சினிமா செய்திகள்

நாகார்ஜுனா மகனை சந்தித்த சிவகார்த்திகேயன் + "||" + Sivakarthikeyan is meet at Nagarjuna's son

நாகார்ஜுனா மகனை சந்தித்த சிவகார்த்திகேயன்

நாகார்ஜுனா மகனை சந்தித்த சிவகார்த்திகேயன்
சிவகார்த்திகேயன் நடிப்பில் இந்த வருடம் மிஸ்டர் லோக்கல், நம்ம வீட்டுப்பிள்ளை ஆகிய படங்கள் வந்தன. இதில் மிஸ்டர் லோக்கல் எதிர்பார்த்தபடி ஓடவில்லை. நம்ம வீட்டு பிள்ளை நல்ல வசூல் பார்த்தது.
 ஹீரோ படத்தில் நடித்து வருகிறார். இதில் கல்யாணி கதாநாயகியாக வருகிறார். அர்ஜுன், இவானா ஆகியோரும் உள்ளனர். சூப்பர் ஹீரோ கதையாக தயாராகிறது. இந்த படத்தை பி.எஸ்.மித்ரன் இயக்குகிறார். டிசம்பர் இறுதியில் திரைக்கு கொண்டு வர திட்டமிட்டுள்ளனர். ஐதராபாத்தில் ஹீரோ படப்பிடிப்பில் இருந்த சிவகார்த்திகேயனை பிரபல நடிகர் நாகார்ஜுனா-நடிகை அமலா தம்பதியின் மகனும் நடிகருமான அகில் தனது வீட்டுக்கு அழைத்தார்.

அதை ஏற்று அங்கு சென்ற சிவகார்த்திகேயனுக்கு அகில் விருந்து கொடுத்தார். பின்னர் இருவரும் தமிழ் மற்றும் தெலுங்கு சினிமா குறித்து நீண்ட நேரம் பேசினார்கள். சிவகார்த்திகேயனை சந்தித்த புகைப்படத்தை அகில் சமூக வலைத்தளத்தில் வெளியிட்டு ஹீரோ பட குழுவினருக்கு வாழ்த்துகள் என்று பதிவிட்டுள்ளார்.

சமீபகாலமாக சிவகார்த்திகேயன் படங்களும் ஆந்திரா, தெலுங்கானாவில் திரையிடப்படுகின்றன. இதன் மூலம் தெலுங்கு ரசிகர்கள் மத்தியில் பிரபலமாகி இருக்கிறார். சிவகார்த்திகேயன் தயாரித்து நடித்த கனா படம் வசூல் குவித்தது. இந்த படத்தை தெலுங்கிலும் கவுசல்யா கிரிஷ்ணமூர்த்தி என்ற பெயரில் ரீமேக் செய்து வெளியிட்டனர். இதில் கவரவ தோற்றத்தில் சிவகார்த்திகேயன் நடித்து இருந்தார்.

தொடர்புடைய செய்திகள்

1. சிவகார்த்திகேயனின் புதிய படம் ‘டாக்டர்’
நடிகர் சிவகார்த்திகேயன் ‘டாக்டர்’ எனும் தலைப்பில் புதிய படத்தில் நடிக்கிறார்.
2. பேனர் வைப்பதை தவிர்ப்பது நல்லது - நடிகர் சிவகார்த்திகேயன்
பாண்டிராஜ் இயக்கத்தில் சிவகார்த்திகேயன் நடித்துள்ள ‘நம்ம வீட்டு பிள்ளை’ படம் திரைக்கு வருகிறது. இதையொட்டி அவர் சென்னையில் நிருபர்களுக்கு அளித்த பேட்டியில் கூறியதாவது:-
3. சிவகார்த்திகேயனின் ‘ஹீரோ’ மாறுபட்ட-புதுமையான கதை
சிவகார்த்திகேயன் கதாநாயகனாக நடித்து வரும் ‘ஹீரோ’ படம் வேகமாக வளர்ந்து வருகிறது. இதில், சிவகார்த்திகேயன் ஜோடியாக கல்யாணி பிரியதர்ஷன் நடிக்கிறார்.