நடிப்பில் வெளியான 'இமைக்கா நொடிகள்' திரைப்படத்தில் அதர்வாவுக்கு ஜோடியாக தமிழ் சினிமாவில் அறிமுகமானார்.

நயன்தாரா நடிப்பில் வெளியான 'இமைக்கா நொடிகள்' திரைப்படத்தில் அதர்வாவுக்கு ஜோடியாக தமிழ் சினிமாவில் அறிமுகமானார்.

இவர் தமிழ், இந்தி,தெலுங்கு என பல படங்களில் நடித்து முன்னனி நடிகையாக வலம் வருகிறார்.

தொடர்ந்து படங்களில் பிஸியாக நடித்து வந்தாலும், சமூக வலைதளங்களிலும் புகைப்படங்களை தொடர்ச்சியாக பகிர்ந்து வருகிறார்.

1. ஆழமாக மூச்சை இழுக்கவும்: பதற்றத்தை குறைக்க மெதுவாக ஆழ்மூச்சு எடுக்கலாம். இது சிகிச்சை அல்ல என்பதை நினைவில் கொள்ளவும்.

2. அமைதியாக இருக்கவும்: பதற்றமடையாமல் அமைதியாக இருப்பது சுவாசத்தை சீராக வைத்திருக்க உதவும்.

3.ஆம்புலன்ஸை அழைக்கவும்: உடனடியாக அவசர சிகிச்சைக்கு அழைக்க வேண்டும். தாங்களே வாகனம் ஓட்டிச் செல்லக்கூடாது.

4.ஆஸ்பிரின்: மருத்துவர் பரிந்துரைத்திருந்தால் மட்டுமே, பொருத்தமான நிலையில் ஆஸ்பிரின் எடுத்துக்கொள்ளலாம். ரத்தப்போக்கு உள்ளிட்ட பிரச்சினைகள் இருப்பவர்கள் தவிர்க்க வேண்டும்.

5.சிகிச்சையில் தாமதம் வேண்டாம்: ரத்த ஓட்டம் தடைபட்டால் இதயத் தசை விரைவாக பாதிக்கப்படும். எனவே உடனடி சிகிச்சை அவசியம்.

6. உடற்பயிற்சி: இதய ஆரோக்கியத்திற்காக தொடர்ந்து உடற்பயிற்சி செய்வது நல்லது.

7. சர்க்கரை, ரத்த அழுத்தம்: ரத்த அழுத்தம் மற்றும் சர்க்கரை அளவை கட்டுப்பாட்டில் வைத்திருப்பதுடன், புகைப்பிடிப்பதைத் தவிர்க்க வேண்டும்.

8. ஆரோக்கியமான உணவு: சத்தான உணவுகளை எடுத்துக்கொண்டு, உப்பு, சர்க்கரை மற்றும் கொழுப்பு அதிகம் உள்ள உணவுகளை குறைக்க வேண்டும். அவ்வப்போது மருத்துவப் பரிசோதனை செய்துகொள்ளவும்.

தெலுங்கில் பிரபல நடிகையாக இருப்பவர் ஸ்ரீ லீலா.

மகேஷ் பாபு நடித்த குண்டூர் காரம் படத்தில் மூலம் மிகவும் பிரபலமாகியுள்ளார்.

தற்போது பல படங்களில் நடித்து பிசியா வலம் வருகிறார்.

அவர் அடிக்கடி அவரது சமூக வலைதளத்தில் புகைப்படங்களை பகிர்ந்து வருகிறார்.

அவர் பகிர்ந்த புகைப்படங்கள் ரசிகர்களுக்கு கண்கொள்ளா காட்சியாக அமைந்துள்ளன.

பிரேமம்' படம் மூலம் சினிமாவுக்கு அறிமுகமானவர் மடோனா செபஸ்டியன்.

சமூக வலைதளங்களில் மிகவும் ஆக்டிவாக இருக்கும் இவருக்கு லட்சக்கணக்கான ரசிகர்கள் இருக்கிறார்கள்.

இவர் அடிக்கடி போட்டோஷூட் நடத்தி அவரது இன்ஸ்டாகிராம் பக்கத்தில் பகிர்ந்து வருகிறார்.

