சினிமா செய்திகள்

1980-களில் கொடி கட்டி பறந்த நடிகர், நடிகைகள் சந்திப்பு + "||" + 1980's Leading actor and actress are Meeting

1980-களில் கொடி கட்டி பறந்த நடிகர், நடிகைகள் சந்திப்பு

1980-களில் கொடி கட்டி பறந்த நடிகர், நடிகைகள் சந்திப்பு
தென்னிந்திய திரையுலகம் 1980-களில்தான் பெரிய வளர்ச்சி கண்டது. அப்போது தமிழ், தெலுங்கு, கன்னடம், மலையாள படங்களில் அறிமுகமானவர்கள் முன்னணி கதாநாயகனாகவும் கதாநாயகியாகவும் கொடி கட்டி பறந்தார்கள்.
சினிமாவில் நீண்ட காலம் நீடிக்கவும் செய்தனர். அப்போதைய நடிகர்களைத்தான் ஒவ்வொரு மொழியிலும் இன்றைக்கும் சூப்பர் ஸ்டாராக ரசிகர்கள் கொண்டாடி வருகிறார்கள். 

அவர்களில் சில நடிகர்களை தவிர பலரும் அப்பா, அம்மா, அண்ணன், அக்காள், அண்ணி வேடங்களுக்கு மாறிவிட்டார்கள். 80-களில் திரையுலகில் கோலோச்சிய நடிகர்-நடிகைகள் ஒவ்வொரு வருடமும் குறிப்பிட்ட இடத்தில் சந்தித்து பேசுவது வழக்கம்.

ஏற்கனவே சென்னையில் இந்த சந்திப்புகள் நடந்துள்ளன. இந்த ஆண்டுக்கான சந்திப்பு ஐதராபாத்தில் உள்ள நடிகர் சிரஞ்சீவி வீட்டில் நடந்தது. இதில் நடிகர்கள் சரத்குமார், பாக்யராஜ், பிரபு, சிரஞ்சீவி, ஜெயராம், சுமன், சுரேஷ், ரகுமான், நாகார்ஜுனா, மோகன்லால், வெங்கடேஷ், ஜெகபதி பாபு, ரமேஷ் அரவிந்த், பானுசந்தர், நடிகைகள் குஷ்பு, ராதிகா, ஜெயசுதா, ஷோபனா, சுமலதா, நதியா, ராதா, அமலா, சரிதா, லிசி, பூர்ணிமா, ஜெயபிரதா, ரேவதி, மேனகா, அம்பிகா, சுகாசினி உள்பட பலர் கலந்து கொண்டனர். 

அனைவரும் ஒரே நிறத்தில் ஆடை அணிந்து இருந்தனர். ஒருவருக்கொருவர் கைகுலுக்கியும் கட்டிப்பிடித்தும் நலம் விசாரித்தனர். பழைய நினைவுகளையும் பகிர்ந்து கொண்டனர். பின்னர் அனைவரும் சேர்ந்து புகைப்படம் எடுத்துக்கொண்டனர். சிரஞ்சீவி வீட்டிலேயே அனைவருக்கும் விருந்து பரிமாறப்பட்டது.

தொடர்புடைய செய்திகள்

1. போதை பொருள் பயன்படுத்தும் நடிகர், நடிகைகள் பட்டியலை வெளியிடுவேன் நடிகை ஸ்ரீரெட்டி
பெயர்களை வெளியிட்டு தமிழ், தெலுங்கு பட உலகில் பரபரப்பை ஏற்படுத்தியவர் நடிகை ஸ்ரீரெட்டி.
2. போதைப்பொருள் குற்றச்சாட்டு கன்னட திரைத்துறைக்கு களங்கம் என கூறுவது தவறு நடிகர் சுதீப் பேட்டி
போதைப்பொருள் குற்றச்சாட்டு கன்னட திரைத்துறைக்கு களங்கம் என கூறுவது தவறு என்று நடிகர் சுதீப் கூறியுள்ளார்.
3. சுஷாந்திடம் பண மோசடி குறித்து விசாரணை நடிகை ரியா மீதான அமலாக்கத்துறை பிடி இறுகுகிறது
நடிகர் சுஷாந்த் சிங்கிடம் பண மோசடி செய்தது தொடர்பாக நடிகை ரியாவிடம் மீண்டும் நாளை விசாரணை நடத்த இருப்பதாக அமலாக்கத்துறை தெரிவித்து உள்ளது.
4. வீட்டில் தூக்கில் தொங்கியபடி கிடந்தார் டி.வி. நடிகர் சமீர் சர்மா பிணமாக மீட்பு
டி.வி. நடிகர் சமீர் சர்மா வீட்டு சமையல் அறையில் தூக்கில் தொங்கியபடி பிணமாக மீட்கப்பட்டார்.
5. நண்பர்களுடன் சூதாட்டம் சென்னையில், நடிகர் ஷாம் கைது ‘ஊரடங்கால் பொழுதுபோகவில்லை’ என்று வாக்குமூலம்
நண்பர்களுடன் சூதாட்டத்தில் ஈடுபட்டதாக சென்னையில் நடிகர் ஷாம் கைது செய்யப்பட்டார்.

ஆசிரியரின் தேர்வுகள்...