மாவட்ட செய்திகள்

மாவட்டத்தில் ஊரக வளர்ச்சித்துறை அலுவலர்கள் மறியல் 180 பேர் கைது + "||" + Rural Development Officers in the District have arrested 180 people

மாவட்டத்தில் ஊரக வளர்ச்சித்துறை அலுவலர்கள் மறியல் 180 பேர் கைது

மாவட்டத்தில் ஊரக வளர்ச்சித்துறை அலுவலர்கள் மறியல் 180 பேர் கைது
தர்மபுரி மாவட்டத்தில் கோரிக்கைகளை வலியுறுத்தி மறியல் போராட்டத்தில் ஈடுபட்ட ஊரக வளர்ச்சித்துறை அலுவலர்கள் 180 பேரை போலீசார் கைது செய்தனர்.
தர்மபுரி,

தமிழ்நாடு ஊரக வளர்ச்சித்துறை அலுவலர்கள், ஊழியர்கள் கோரிக்கைகளை வலியுறுத்தி காலவரையற்ற வேலைநிறுத்தப்போராட்டத்தில் ஈடுபட்டு வருகிறார்கள். தர்மபுரி மாவட்டத்தில் பெரும்பாலான ஊரக வளர்ச்சித்துறை அலுவலர்கள், பணியாளர்கள், ஊழியர்கள் இந்த வேலைநிறுத்த போராட்டத்தில் பங்கேற்றுள்ளனர்.


உள்ளாட்சி தேர்தலை உடனடியாக நடத்த வேண்டும். ஊராட்சி செயலர்களுக்கு பதிவறை எழுத்தருக்கு இணையான ஊதிய மாற்றம் வழங்க வேண்டும். அதற்கான அரசாணையை உடனடியாக தமிழகஅரசு வெளியிட வேண்டும். ஊரகவளர்ச்சித்துறையில் உள்ள ஏராளமான காலிப்பணியிடங்களை நிரப்ப வேண்டும் என்பன உள்ளிட்ட பல்வேறு கோரிக்கைகளை வேலைநிறுத்த போராட்டத்தில் ஈடுபட்டுள்ளவர்கள் வலியுறுத்தினர்.

இந்த கோரிக்கைகளை வலியுறுத்தி தர்மபுரி கலெக்டர் அலுவலகம் முன்பு நேற்று ஊரகவளர்ச்சித்துறை அலுவலர்கள், பணியாளர்கள் ஆர்ப்பாட்டத்தில் ஈடுபட்டனர். ஆர்ப்பாட்டத்திற்கு சங்க மாவட்ட தலைவர் மணிவண்ணன் தலைமை தாங்கினார். அரசு ஊழியர் சங்க மாவட்ட தலைவர் சுருளிநாதன் மற்றும் நிர்வாகிகள் கோரிக்கைகளை விளக்கி பேசினார்கள்.ஆர்ப்பாட்டத்தில் கோரிக்கைகளை வலியுறுத்தி கோஷங்கள் எழுப்பப்பட்டன.

இதைத்தொடர்ந்து ஆர்ப்பாட்டக்குழுவினர் கலெக்டர் அலுவலகம் முன்பு சாலையில் அமர்ந்து மறியல் போராட்டத்தில் ஈடுபட்டனர். அதனால் அந்த பகுதியில் சிறிது நேரம் வாகன போக்குவரத்து பாதிக்கப்பட்டது. இதையடுத்து அந்த பகுதியில் பாதுகாப்பு பணியில் ஈடுபட்டிருந்த போலீசார், மறியலில் ஈடுபட்ட 30 பெண்கள் உள்பட 180 பேரை கைது செய்தனர். 


தொடர்புடைய செய்திகள்

1. கிராமப்பகுதிகளில் அடிப்படை வசதி கேட்டு கலெக்டரிடம் மனு
கிராமப்பகுதியில் வசிக்கும் அருந்ததியர் சமுதாயத்தினருக்கு இலவச வீட்டு மனைப்பட்டா வழங்குவதுடன் அடிப்படை வசதிகளும் செய்து தர வேண்டும் என கலெக்டரிடம் மனு கொடுக்கப்பட்டுள்ளது.
2. கலெக்டர் அலுவலகம் முன்பு சங்கு ஊதும் போராட்டம் தமிழக மக்கள் முன்னேற்ற கழகத்தினர் 25 பேர் கைது
திருவாரூர் கலெக்டர் அலுவலகம் முன்பு சங்கு ஊதும் போராட்டத்தில் ஈடுபட்ட தமிழக மக்கள் முன்னேற்ற கழகத்தினர் 25 பேரை போலீசார் கைது செய்தனர்.
3. கூட்டுறவு சங்கத்தில் விவசாயிகள் பெயரில் ரூ.1 கோடி மோசடி செய்தவர்களை கைது செய்யக்கோரி நூதன போராட்டம்
கூட்டுறவு சங்கத்தில் விவசாயிகள் பெயரில் ரூ.1 கோடி மோசடி செய்தவர்களை கைது செய்யக்கோரி நூதன போராட்டம் நடந்தது. ராஜா, ராணி வேடம் அணிந்து வந்தவர்களால் பரபரப்பு ஏற்பட்டது.
4. ஸ்டெர்லைட் ஆலையை திறக்க எதிர்ப்பு: முற்றுகை போராட்டம் நடத்திய மக்கள் அதிகாரம் அமைப்பினர் 37 பேர் கைது
ஸ்டெர்லைட் ஆலையை திறக்க எதிர்ப்பு தெரிவித்து முற்றுகை போராட்டம் நடத்திய, மக்கள் அதிகாரம் அமைப்பினர் 37 பேர் கைது செய்யப்பட்டனர்.
5. அறந்தாங்கி, அரிமளம், அன்னவாசல், கந்தர்வகோட்டை பகுதிகளில் நிவாரணம் கோரி பொதுமக்கள் சாலை மறியல்
அறந்தாங்கி, அரிமளம், அன்னவாசல், கந்தர்வகோட்டை பகுதிகளில் நிவாரணம் வழங்க கோரி பொதுமக்கள் சாலை மறியலில் ஈடுபட்டனர்.