* வெங்காயம் அதிகமாக இருந்தால், அதை கடலை மாவில் உருட்டிப் பொரித்து சாம்பாரில் போடலாம்.

* சாம்பாரில் சுண்டைக்காய் சேர்ப்பதற்கு முன்பு, அதை எண்ணெயில் வதக்கினால் கசப்பு சற்று குறையும்.

* நெய் சாதத்தில் சிறிது ஏலக்காய் தூள் சேர்த்தால், நறுமணமும் சுவையும் கூடும்.

* பச்சை மிளகாய் நறுக்கும்போது கைகளில் எரிச்சல் ஏற்பட்டால், எலுமிச்சைச் சாறில் கைகளை கழுவலாம்.

* பூண்டு விழுதை பழுப்பு நிறமாகும் வரை வதக்கினால், அதன் பச்சை வாசனை போய்விடும்.

* குழம்புக்கு புளி கரைக்கும்போது, கெட்டியான புளிக் கரைசலை அதிகமாகச் சேர்க்கக் கூடாது. இல்லையெனில் குழம்பு அதிகம் புளித்துவிடும்.

* குழம்பில் வெண்டைக்காய் சேர்ப்பதற்கு முன்பு, அதை எண்ணெயில் நன்கு வதக்க வேண்டும்.

* வெங்காயம் சீக்கிரமாக வதங்க, தேவையான அளவு உப்பு சேர்த்து வதக்கலாம்.

ஸ்மார்ட்போனில் சார்ஜ் மெதுவாக ஏறுவது அல்லது சார்ஜ் ஆகாமல் இருப்பது பலருக்கும் ஏற்படும் பிரச்சனையாகும். இதற்கு சார்ஜர், கேபிள், மின் சாக்கெட், சார்ஜிங் போர்ட், மென்பொருள் கோளாறு உள்ளிட்ட பல காரணங்கள் இருக்கலாம். எனவே உடனடியாக போனை மாற்ற நினைக்காமல், முதலில் பிரச்சனைக்கான காரணத்தை கண்டறிய வேண்டும்.

சார்ஜ் ஏறாமல் இருப்பதற்கான காரணங்கள்: சார்ஜிங் கேபிள் அல்லது அடாப்டர் பழுதடைந்திருப்பது, மின் சாக்கெட்டில் பிரச்சனை இருப்பது, சார்ஜிங் போர்ட்டில் தூசி மற்றும் அழுக்கு சேர்வது, மூன்றாம் தரப்பு செயலிகள் மற்றும் அதிக வெப்பம் போன்றவை சார்ஜிங் வேகத்தை பாதிக்கலாம். சில நேரங்களில் மென்பொருள் புதுப்பிப்புகளை சரியாக மேற்கொள்ளாததாலும் பிரச்சனை ஏற்படலாம்.

சார்ஜிங் கேபிளை சோதிக்கவும்: முதலில் கேபிளில் ஏதேனும் கிழிவு அல்லது சேதம் ஏற்பட்டுள்ளதா என்பதைப் பாருங்கள். அதே சார்ஜர் மற்றும் கேபிளை பயன்படுத்தி வேறு ஒரு போனை சார்ஜ் செய்து பார்க்கலாம். வேறு போனில் சரியாக சார்ஜ் ஆனால், உங்கள் போனில் பிரச்சனை இருக்க வாய்ப்புள்ளது. அதேபோல், வேறு நல்ல நிலையில் உள்ள கேபிளை பயன்படுத்தியும் உங்கள் போனை சார்ஜ் செய்து பார்க்கலாம்.

மின் சாக்கெட்டையும் மாற்றிப் பாருங்கள்: நீங்கள் பயன்படுத்தும் சார்ஜரை வேறு ஒரு மின் சாக்கெட்டில் இணைத்து சோதனை செய்யுங்கள். சில நேரங்களில் குறிப்பிட்ட மின் பாயிண்டில் பிரச்சனை இருக்கலாம். கணினி அல்லது பிற சாதனங்களில் உள்ள USB போர்ட் மூலம் சார்ஜ் செய்யும்போது போதுமான மின்சாரம் கிடைக்காமல், சார்ஜிங் மெதுவாக இருக்கலாம். எனவே முடிந்தவரை தரமான சார்ஜர் மற்றும் நேரடி மின் சாக்கெட்டை பயன்படுத்துவது நல்லது.

