மாவட்ட செய்திகள்

காவிரி மேலாண்மை வாரியம் அமைக்க மத்திய அரசை வலியுறுத்தி இளைஞர் பெருமன்றத்தினர் முற்றுகை + "||" + The siege of the youth migrants urging the Central Government to set up Cauvery Management Board

காவிரி மேலாண்மை வாரியம் அமைக்க மத்திய அரசை வலியுறுத்தி இளைஞர் பெருமன்றத்தினர் முற்றுகை

காவிரி மேலாண்மை வாரியம் அமைக்க மத்திய அரசை வலியுறுத்தி இளைஞர் பெருமன்றத்தினர் முற்றுகை
காவிரி மேலாண்மை வாரியம் அமைக்க மத்தியஅரசை வலியுறுத்தி தஞ்சை பனகல் கட்டிடத்தை முற்றுகையிட்ட இளைஞர் பெருமன்றத்தினர் 40 பேரை போலீசார் கைது செய்தனர்.
தஞ்சாவூர்,

காவிரி மேலாண்மை வாரியத்தை மத்தியஅரசு அமைக்க வேண்டும். ஸ்டெர்லைட் ஆலையை மூட வேண்டும். தமிழகத்தை பாலைவனமாக்கும் மீத்தேன், ஹைட்ரோ கார்பன், நியூட்ரினோ திட்டங்களை கைவிட வேண்டும். ஆற்றுமணல், தாதுமணல், இயற்கை வளங்களின் கொள்ளையை தடுக்க வேண்டும். நீட் தேர்வை ரத்து செய்ய வேண்டும் என்பன உள்ளிட்ட பல்வேறு கோரிக்கைகளை வலியுறுத்தி தஞ்சை பழைய பஸ் நிலையம் முன்பு அனைத்திந்திய இளைஞர் பெருமன்றம் சார்பில் ஆர்ப்பாட்டம் நடந்தது.


இதற்கு மாவட்ட செயலாளர் செல்வக்குமார் தலைமை தாங்கினார். மாநிலக்குழு உறுப்பினர்கள் சக்திவேல், செந்தில்குமார் ஆகியோர் முன்னிலை வகித்தனர். இதில் ஏராளமானோர் கலந்து கொண்டு பல்வேறு கோஷங்களை எழுப்பினர். பின்னர் அங்கிருந்து அனைத்திந்திய இளைஞர் பெருமன்றத்தினர் ஊர்வலமாக புறப்பட்டு பழைய கலெக்டர் அலுவலகமான பனகல் கட்டிடத்தை முற்றுகையிடுவதற்காக வந்தனர்.

இவர்கள் யாரும் பனகல் கட்டிடத்திற்குள் நுழைந்துவிடக்கூடாது என்பதற்காக நுழைவு வாயில் கதவை கிழக்கு போலீசார் பூட்டி இரும்பு கம்பிகளால் ஆன தடுப்புகளை ஏற்படுத்தியிருந்தனர். ஊர்வலமாக வந்தவர்கள் பனகல் கட்டிடம் முன்பு வந்தபோது அவர்களை போலீசார் தடுத்து நிறுத்தினர். இதனால் அவர்கள் பனகல் கட்டிடத்தை முற்றுகையிட்டு, தரையில் அமர்ந்து மத்தியஅரசுக்கு எதிராக கோஷங்கள் எழுப்பினர். பின்னர் இவர்கள் அனைவரையும் போலீசார் கைது செய்து வேனில் ஏற்றி சென்றனர். மொத்தம் 40 பேர் கைது செய்யப்பட்டனர். 


தொடர்புடைய செய்திகள்

1. காவிரியை தடுக்குமா மேகதாது?
“சோதனை மேல் சோதனை போதுமடா சாமி... வேதனைதான் வாழ்க்கை என்றால் தாங்காது பூமி...” -காவிரி டெல்டா விவசாயிகளின் நிலைமை இன்று இப்படித்தான் இருக்கிறது.
2. காவிரியின் குறுக்கே மேகதாதுவில் அணை கட்ட தடை விதிக்க வேண்டும் - சுப்ரீம் கோர்ட்டில் புதுச்சேரி அரசு வழக்கு
காவிரியின் குறுக்கே மேகதாதுவில் அணை கட்ட தடை விதிக்க வேண்டும் என சுப்ரீம் கோர்ட்டில் புதுச்சேரி அரசு வழக்கு தொடர்ந்துள்ளது.
3. காவிரி ஆற்றின் குறுக்கே அணைகட்ட எதிர்ப்பு: காவிரி உரிமை மீட்புக்குழுவினர் ஆர்ப்பாட்டம்
காவிரி ஆற்றின் குறுக்கே அணைகட்ட எதிர்ப்பு தெரிவித்து தஞ்சையில் காவிரி உரிமை மீட்புக்குழுவினர் ஆர்ப்பாட்டத்தில் ஈடுபட்டனர்.
4. காவிரியில் மேகதாது அணை கட்டும் கர்நாடகத்தின் திட்ட அறிக்கைக்கு மத்திய அரசு திடீர் ஒப்புதல்
காவிரி ஆற்றின் குறுக்கே மேகதாது அணை கட்டும் கர்நாடக அரசின் வரைவு திட்ட அறிக்கைக்கு மத்திய அரசு திடீர் ஒப்புதல் அளித்தது. இந்த அனுமதியை திரும்பப்பெறுமாறு முதல்-அமைச்சர் எடப்பாடி பழனிசாமி மற்றும் தமிழக அரசியல் கட்சி தலைவர்கள் வலியுறுத்தி உள்ளனர்.
5. காவிரியில் கழிவுகள் கலப்பதற்கு எதிரான வழக்கு ஒத்திவைப்பு : சுப்ரீம் கோர்ட்டு உத்தரவு
தமிழகத்துக்கு வரும் காவிரி நீரில் கழிவுகள் கலப்பதை எதிர்த்து சுப்ரீம் கோர்ட்டில் தாக்கல் செய்யப்பட்ட வழக்கின் விசாரணை ஒரு வாரத்துக்கு ஒத்திவைக்கப்பட்டது.