உடல்நிலை பற்றி வதந்தி “நான் நலமாக இருக்கிறேன்” -நடிகர் விஷால்

நடிகர் விஷால் கடந்த சில நாட்களாக தலைவலியால் அவதிப்பட்டார். இதற்காக சிகிச்சை பெற்று வந்தார். இந்த நிலையில் சமீபத்தில் டெல்லி சென்ற அவர் அங்குள்ள ஆஸ்பத்திரியில் அனுமதிக்கப்பட்டதாக தகவல் வெளியானது.

பின்னர் மேல் சிகிச்சைக்காக அமெரிக்கா சென்று இருப்பதாகவும், அங்குள்ள ஆஸ்பத்திரியில் அனுமதிக்கப்பட்டு சிகிச்சை பெற்று வருவதாகவும் கூறப்பட்டது.

இதற்கு பதில் அளித்து விஷால் தனது டுவிட்டர் பக்கத்தில் கூறியிருப்பதாவது:-

“நான் மருத்துவமனையில் அனுமதிக்கப்பட்டு உள்ளதாகவும், எனது உடல் நிலை குறித்தும் வதந்திகள் பரவி வருகின்றன. எனது நலம் விரும்பிகள், நண்பர்களுக்கு சொல்லிக்கொள்வது என்னவென்றால் நான் நலமுடன் இருக்கிறேன். ஆரோக்கியத்துடனும், உற்சாகமாகவும் இருக்கிறேன். மருத்துவமனையில் நான் அனுமதிக்கப்படவில்லை. சில நாட்கள் ஓய்வுக்கு பிறகு மார்ச் முதல் வாரத்தில் உங்களை சந்திப்பேன்.”

இவ்வாறு விஷால் கூறியுள்ளார்.

விஷால் தற்போது இரும்புத்திரை, சண்டக்கோழி-2 ஆகிய படங்களில் நடித்து வருகிறார். இரும்புத்திரை பட வேலைகள் முடிந்து அடுத்த மாதம் திரைக்கு வருகிறது.