சார்ஜிங் போர்ட்டை சுத்தம் செய்யுங்கள்: சார்ஜிங் கேபிள் மற்றும் சார்ஜர் சரியாக வேலை செய்தும் உங்கள் போன் சார்ஜ் ஆகவில்லை என்றால், சார்ஜிங் போர்ட்டில் தூசி அல்லது அழுக்கு சேர்ந்துள்ளதா என்பதைச் சரிபார்க்கவும். தூசி அதிகமாக இருந்தால் சார்ஜிங் இணைப்பு சரியாக ஏற்படாமல் போகலாம். போனை அணைத்துவிட்டு, பாதுகாப்பாகவும் மென்மையாகவும் சுத்தம் செய்யுங்கள். உலோகப் பொருட்களை பயன்படுத்தி போர்ட்டை கீறவோ சேதப்படுத்தவோ கூடாது.

ஆக்ஸிடேஷன் இருந்தால் கவனம்:சார்ஜிங் போர்ட்டில் ஈரப்பதம் அல்லது ஆக்ஸிடேஷன் காரணமாக சேதம் ஏற்பட்டிருந்தால், வீட்டிலேயே அதை சரிசெய்ய முயற்சிக்க வேண்டாம். தொடர்ந்து சார்ஜிங் பிரச்சனை இருந்தால் தகுதியான தொழில்நுட்ப நிபுணர் அல்லது அங்கீகரிக்கப்பட்ட சர்வீஸ் மையத்தில் போனை பரிசோதிப்பது பாதுகாப்பானது.

வயர்லெஸ் சார்ஜிங்கை முயற்சிக்கலாம்:உங்கள் போனில் வயர்லெஸ் சார்ஜிங் வசதி இருந்தால், வயர்லெஸ் சார்ஜரை பயன்படுத்தி சோதனை செய்து பார்க்கலாம். வயர்லெஸ் சார்ஜிங் சரியாக வேலை செய்தால், கேபிள் அல்லது சார்ஜிங் போர்ட் தொடர்பான பிரச்சனை இருக்க வாய்ப்புள்ளது. ஆனால் இதை நிரந்தர தீர்வாக கருதாமல், பிரச்சனைக்கான காரணத்தை சரிசெய்வது நல்லது.

பேட்டரி மற்றும் வெப்பநிலையையும் கவனியுங்கள்: போன் அதிகமாக சூடாகும்போது சார்ஜிங் வேகம் தானாக குறையலாம். சார்ஜ் செய்யும்போது அதிகமாக கேமிங் செய்வது அல்லது அதிக செயலிகளை இயக்குவது போன்றவற்றையும் தவிர்க்கலாம். பேட்டரி வீக்கம், அதிக வெப்பம் அல்லது தொடர்ந்து சார்ஜ் ஆகாத நிலை இருந்தால், போனை பயன்படுத்துவதை நிறுத்தி சர்வீஸ் மையத்தில் பரிசோதிக்கவும்.

மாத்திரைகளை வாயில் போட்டு தண்ணீர் குடித்து விழுங்குவது பொதுவான முறையாகும். சிலர் சிறிதளவு தண்ணீருடன் மாத்திரையை எடுத்துக்கொள்வார்கள். ஆனால், மருத்துவர் அல்லது மருந்து லேபிளில் குறிப்பிடப்பட்டுள்ள முறையைப் பின்பற்றுவதே பாதுகாப்பானது.

சிலர் மாத்திரையை தண்ணீர் இல்லாமல் வாயில் போட்டு சப்பி அல்லது கரைத்து விழுங்குவார்கள். மாத்திரையை இவ்வாறு எடுத்துக்கொள்வது எல்லா மருந்துகளுக்கும் பொருந்தாது. குறிப்பாக, சில மாத்திரைகளை உடைக்கவோ, சப்பவோ, நசுக்கவோ கூடாது.

