கோரத்தாண்டவம் ஆடியபடி கரையை கடந்த கஜா புயல், தமிழகத்தில் பலத்த சேதத்தை ஏற்படுத்தியது. புயல்-மழைக்கு 49 பேர் பலி ஆனார்கள்.

‘கஜா’ புயலில் பலியானவர்கள் குடும்பத்துக்கு தலா ரூ.10 லட்சம் வழங்கப்படும் என்றும், நிவாரணப் பணிகள் போர்க்கால அடிப்படையில் மேற்கொள்ளப்படும் என்றும் முதல்-அமைச்சர் எடப்பாடி பழனிசாமி கூறினார்.

கஜா புயல் பாதிப்புகள் குறித்து முதல்-அமைச்சர் எடப்பாடி பழனிசாமியிடம் பிரதமர் நரேந்திர மோடி தொலைபேசியில் கேட்டு அறிந்தார்.

புயலால் பாதிக்கப்பட்ட பகுதிகளுக்கு நான் விரைவில் போக இருக்கிறேன் என்று முதல்-அமைச்சர் எடப்பாடி பழனிசாமி அறிவித்து உள்ளார்.

‘கஜா’ புயலால் பாதிக்கப்பட்ட இடங்களில் மறுசீரமைப்பு பணிகள் விரைவாக நடைபெற்று வருவதாக ஓ.பன்னீர்செல்வம் தெரிவித்தார்.

கஜா புயலால் தண்டவாளத்தில் மரங்கள் விழுந்தன. இதனால் செந்தூர் மற்றும் வைகை எக்ஸ்பிரஸ் ரெயில்கள் பல மணி நேரம் தாமதமாக சென்னை வந்தடைந்தன.

‘கஜா’ புயலால் 20 ஆயிரம் மின் கம்பங்கள் சேதமடைந்துள்ளன. 102 துணை மின்நிலையங்கள் பாதிக்கப்பட்டுள்ளன. 2 நாளில் மின்சார வினியோகம் சீராகும் என்று மின்சார வாரியம் அறிவித்துள்ளது.

ஓசூர் அருகே காதல் திருமணம் செய்த தம்பதி கடத்தப்பட்டு கொடூரமாக ஆணவ கொலை செய்யப்பட்டனர். இது தொடர்பாக பெண்ணின் தந்தை உள்பட 3 பேரை போலீசார் பிடித்து விசாரணை நடத்தி வருகிறார்கள்.

கஜா புயலின்போது பட்டுக்கோட்டை பள்ளிவாசலில் இருந்த 120 அடி உயர மனோரா கோபுரங்கள் இடிந்து விழுந்தன.

புயல் எச்சரிக்கை வெளியிடப்பட்டவுடன் முன்எச்சரிக்கை நடவடிக்கை மேற்கொண்ட தமிழக அரசுக்கு பாராட்டு தெரிவிப்பதாகவும், பாதிக்கப்பட்ட பகுதிகளில் தி.மு.க.வினர் ராணுவம் போல களமிறங்கி பணியாற்ற வேண்டும் என்று மு.க.ஸ்டாலின் வேண்டுகோள் விடுத்தார்.