தெலுங்கு படத்தில் கபடி பயிற்சியாளராக நடிக்கிறார், தமன்னா!

நயன்தாரா, திரிஷா, அனுஷ்கா, காஜல் அகர்வால், சமந்தா, ஐஸ்வர்யா ராஜேஷ், கீர்த்தி சுரேஷ், சாய் தன்ஷிகா, ரித்திகாசிங் ஆகிய நட்சத்திர நாயகிகள் அனைவரும் கதாநாயகிக்கு முக்கியத்துவம் உள்ள படங்களில் நடித்து வருகிறார்கள். இவர்களை தொடர்ந்து தமன்னாவும் கதாநாயகிக்கு  முக்கியத்துவம் உள்ள கதையம்சம் கொண்ட படங்களில் நடிக்கும் ஆர்வத்தில் இருக்கிறார்.

சிரஞ்சீவியுடன் ‘சைரா நரசிம்ம ரெட்டி’ படத்தில் நடித்து முடித்துள்ள இவர், ‘தேட் ஈஸ் மகாலட்சுமி’ என்ற படத்தில் நடித்து வருகிறார். இதையடுத்து இவர் ஒரு பெண் கதாபாத்திரத்துக்கு முக்கியத்துவம் உள்ள தெலுங்கு படத்தில் நடிக்க சம்மதித்து இருக்கிறார்.

படத்துக்கு பெயர் சூட்டப்படவில்லை. சம்பத் நந்தி டைரக்டு செய்கிறார். இந்த படத்தில் கபடி விளையாட்டு பயிற்சியாளராக தமன்னா நடிக்கிறார். படப்பிடிப்பு விரைவில் தொடங்க இருக்கிறது.