இன்னும் சிலர் காபி, டீ, பால், குளிர்பானம் போன்றவற்றுடன் மாத்திரைகளை எடுத்துக்கொள்கிறார்கள். இது பொதுவாக பரிந்துரைக்கப்படும் முறை அல்ல. பெரும்பாலான மாத்திரைகளை சாதாரண தண்ணீருடன் எடுத்துக்கொள்வதே சிறந்தது.

சில மருந்துகளின் செயல்பாட்டில் பால் மற்றும் அதில் உள்ள கால்சியம் பாதிப்பை ஏற்படுத்தலாம். குறிப்பாக, சில வகை ஆன்டிபயாட்டிக் மருந்துகளுடன் பால் அல்லது கால்சியம் அதிகம் உள்ள உணவுகளை எடுத்துக்கொள்ளும்போது, மருந்து உடலில் உறிஞ்சப்படுவது குறையக்கூடும்.

அதேபோல், காபி மற்றும் டீயில் உள்ள காஃபின் சில மருந்துகளுடன் தொடர்பு கொள்ளக்கூடும். இதனால் சில மருந்துகளின் செயல்பாடு அல்லது காஃபினின் தாக்கம் மாற வாய்ப்புள்ளது. எனவே, குறிப்பிட்ட மருந்துடன் காபி அல்லது டீ எடுத்துக்கொள்ளலாமா என்பதை மருத்துவர் அல்லது மருந்தாளரிடம் கேட்டுத் தெரிந்துகொள்வது நல்லது.

“மாத்திரையை காபியில் போடாமல், மாத்திரை எடுத்த பிறகு காபி குடித்தால் பரவாயில்லை” என்று நினைப்பதும் எல்லா மருந்துகளுக்கும் சரியானது அல்ல. சில மருந்துகளுக்கு உணவு, பால், காபி அல்லது டீ ஆகியவற்றுடன் குறிப்பிட்ட இடைவெளி தேவைப்படலாம்.

மாத்திரையை எடுத்துக்கொள்வதற்கு முன்பும் பின்பும் ஒரு மணி நேர இடைவெளி வேண்டும் என்பது எல்லா மருந்துகளுக்கும் பொதுவான விதி அல்ல. மருந்தைப் பொறுத்து இடைவெளி மாறுபடும். எனவே, மருந்தின் லேபிள் அல்லது மருத்துவர் வழங்கிய அறிவுறுத்தலையே பின்பற்ற வேண்டும்.

முக்கியமாக, மாத்திரைகளை காபி, டீ அல்லது பாலில் கலந்து எடுத்துக்கொள்வதைத் தவிர்த்து, மருத்துவர் கூறிய முறையில் சாதாரண தண்ணீருடன் எடுத்துக்கொள்ளுங்கள். குறிப்பிட்ட மருந்தை உணவு அல்லது பானங்களுடன் எவ்வாறு எடுத்துக்கொள்ள வேண்டும் என்பதில் சந்தேகம் இருந்தால், மருத்துவர் அல்லது மருந்தாளரிடம் ஆலோசனை பெறுவது பாதுகாப்பானது.

தமிழில் அனேகன் படத்தின் மூலம் சினிமாவில் அறிமுகமானவர் அமைரா தஸ்தூர்.

இவர் பிரபு தேவாவுக்கு ஜோடியாக 'பஹீரா' என்ற படத்தில் நடித்து பெரும் வரவேற்பை பெற்றுள்ளார்.

இவர் அடிக்கடி போட்டோஷூட் நடத்தி புகைப்படங்களை சமூக வலைதளத்தில் பகிர்ந்து வருகிறார்.

தெலுங்கு, கன்னடத் திரையுலகில் முன்னணி கதாநாயகியாக வலம் வருபவர் நபா நடேஷ்.

சிவ ராஜ்குமார் இணையாக வஜ்ரகயா, என்ற கன்னடப் படத்தின் மூலம் சினிமாவில் அறிமுகமானார்.

