மாவட்ட செய்திகள்

ராமநாதபுரத்தில் மெகா லோக் அதாலத்தில் 3 ஆயிரம் வழக்குகளை முடிக்க திட்டம் - நீதிபதி கயல்விழி தகவல் + "||" + Ramanathapruram Mega Lok was in that time Plan to complete 3 thousand cases

ராமநாதபுரத்தில் மெகா லோக் அதாலத்தில் 3 ஆயிரம் வழக்குகளை முடிக்க திட்டம் - நீதிபதி கயல்விழி தகவல்

ராமநாதபுரத்தில் மெகா லோக் அதாலத்தில் 3 ஆயிரம் வழக்குகளை முடிக்க திட்டம் - நீதிபதி கயல்விழி தகவல்
ராமநாதபுரத்தில் வருகிற 8–ந்தேதி நடைபெற உள்ள மெகா லோக் அதாலத் நிகழ்ச்சியில் நிலுவையில் உள்ள 3 ஆயிரம் வழக்குகளை முடிக்க திட்டமிடப்பட்டுள்ளதாக மாவட்ட நீதிபதி கயல்விழி தெரிவித்தார்.

ராமநாதபுரம்,

ராமநாதபுரம் மாவட்ட நீதிபதி கயல்விழி நிருபர்களிடம் கூறியதாவது:– உச்சநீதிமன்றம், உயர்நீதிமன்றம் உத்தரவின்படி மாவட்ட சட்டபணிகள் ஆணைக்குழு மற்றும் தமிழ்நாடு மாநில சட்டப்பணிகள் ஆணைக்குழு சார்பில் ராமநாதபுரம் மாவட்டத்தில் வருகிற 8–ந்தேதி தேசிய மெகாலோக் அதாலத் நிகழ்ச்சி நடைபெற உள்ளது. மாவட்டத்தில் உள்ள அனைத்து கோர்ட்டுகளிலும் நடைபெற உள்ள இந்த நிகழ்ச்சியில் கோர்ட்டுகளில் நிலுவையில் உள்ள 12 ஆயிரத்து 409 வழக்குகளில் சமரசம் செய்து கொள்ளக்கூடிய வழக்குகள் அடையாளம் காணப்பட்டுள்ளன.

இவ்வாறு மோட்டார் வாகன விபத்து வழக்குகள், உரிமையியல் வழக்குகள், வங்கி காசோலை வழக்குகள், நில ஆர்ஜித வழக்குகள் என மொத்தம் 1,904 வழக்குகளும், நீதிமன்ற வழக்குகள் மற்றும் வழக்கிற்கு முந்தைய நிலையில் உள்ள வங்கி வழக்குகள் 970 என்று அடையாளம் காணப்பட்டுள்ளன.

இந்த வழக்குகளை வரும் லோக் அதாலத் நிகழ்ச்சியில் சமரசம் செய்து வைத்து தீர்வு காண முடிவு செய்யப்பட்டு அதற்கான முன் அமர்வுகள் நடத்தப்பட்டு வருகின்றன. இதற்காக இதுவரை 20 முன் அமர்வு மக்கள் நீதிமன்றங்கள் கோர்ட்டுகளில் நடத்தப்பட்டு அவற்றில் 65 வழக்குகளில் இதுவரை சமரசம் காணப்பட்டுள்ளன. இதன் மொத்த மதிப்பு ரூ.70 லட்சம் ஆகும்.

அதன் தொடர்ச்சியாக லோக் அதாலத்தில் 13 அமர்வுகள் நடத்தப்பட்டு மொத்தம் 3 ஆயிரம் வழக்குகளை முடித்து வைக்க திட்டமிடப்பட்டுள்ளது. பொதுமக்கள் கோர்ட்டுகளில் வழக்கு நடந்து கொண்டிருந்தாலும், காவல்நிலையத்தில் வழக்கு பதிவு செய்யப்பட்டிருந்தாலும் இருதரப்பினரும் சமரசம் செய்து கொள்ள மன ஒற்றுமை ஏற்பட்டால் சட்டப்பணிகள் ஆணைக்குழுவில் மனு கொடுத்து வழக்கினை முடித்து கொள்ளலாம்.

இந்த லோக் அதாலத்தில் முடித்து வைக்கப்படும் வழக்குகளை மேல்முறையீடு செய்ய முடியாது. எனவே அனைவரும் இந்த வாய்ப்பினை பயன்படுத்தி கொள்ள வேண்டும். இவ்வாறு கூறினார். அப்போது சட்டப்பணிகள் ஆணைக்குழு செயலாளர் சப்–கோர்ட்டு நீதிபதி ராமலிங்கம் உடனிருந்தார்.



தொடர்புடைய செய்திகள்

1. ‘பொதுச்செயலாளரே, அ.தி.மு.க.வின் ஒரே அடையாளம்’ டெல்லி ஐகோர்ட்டில் டி.டி.வி.தினகரன் தரப்பினர் வாதம்
அ.தி.மு.க.வின் ஒரே அடையாளமாக இருப்பது பொதுச்செயலாளரும், அந்த பதவிக்கான தேர்தலும் ஆகும் என இரட்டை இலை சின்னம் தொடர்பான வழக்கில் டி.டி.வி.தினகரன் தரப்பினர் டெல்லி ஐகோர்ட்டில் வாதிட்டனர்.
2. சப்-இன்ஸ்பெக்டரை தாக்கிய பா.ஜனதா நிர்வாகி மீது வழக்கு போலீஸ் நிலையம் முற்றுகை-பரபரப்பு
மார்த்தாண்டம் மேம்பாலத்தில் ஏற்பட்ட மோதலில் போலீஸ் சப்-இன்ஸ்பெக்டரை தாக்கியதாக பா.ஜனதா நிர்வாகி மீது வழக்குப்பதிவு செய்யப்பட்டது. இதை கண்டித்து பா.ஜனதாவினர் போலீஸ் நிலையத்தை முற்றுகையிட்டதால் பரபரப்பு ஏற்பட்டது.
3. மருந்து கடைகளில் ஆய்வு; இருவர் மீது வழக்கு
அரியலூர் மாவட்டத்தில் பல கிராமங்களில் மர்ம காய்ச்சல் பரவி வரும் நிலையில் டெங்கு காய்ச்சல், பன்றி காய்ச்சல் போன்றவற்றால் நோயாளிகள் இறக்க நேரிடுகிறது.
4. ‘சர்கார்’ பட டிக்கெட்டுகளை கூடுதல் விலைக்கு விற்பதை தடுக்க கோரி வழக்கு; மதுரை ஐகோர்ட்டில் இன்று விசாரணை
‘சர்கார்‘ பட டிக்கெட்டுக்கு ரூ.1,000 வரை வசூலிப்பதாகவும், எனவே கூடுதல் தொகை வசூலிப்பதை தடுக்க கோரி மதுரை ஐகோர்ட்டில் வழக்கு தொடரப்பட்டுள்ளது. அந்த வழக்கு இன்று விசாரணைக்கு வருகிறது.
5. மீ டூ விவகாரத்தில் வழக்கு பதிவு செய்ய வேண்டும் - இந்து மக்கள் கட்சி தலைவர் அர்ஜுன்சம்பத் பேட்டி
மீ டூ விவகாரத்தில் யாராக இருந்தாலும் வழக்கு பதிவு செய்து கடும் நடவடிக்கை எடுக்க வேண்டும் என்று இந்து மக்கள் கட்சி தலைவர் அர்ஜுன் சம்பத் கூறினார்.