மாவட்ட செய்திகள்

முல்லைப்பெரியாறு அணை நீர்மட்டம் சரிவு + "||" + Mullaperiyar dam water level deterioration

முல்லைப்பெரியாறு அணை நீர்மட்டம் சரிவு

முல்லைப்பெரியாறு அணை நீர்மட்டம் சரிவு
நீர்ப்பிடிப்பு பகுதிகளில் மழைப்பொழிவு குறைந்ததால் முல்லைப்பெரியாறு அணையின் நீர்மட்டம் சரிந்து வருகிறது.
தேனி, 


தமிழக-கேரள மாநில எல்லையில் முல்லைப்பெரியாறு அணை அமைந்துள்ளது. தேனி, திண்டுக்கல், மதுரை, சிவகங்கை, ராமநாதபுரம் ஆகிய 5 மாவட்டங்களின் நீராதாரமாக இந்த அணை திகழ்கிறது. இந்த அணையின் மொத்த உயரம் 152 அடி ஆகும். இதில் 142 அடி வரை தண்ணீர் தேக்கிக் கொள்ள சுப்ரீம் கோர்ட்டு அனுமதி அளித்து தீர்ப்பு வழங்கி உள்ளது.

அணையின் நீர்ப்பிடிப்பு பகுதிகளில் கடந்த மாதம் தொடர்ந்து பலத்த மழை பெய்தது. இதனால் நீர்மட்டம் கிடுகிடுவென உயர்ந்தது. இந்நிலையில் கடந்த ஒரு வார காலமாக அணையின் நீர்ப்பிடிப்பு பகுதிகளில் மழைப் பொழிவு குறைந்ததால் அணையின் நீர்மட்டமும் குறைந்து வருகிறது.
கடந்த 2-ந்தேதி அணையின் நீர்மட்டம் 135.10 அடியாக இருந்தது. தொடர்ந்து அணையில் இருந்து அதிக அளவில் தண்ணீர் திறக்கப்பட்டதாலும், அணைக்கு நீர்வரத்து குறைந்ததாலும் நீர்மட்டம் சரியத் தொடங்கியது. நேற்று காலையில் அணையின் நீர்மட்டம் 132.80 அடியாக இருந்தது.
அணைக்கு நீர்வரத்து வினாடிக்கு 1,640 கன அடியாக இருந்தது. அணையில் இருந்து வினாடிக்கு 1,600 கன அடி வீதம் தண்ணீர் திறக்கப்பட்டது. அணையில் 5,352 மில்லியன் கன அடி தண்ணீர் இருப்பு உள்ளது.

அதே நேரத்தில் ஆண்டிப்பட்டி அருகே உள்ள 71 அடி உயரம் கொண்ட வைகை அணையின் நீர்மட்டம் நேற்று 58.56 அடியாக இருந்தது. அணைக்கு நீர்வரத்து வினாடிக்கு 1,365 கன அடியாக உள்ளது. அணையில் 3,336 மில்லியன் கன அடி தண்ணீர் இருப்பு உள்ளது. அணையில் இருந்து வினாடிக்கு 960 கன அடி வீதம் தண்ணீர் திறக்கப்படுகிறது.

வைகை அணைக்கு மூலவைகை ஆற்றில் இருந்து நீர்வரத்து ஏற்படவில்லை. முழுக்க, முழுக்க முல்லைப்பெரியாற்றில் இருந்து திறக்கப்படும் தண்ணீரே வைகை வந்து சேர்கிறது. தற்போது வைகை அணையின் நீர்மட்டம் ஆரோக்கியமான அளவில் உள்ளது. எனவே, முல்லைப்பெரியாறு அணையின் நீர்மட்டத்தை உயர்த்தும் வகையில், அந்த அணையில் இருந்து திறக்கப்படும் தண்ணீர் அளவை குறைக்க வேண்டும் அல்லது முல்லைப்பெரியாறு அணையில் இருந்து 18-ம் கால்வாய் மற்றும் பி.டி.ஆர்.-தந்தை பெரியார் கால்வாயில் முன்கூட்டியே தண்ணீர் திறக்க வேண்டும் என்று விவசாயிகள் கோரிக்கை விடுத்துள்ளனர். 


தொடர்புடைய செய்திகள்

1. முல்லைப்பெரியாறில் கேரளா புதிய அணை கட்ட திட்டம்: கோர்ட்டு அவமதிப்பு வழக்கு தொடர வேண்டும் - விவசாயிகள் வலியுறுத்தல்
முல்லைப்பெரியாறு அணை அருகில் புதிய அணை கட்டுவதற்கு கேரள அரசு ஆய்வுப் பணிகளை மேற்கொள்ள அனுமதி வழங்கப்பட்டு உள்ளதால், தமிழக அரசு கோர்ட்டு அவமதிப்பு வழக்கு தொடர வேண்டும் என்று விவசாயிகள் வலியுறுத்தி உள்ளனர்.
2. முல்லை பெரியாறு அணை விவகாரம்: முதல்-அமைச்சர் எடப்பாடி பழனிசாமி பிரதமர் மோடிக்கு கடிதம்
முல்லை பெரியாறு அணை விவகாரம் தொடர்பாக முதல்-அமைச்சர் எடப்பாடி பழனிசாமி பிரதமர் மோடிக்கு கடிதம் எழுதி உள்ளார்.
3. முல்லைபெரியாறில் புதிய அணை கட்ட ஆய்வு நடத்த அனுமதி : சுப்ரீம் கோர்ட்டில் தமிழக அரசு வழக்கு?
முல்லைபெரியாறில் புதிய அணை கட்டுவதற்கான சாத்தியக் கூறு ஆய்வு நடத்த நிபந்தனைகளுடன் கேரள அரசுக்கு மத்திய சுற்றுச்சூழல் அமைச்சகம் அனுமதி வழங்கி உள்ளது.
4. முல்லைப்பெரியாறு அணையில் துணை கண்காணிப்பு குழு ஆய்வு : வல்லக்கடவு பாதையை சீரமைக்க வலியுறுத்தல்
முல்லைப்பெரியாறு அணையில் துணை கண்காணிப்பு குழுவினர் நேற்று ஆய்வு செய்தனர். அப்போது அணைக்கு செல்லும் வல்லக்கடவு பாதையை சீரமைக்க வேண்டும் என்று தமிழக அதிகாரிகள் வலியுறுத்தினர்.
5. முல்லைப்பெரியாறு அணையின் நீர்மட்டத்தை 139 அடியாக குறைக்கக் கோரும் கேரளாவின் கோரிக்கை நிராகரிப்பு
முல்லைப்பெரியாறு அணையின் நீர்மட்டத்தை 139 அடியாக குறைக்கக் கோரும் கேரளாவின் கோரிக்கையை நிராகரித்த சுப்ரீம் கோர்ட்டு இது தொடர்பாக துணைக்குழு முடிவு செய்ய உத்தரவிட்டது.