இவர் அடிக்கடி போட்டோஷூட் நடத்தி புகைப்படங்களை சமூக வலைதளத்தில் பகிர்ந்து வருகிறார்.

தமிழில் செவப்பி படம் மூலம் அறிமுகமான இவர் ரசிகர்களின் கவனம் பெற்றவர்.

அந்த படம் நல்ல வரவேற்பை பெற்று அவருக்கு நல்ல பெயர் பெற்றுத்தந்தது.

இவர் நடிப்புடன் சேர்த்து அடிக்கடி போட்டோஷூட் மூலம் ரசிகர்களை கவர்ந்து வருகிறார்.

தேவையான பொருட்கள்; உருளைக்கிழங்கு – 2, எண்ணெய் – 2 தேக்கரண்டி, கடுகு – ¼ தேக்கரண்டி, சீரகம் – 1 தேக்கரண்டி, கடலைப்பருப்பு – 2 தேக்கரண்டி, காய்ந்த சிவப்பு மிளகாய் – 2, இஞ்சி – 2 தேக்கரண்டி, பச்சை மிளகாய் – 4, மஞ்சள் தூள் – ¼ தேக்கரண்டி, பெரிய வெங்காயம் – 1, கறிவேப்பிலை – சிறிதளவு, உப்பு – தேவையான அளவு

செய்முறை; முதலில் உருளைக்கிழங்குகளை நன்றாகக் கழுவி, ஒரு பாத்திரத்தில் தண்ணீர் ஊற்றி வேகவைக்கவும். உருளைக்கிழங்கு நன்கு வெந்ததும் ஆறவைத்து, தோலை உரித்து மசித்துக் கொள்ளவும்.

பின்னர் ஒரு கடாயை அடுப்பில் வைத்து சூடானதும் எண்ணெய் ஊற்றவும். அதில் கடுகு சேர்த்து பொரிந்ததும் சீரகம் மற்றும் கடலைப்பருப்பு சேர்த்து சில விநாடிகள் வறுக்கவும்.

தொடர்ந்து காய்ந்த சிவப்பு மிளகாயை சேர்த்து வறுத்து, நறுக்கிய அல்லது துருவிய இஞ்சியை சேர்த்து நன்றாக வதக்கவும். இஞ்சியின் பச்சை வாசனை போனதும், நறுக்கிய பச்சை மிளகாயை சேர்க்கவும்.

அதன் பிறகு மஞ்சள் தூள் மற்றும் நறுக்கிய வெங்காயத்தை சேர்த்து நன்றாக வதக்கவும். வெங்காயம் பொன்னிறமாகவும் மென்மையாகவும் மாறும் வரை சுமார் 3 முதல் 4 நிமிடங்கள் வதக்கினால் போதும்.

வெங்காயம் நன்றாக வதங்கியதும், மசித்து வைத்துள்ள உருளைக்கிழங்கை கடாயில் சேர்க்கவும். தேவையான அளவு உப்பு சேர்த்து அனைத்தையும் நன்றாகக் கிளறவும்.

பின்னர் சிறிதளவு தண்ணீர் சேர்த்து கடாயை மூடி, 5 முதல் 6 நிமிடங்கள் மிதமான தீயில் வேகவிடவும். மசாலா நன்றாகக் கலந்து சற்று கெட்டியாக வந்ததும், மேலே கறிவேப்பிலையை தூவி அடுப்பை அணைக்கவும்.

சுவையான பூரி கிழங்கு மசாலா தயார்! சூடாக இருக்கும் பூரியுடன் இந்த உருளைக்கிழங்கு மசாலாவை சேர்த்து பரிமாறினால், காலை உணவு அல்லது மாலை நேர உணவாக அசத்தலாக இருக்கும்.

நம் உடலில் சேரும் வியர்வை, தூசி மற்றும் அழுக்குகளை நீக்கி, சருமத்தைச் சுத்தமாகப் பராமரிக்க தண்ணீர் முக்கியப் பங்கு வகிக்கிறது.

