டி.வி. நடிகரை மணக்கும் நடிகை

பிரபல மலையாள நடிகை மிருதுளா விஜய். இவர் தமிழில் நூறாம் நாள், ஜெனிபர் கருப்பையா, கடன் அன்பை முறிக்கும் உள்ளிட்ட சில படங்களில் கதாநாயகியாக நடித்துள்ளார். மலையாளத்தில் மிருதுளா விஜய் நடித்த பிரிட்டீஷ் பங்களா, செலிபிரேசன், நெக்ஸ்ட் டோக்கன் நம்பர் பிளீஸ், இன்பினிட்டி போன்ற படங்கள் வரவேற்பை பெற்றன.தொலைக்காட்சி தொடர்கள் மற்றும் இசை ஆல்பங்களிலும் நடித்து இருக்கிறார். 

மிருதுளா விஜய்க்கும், மலையாள தொலைக்காட்சி தொடர் நடிகர் யுவகிருஷ்ணா என்பவருக்கும் திருமணம் முடிவாகி உள்ளது. இது காதல் திருமணம் இல்லை என்று தெரிவித்துள்ளனர். மிருதுளா விஜய், யுவகிருஷ்ணா திருமண நிச்சயதார்த்தம் திருவனந்தபுரத்தில் நடந்தது. இதில் நெருங்கிய உறவினர்கள் கலந்து கொண்டனர். 

திருமணம் செய்து கொள்ள இருக்கும் தகவலை இருவரும் வீடியோவில் அறிவித்து உள்ளனர். அவர்களுக்கு சமூக வலைத்தளத்தில் ரசிகர்கள் வாழ்த்து தெரிவித்து வருகிறார்கள்.