சினிமா செய்திகள்

சினிமாவில் போட்டியில்லாத ஜீவா + "||" + At the cinema Uncontested Jeeva

சினிமாவில் போட்டியில்லாத ஜீவா

சினிமாவில் போட்டியில்லாத ஜீவா
ஜீவா நடித்துள்ள புதிய படம் ‘கொரில்லா.’ இந்த படத்தை டான் சாண்டி இயக்கி உள்ளார். விஜய் ராகவேந்திரா தயாரித்துள்ளார். படத்தின் பாடல் வெளியீட்டு விழா சென்னையில் நடந்தது.
ஜீவா நடித்துள்ள புதிய படம் ‘கொரில்லா.’ இந்த படத்தை டான் சாண்டி இயக்கி உள்ளார். விஜய் ராகவேந்திரா தயாரித்துள்ளார். படத்தின் பாடல் வெளியீட்டு விழா சென்னையில் நடந்தது. இதில் நடிகர் ஜீவா கலந்து கொண்டு பேசிய தாவது:-


“கொரில்லா படத்தில் குரங்குடன் நடித்தது நல்ல அனுபவம். இந்த குரங்கு ஆங்கில படத்தில் நடித்துள்ளது. குரங்குக்காகவே படப்பிடிப்பை தாய்லாந்தில் நடத்தினோம். குரங்கு என்னுடன் நட்பாகி விட்டது. கொரில்லா மாதிரி ஒரு படத்தில் நடிப்பேன் என்று நினைத்துப் பார்க்கவே இல்லை. இப்படி ஜாலியாக ஒரு படம் பண்ணி ரொம்ப நாட்களாகி விட்டது.

டான் சாண்டி கதையை என்னிடம் சொல்லும் போது ரொம்ப உற்சாகத்தோடு கேட்டேன். படத்திலும் அதே மாதிரி நடித்தேன். நகைச்சுவை மசாலாவை தாண்டி ஒரு நல்ல கருத்தும் படத்தில் இருக்கும். ரொம்ப ஜாலியான படத்தை எடுத்துள்ளோம்” இவ்வாறு ஜீவா பேசினார்.

நடிகர் ராதாரவி பேசும்போது, “ஜீவாவுக்கு சினிமாவில் யாரும் போட்டி இல்லை. அது பெரியபலம். அவர் அற்புதமான நடிகர். அவரை முதல் படத்தில் இருந்தே பார்த்து வருகிறேன். மனிதர்களை வைத்தே படமெடுப்பது பெரிய கஷ்டம். இவர்கள் மிருகத்தை வைத்து அழகாக எடுத்திருக்கிறார்கள். நான் சில காட்சிகளைப் பார்த்தேன். நன்றாக இருக்கிறது” என்றார்.

டைரக்டர்கள் விஜய், கண்ணன், ராஜூமுருகன், நடிகர் சதீஷ், தயாரிப்பாளர்கள் டி.சிவா, ஆர்.பி.சவுத்ரி உள்பட பலர் பேசினர்.

தொடர்புடைய செய்திகள்

1. சினிமாவில் நடக்கும் கதை திருட்டுகள் டைரக்டர் பாக்யராஜ் வருத்தம்
ஆரி-ஷாஷ்வி பாலா ஜோடியாக நடித்துள்ள படம் ‘எல்லாம் மேல இருக்குறவன் பார்த்துப்பான்’ முகமது அபுபக்கர், பகவதி பெருமாள், ஷரத்ராஜ், பழனி, பிஜேஜ் நம்பியார், நான் கடவுள் ராஜேந்திரன் ஆகியோரும் நடித்துள்ளனர்.
2. சினிமாவில் வாரிசுகள் ஜெயிப்பது எளிதல்ல பட விழாவில் பாக்யராஜ் பேச்சு
விக்ரம்பிரபு, மகிமா நம்பியார் ஜோடியாக நடித்துள்ள படம் ‘அசுரகுரு’. இந்த படத்தை ராஜ்கீத் இயக்கி உள்ளார். ஏ.எஸ்.பி.சதீஷ் தயாரித்துள்ளார்.