தண்ணீரில் உள்ள மூலக்கூறுகள் பல்வேறு பொருட்களுடன் கலந்து அவற்றைக் கரைக்கும் தன்மை கொண்டவை. இதனால் சருமத்தின் மேற்பரப்பில் இருக்கும் சில அழுக்குகளைத் தண்ணீர் அகற்ற உதவுகிறது.

உடலில் படியும் வியர்வை மற்றும் நீரில் கரையக்கூடிய சில அழுக்குகள் தண்ணீருடன் கலந்து கழுவப்படுகின்றன. இதன் மூலம் சருமம் ஓரளவு சுத்தமாகிறது.

குளிக்கும்போது தண்ணீரை மட்டும் பயன்படுத்துவதுடன், தேவையான இடங்களில் சோப்பையும் பயன்படுத்துவது சருமத்தில் படிந்திருக்கும் எண்ணெய் மற்றும் அழுக்குகளை அகற்ற உதவுகிறது.

சோப்பு தண்ணீருடன் கலந்து சருமத்தில் உள்ள எண்ணெய்ப் படலத்தை நீக்க உதவுகிறது. இதனால் எண்ணெயுடன் ஒட்டியிருக்கும் அழுக்குகளும் எளிதாகக் கழுவப்பட்டுவிடுகின்றன.

உடலைச் சுத்தமாகக் குளிப்பதன் மூலம் சருமத்தின் மேற்பரப்பில் சேர்ந்திருக்கும் சில நுண்ணுயிரிகளும் அகற்றப்படுகின்றன. இதனால் உடல் சுகாதாரத்தைப் பராமரிக்க முடிகிறது.

எனவே, தண்ணீர் உடலைச் சுத்தமாக வைத்திருப்பதில் முக்கியப் பங்கு வகிக்கிறது. முறையாகக் குளித்து உடலைச் சுத்தமாகப் பராமரிப்பது சரும ஆரோக்கியத்திற்கும் ஒட்டுமொத்த சுகாதாரத்திற்கும் உதவுகிறது.

காலையில் வெறும் வயிற்றில் சில உணவுகளை சாப்பிடுவதைத் தவிர்ப்பது நல்லது என டாக்டர் பரிந்துரைக்கின்றனர். குறிப்பாக, சில உணவுகள் வயிற்றில் அமிலத்தன்மை, வாயு மற்றும் செரிமானக் கோளாறுகளை ஏற்படுத்தக்கூடும்.

1. சிட்ரஸ் பழங்கள்: எலுமிச்சை, ஆரஞ்சு போன்ற சிட்ரஸ் பழங்களை சிலர் வெறும் வயிற்றில் சாப்பிடும்போது வயிற்றில் எரிச்சல் அல்லது அமிலத்தன்மை அதிகரிப்பது போன்ற பிரச்சனைகள் ஏற்படலாம். எனவே, இவற்றை உணவுக்குப் பிறகு எடுத்துக்கொள்வது சிலருக்கு ஏற்றதாக இருக்கும்.

2. ஈஸ்ட் உள்ள உணவுகள்: ஈஸ்ட் சேர்த்து தயாரிக்கப்படும் சில உணவுகளை காலையில் வெறும் வயிற்றில் சாப்பிடும்போது, செரிமானப் பிரச்சனைகள் மற்றும் வயிற்றில் வாயு போன்ற தொந்தரவுகள் சிலருக்கு ஏற்படலாம். குறிப்பாக சென்சிட்டிவான வயிறு கொண்டவர்கள் கவனமாக இருக்க வேண்டும்.

3. தயிர்: தயிர் ஆரோக்கியமான உணவாக இருந்தாலும், சிலருக்கு காலையில் வெறும் வயிற்றில் தயிர் சாப்பிடும்போது வயிற்றில் வாயு அல்லது அசௌகரியம் ஏற்படலாம். இதுபோன்ற பிரச்சனை இருப்பவர்கள் வேறு உணவுடன் சேர்த்து தயிரை எடுத்துக்கொள்ளலாம்.

