‘பிக்பாஸ்’ நடிகைக்கு கொரோனா


‘பிக்பாஸ்’ நடிகைக்கு கொரோனா
x
தினத்தந்தி 30 Sep 2020 12:42 AM GMT (Updated: 2020-09-30T06:12:57+05:30)

‘பிக்பாஸ்’ நடிகைக்கு கொரோனா பாதிப்பு உறுதி செய்யப்பட்டு உள்ளது.

பிரபல பஞ்சாப் மொழி நடிகை ஹிமான்ஷி குரானா. இவர் பாடகியாகவும் இருக்கிறார். இந்தி பிக்பாஸ் 13-வது சீசனில் பங்கேற்றும் பிரபலமானார். ஹிமான்ஷி குரானாவுக்கு கொரோனா தொற்று உறுதியாகி உள்ளது. இவர் வேளாண் சட்டங்களை கண்டித்து மத்திய அரசுக்கு எதிராக நடந்த போராட்டத்தில் விவசாயிகளுடன் பங்கேற்று வந்தார். பின்னர் படப்பிடிப்புக்கு செல்வதற்காக கொரோனா பரிசோதனை செய்து கொண்டார். அப்போது அவருக்கு நோய் தொற்று இருப்பது உறுதியானது. இதையடுத்து தனிமைப்படுத்திக் கொண்டு சிகிச்சை பெறுகிறார்.

ஹிமான்ஷி குரானா தனது இன்ஸ்டாகிராமில் வெளியிட்டுள்ள பதிவில், “நான் தேவையான முன் எச்சரிக்கையோடு இருந்தும் கொரோனா பாதிப்பு ஏற்பட்டு உள்ளது. நான் பங்கேற்ற போராட்டத்தில் கூட்டம் அதிகமாக இருந்தது. எனவே படப்பிடிப்புக்கு செல்வதற்கு முன்னால் பரிசோதனை செய்து கொண்டதில் தொற்று இருப்பது தெரிய வந்தது. என்னுடன் தொடர்பில் இருந்த அனைவரும் பரிசோதனை செய்து கொள்ளுங்கள். போராட்டத்தில் தேவையான முன் எச்சரிக்கை நடவடிக்கை எடுக்கும்படி கேட்டுக்கொள்கிறேன். நாம் நோய் தொற்று காலத்தில் இருக்கிறோம் என்பதை மறக்க வேண்டாம்” என்று கூறியுள்ளார்.

Next Story