<
பெண்கள் உலகக்கோப்பை : வங்காளதேச அணியை வீழ்த்தி ஆஸ்திரேலிய அணி அபார வெற்றி
Image Courtesy : @ICC
ஆஸ்திரேலிய அணி 5 விக்கெட் வித்தியாசத்தில் வங்காளதேச அணியை வீழ்த்தியது.
வெலிங்டன்,
பெண்கள் உலகக்கோப்பை போட்டிகள் நியூசிலாந்தில் நடைபெற்று வருகிறது. இதில் வெலிங்டன் மைதானத்தில் இன்று நடைபெறும் 25 ஆவது லீக் ஆட்டத்தில் ஆஸ்திரேலிய அணியும் வங்காளதேச அணியும் பலப்பரீட்சை நடத்தின.
இந்த போட்டியில் டாஸ் வென்ற ஆஸ்திரேலிய பெண்கள் அணியின் கேப்டன் மெக் லானிங் முதலில் பந்துவீச்சை தேர்வு செய்தார்.
தொடக்க வீராங்கனைகயாக களமிறங்கிய முர்ஷிதா 12 ரன்களிலும் ஷர்மின் அக்தர் 24 ரன்களிலும் வெளியேறினர். அதை தொடர்ந்து களமிறங்கிய வீராங்கனைகள் அடுத்தடுத்து ஆட்டமிழக்க பின்வரிசையில் லதா மோண்டல் 33 ரன்கள் குவித்தார்.
மழை காரணமாக போட்டி 43 ஓவர்களாக குறைக்கப்பட்டதால் நிர்ணயிக்கப்பட்ட ஓவர்கள் முடிவில் வங்காளதேச அணி 6 விக்கெட் இழப்பிற்கு 135 ரன்கள் குவித்தது.
இதையடுத்து 136 ரன்கள் எடுத்தால் வெற்றி என்ற இலக்குடன் ஆஸ்திரேலிய அணி களமிறங்கியது. அந்த அணியின் தொடக்க வீராங்கனைகள் அடுத்தடுத்து ஆட்டமிழந்து வெளியேறினர். பின்னர் களமிறங்கிய பெத் மோனி சிறப்பான ஆட்டத்தை வெளிப்படுத்தினார்.
66 ரன்கள் குவித்த அவர் இறுதிவரை ஆட்டமிழக்காமல் அணியை வெற்றி பாதைக்கு அழைத்து சென்றார். இறுதியில் ஆஸ்திரேலிய அணி 32.1 ஓவரில் 5 விக்கெட் இழப்பிற்கு 136 ரன்கள் எடுத்து 5 விக்கெட் வித்தியாசத்தில் வெற்றி பெற்றது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