4. இனிப்பு: சிலர் காலையில் எழுந்தவுடன் வெறும் வயிற்றில் இனிப்பு சாப்பிடும் பழக்கத்தைக் கொண்டிருக்கிறார்கள். ஆனால் அதிக சர்க்கரை உள்ள இனிப்புகளை வெறும் வயிற்றில் சாப்பிடும்போது ரத்தத்தில் சர்க்கரை அளவு வேகமாக அதிகரிக்கலாம். எனவே, இந்தப் பழக்கத்தைத் தவிர்ப்பது நல்லது.

5. சர்க்கரை அதிகம் உள்ள உணவுகள்: வெறும் வயிற்றில் அதிக சர்க்கரை கொண்ட உணவுகளை அடிக்கடி சாப்பிடுவது ரத்தச் சர்க்கரை கட்டுப்பாட்டில் பாதிப்பை ஏற்படுத்தக்கூடும். குறிப்பாக நீரிழிவு நோய் உள்ளவர்கள் இனிப்பு உணவுகளை எடுத்துக்கொள்வதில் கூடுதல் கவனம் செலுத்த வேண்டும்.

6. அதிக கொழுப்பு உணவுகள்: காலையில் வெறும் வயிற்றில் அதிக எண்ணெய் மற்றும் கொழுப்பு நிறைந்த உணவுகளை சாப்பிடும்போது, சிலருக்கு வயிற்று பாரம், அஜீரணம் மற்றும் அசௌகரியம் ஏற்படலாம். எனவே, காலை உணவை எளிதாகவும் சமச்சீராகவும் எடுத்துக்கொள்வது நல்லது.

7. பேரிக்காய்: பேரிக்காயில் நார்ச்சத்து அதிகம் உள்ளது. சிலருக்கு அதிக நார்ச்சத்து கொண்ட பழங்களை வெறும் வயிற்றில் சாப்பிடும்போது வயிற்றில் அசௌகரியம் அல்லது செரிமானப் பிரச்சனை ஏற்படலாம். இதுபோன்றவர்கள் பேரிக்காயை வேறு உணவுடன் சேர்த்து சாப்பிடலாம்.

8. கவனிக்க வேண்டியது: ஒவ்வொருவரின் உடலும் உணவுகளுக்கு வெவ்வேறு விதமாக எதிர்வினையாற்றும். வெறும் வயிற்றில் குறிப்பிட்ட உணவை சாப்பிட்ட பிறகு அடிக்கடி வயிற்று எரிச்சல், வாயு அல்லது அசௌகரியம் ஏற்பட்டால், அந்த உணவைத் தவிர்த்து மருத்துவர் அல்லது ஊட்டச்சத்து நிபுணரின் ஆலோசனையைப் பெறுவது சிறந்தது.

கேரளாவை சேர்ந்த இவர் 'பட்டதாரி' என்ற திரைப்படத்தின் மூலம் அதிதி மேனன் எனும் பெயரில் சினிமாவில் அறிமுகமானார்.

தமிழ் மற்றும் மலையாள சினிமாவில் நடித்து வந்த அவர், தனது பெயரை 'மிர்னா மேனன்' என மாற்றிக் கொண்டார்.

தொடர்ந்து 'களவாணி மாப்பிள்ளை, புர்கா, பிக் பிரதர்' உள்ளிட்ட திரைப்படங்களில் நடித்துள்ளார்.

சமூக வலைதளங்களில் ஆக்டிவாக இருக்கும் இவர், அவ்வப்போது போட்டோஷூட் நடத்தி புகைப்படங்களை பகிர்ந்து வருகிறார்.

கன்னட திரையுலகில் முன்னணி நடிகையாக இருப்பவர் ஆஷிகா ரங்கநாத்.

இவர் கடந்த 2016-ம் ஆண்டு வெளியான ‘கிரேஸி பாய்’ என்ற கன்னட திரைப்படத்தின் மூலம் நடிகையாக அறிமுகமானார்.

ஆஷிகா, தமிழில் கடந்த 2022-ம் ஆண்டு அதர்வா நடிப்பில் வெளியான ‘பட்டத்து அரசன்’ திரைப்படத்தின் மூலம் அறிமுகமானார்.

சமூக வலைதளங்களில் ஆக்டிவாக இருக்கும் இவர், அடிக்கடி போட்டோஷூட் நடத்தி புகைப்படங்களை பகிர்ந்து வருகிறார்.

