சினிமா செய்திகள்

ரஜினி, கமல் படங்களின் ஒளிப்பதிவாளர் நிவாஸ் மரணம் + "||" + Nivas, cinematographer of Rajini and Kamal films, dies

ரஜினி, கமல் படங்களின் ஒளிப்பதிவாளர் நிவாஸ் மரணம்

ரஜினி, கமல் படங்களின் ஒளிப்பதிவாளர் நிவாஸ் மரணம்
தமிழ் திரையுலகில் 1980-களில் முன்னணி ஒளிப்பதிவாளராக இருந்த பி.எஸ்.நிவாஸ் கேரள மாநிலம் கோழிக்கோட்டில் குடும்பத்துடன் வசித்து வந்தார். வயது முதுமை காரணமாக நிவாசுக்கு உடல் நல பாதிப்பு ஏற்பட்டு நேற்று மரணம் அடைந்தார்.
தமிழ் திரையுலகில் 1980-களில் முன்னணி ஒளிப்பதிவாளராக இருந்த பி.எஸ்.நிவாஸ் கேரள மாநிலம் கோழிக்கோட்டில் குடும்பத்துடன் வசித்து வந்தார். வயது முதுமை காரணமாக நிவாசுக்கு உடல் நல பாதிப்பு ஏற்பட்டு நேற்று மரணம் அடைந்தார். அவருக்கு வயது 80.

பி.எஸ்.நிவாஸ் தமிழில் பாரதிராஜா இயக்கத்தில் ரஜினிகாந்த், கமல்ஹாசன் இணைந்து நடித்த 16 வயதினிலே மற்றும் இளமை ஊஞ்சலாடுகிறது. ரஜினிகாந்தின் தனிக்காட்டு ராஜா, கமல்ஹாசனின் சிகப்பு ரோஜாக்கள், சலங்கை ஒலி, பாக்யராஜின் புதிய வார்ப்புகள், கிழக்கே போகும் ரயில், நிறம் மாறாத பூக்கள், கோழிகூவுது, ஊரு விட்டு ஊரு வந்து உள்பட பல படங்களுக்கு ஒளிப்பதிவு செய்துள்ளார். மலையாளம், தெலுங்கு, இந்தி படங்களுக்கும் ஒளிப்பதிவு செய்து இருக்கிறார்.

பாரதிராஜா நடித்த கல்லுக்குள் ஈரம் படத்தை டைரக்டு செய்து ஒளிப்பதிவும் செய்தார். மேலும் தமிழில் எனக்காக காத்திரு, நிழல் தேடும் நிஜங்கள், செவ்வந்தி ஆகிய படங்களை இயக்கி உள்ளார். மோகினி ஆட்டம் என்ற மலையாள படத்துக்காக சிறந்த ஒளிப்பதிவாளருக்கான தேசிய விருது பெற்றார். பி.எஸ்.நிவாஸ் மறைவுக்கு தமிழ், மலையாள திரையுலகினர் இரங்கல் தெரிவித்து உள்ளனர்.

தொடர்புடைய செய்திகள்

1. வீரபாண்டி தொகுதி சுயேச்சை வேட்பாளர் மரணம்
வீரபாண்டி தொகுதி சுயேச்சை வேட்பாளர் நேற்று மரணம் அடைந்தார்.
2. பிரபல நடிகர் மரணம்
பிரபல மலையாள நடிகர் பி.பாலச்சந்திரன் மரணம் அடைந்தார்.
3. பிரபல டைரக்டர் மரணம்
பிரபல மலையாள டைரக்டர் டி.எஸ்.மோகன் மரணம் அடைந்தார்.
4. அ.தி.மு.க.வை சேர்ந்த முகம்மதுஜான் எம்.பி. மாரடைப்பால் ‘திடீர்’ மரணம்
தமிழ்நாடு வக்பு வாரிய தலைவர் அ.முகம்மதுஜான் எம்.பி. ‘திடீர்’ மாரடைப்பால் காலமானார்.
5. பிரபல டைரக்டர் ஜனநாதன் மரணம்
தமிழ் திரையுலகின் முன்னணி இயக்குனரான எஸ்.பி.ஜனநாதனுக்கு இரு தினங்களுக்கு முன்பு உடல்நல குறைவு ஏற்பட்டு வீட்டில் மயங்கி விழுந்தார்.