மாலை நேரத்தில் குழந்தைகள் முதல் பெரியவர்கள் வரை அனைவரும் விரும்பி சாப்பிடும் வகையில் சுவையான பன்னீர் கட்லெட்டை வீட்டிலேயே எளிதாக செய்யலாம். பன்னீரில் புரதம், கால்சியம், பாஸ்பரஸ் உள்ளிட்ட சத்துக்கள் உள்ளன. நீரிழிவு உள்ளவர்கள் தங்களது உணவுத் தேவைக்கு ஏற்ப, அளவோடு பன்னீரை உணவில் சேர்த்துக்கொள்ளலாம்.

தேவையான பொருட்கள்; பன்னீர் - 500 கிராம், மஞ்சள் தூள் - 1 தேக்கரண்டி, உப்பு - தேவையான அளவு, வெங்காயம் - 4, பச்சை மிளகாய் - 7, கறிவேப்பிலை - 2 கொத்து, இஞ்சி-பூண்டு விழுது - 1½ மேஜைக்கரண்டி, சோம்புத்தூள் - 1 தேக்கரண்டி, கரம் மசாலா தூள் - 1½ மேஜைக்கரண்டி, மிளகுத்தூள் - 1 தேக்கரண்டி, உருளைக்கிழங்கு - 3.

பொரிக்க தேவையானவை: சோள மாவு - 4 மேஜைக்கரண்டி, உப்பு - தேவையான அளவு, பிரெட் தூள் - தேவையான அளவு, எண்ணெய் - பொரிக்க தேவையான அளவு.

செய்முறை: முதலில் வெங்காயம், பச்சை மிளகாய் மற்றும் கறிவேப்பிலையை பொடியாக நறுக்கிக் கொள்ளவும். பன்னீரை துருவி வைத்துக் கொள்ளவும். உருளைக்கிழங்கை வேகவைத்து, தோல் நீக்கி நன்றாக மசித்துக் கொள்ளவும்.

கடாயில் சிறிது எண்ணெய் ஊற்றி சூடானதும் நறுக்கிய வெங்காயம், பச்சை மிளகாய், கறிவேப்பிலை சேர்த்து வதக்கவும். வெங்காயம் பொன்னிறமாக மாறியதும் இஞ்சி-பூண்டு விழுது சேர்த்து பச்சை வாசனை போகும் வரை வதக்கவும்.

அடுத்து சோம்புத்தூள், கரம் மசாலா தூள் மற்றும் மிளகுத்தூள் சேர்த்து நன்றாகக் கிளறவும். பின்னர் துருவிய பன்னீரை சேர்த்து மசாலாவுடன் நன்றாகக் கலக்கவும். தேவையான அளவு உப்பு மற்றும் மஞ்சள் தூள் சேர்த்து சுமார் 5 நிமிடங்கள் வேகவிடவும்.

பன்னீர் கலவை நன்றாக வெந்ததும் அடுப்பை அணைத்து சிறிது நேரம் ஆறவிடவும். பின்னர் இந்தக் கலவையை மசித்த உருளைக்கிழங்குடன் சேர்த்து நன்றாகப் பிசைந்து கொள்ளவும்.

பிசைந்த கலவையை சிறு சிறு பகுதிகளாகப் பிரித்து உருண்டைகளாக உருட்டி, கட்லெட் வடிவில் தட்டையாகத் தட்டி வைத்துக் கொள்ளவும். மற்றொரு பாத்திரத்தில் சோள மாவு, சிறிது உப்பு மற்றும் தேவையான அளவு தண்ணீர் சேர்த்து சற்று கெட்டியான கரைசல் தயாரிக்கவும்.

ஒவ்வொரு கட்லெட்டையும் முதலில் சோள மாவுக் கரைசலில் முக்கி எடுத்து, பின்னர் பிரெட் தூளில் நன்றாகப் புரட்டி வைத்துக் கொள்ளவும். இதேபோல் அனைத்து கட்லெட்டுகளையும் தயார் செய்து கொள்ளவும்.