மாவட்ட செய்திகள்

கடலூர் குப்பன்குளம் பகுதியில் கலெக்டர் அன்புசெல்வன் திடீர் ஆய்வு + "||" + Collector Kadannur Kulankulam area Collector Anne Selvan

கடலூர் குப்பன்குளம் பகுதியில் கலெக்டர் அன்புசெல்வன் திடீர் ஆய்வு

கடலூர் குப்பன்குளம் பகுதியில் கலெக்டர் அன்புசெல்வன் திடீர் ஆய்வு
சுகாதாரமற்ற குடிநீர் வினியோகம் செய்யப்படுவதாக எழுந்த புகாரை அடுத்து கடலூர் குப்பன்குளம் பகுதியில் கலெக்டர் அன்புசெல்வன் நேற்று திடீர் ஆய்வு மேற்கொண்டார். அப்போது குழாயில் கலங்கலாக வந்த தண்ணீரை கைகளில் பிடித்து குடித்து பார்த்தார்.
கடலூர், 


கடலூர் திருப்பாதிரிப்புலியூர் குப்பன்குளம் பாரதிதாசன் நகர் பகுதியில் குடிநீரில் கழிவுநீர் கலந்து வருவதாக புகார் எழுந்தது. இதையடுத்து மார்க்சிஸ்ட் கம்யூனிஸ்டு கட்சியின் குப்பன்குளம் பகுதி கிளை செயலாளர் பழனி தலைமையில் அந்த பகுதி மக்கள் கழிவுநீர் கலந்து வந்த குடிநீரை பாத்திரங்கள் மற்றும் பாட்டில்களில் பிடித்து வைத்து நகராட்சி நிர்வாகத்தை கண்டித்து ஆர்ப்பாட்டம் செய்தனர்.
இந்த நிலையில் கடலூர் மாவட்ட கலெக்டர் அன்புசெல்வன் நேற்று குப்பன்குளம் பாரதிதாசன்நகருக்கு சென்று திடீர் ஆய்வு மேற்கொண்டார். அப்போது அந்த பகுதி மக்கள் பாத்திரங்களில் பிடித்து வைத்திருந்த கழிவுநீர் கலந்த குடிநீரை கலெக்டரிடம் காண்பித்தனர்.

பின்னர் அருகில் கழிவுநீர் கால்வாய் செல்லும் பாதையில் இருந்த குழாயில் இருந்து கலங்கலாக வந்த குடிநீரை கைகளில் பிடித்து குடித்து பார்த்து அதன் தரத்தை கலெக்டர் ஆய்வு செய்தார். இதையடுத்து குடிநீர் குழாய் அமைக்கப்பட்டிருந்த பகுதியை பார்வையிட்ட கலெக்டர் அங்கே திரண்டு நின்ற பொதுமக்களிடம் சுத்தமான குடிநீர் வழங்க நடவடிக்கை எடுக்கப்படும் என தெரிவித்தார்.

இதைத் தொடர்ந்து அங்குள்ள கழிவுநீர் கால்வாயில் பிளாஸ்டிக் கழிவுகளால் அடைப்பு இருப்பதை பார்த்த கலெக்டர், கால்வாயை அடைத்து இருந்த பிளாஸ்டிக் பையை எடுத்து பொதுமக்களிடம் காண்பித்து குப்பைகளை கழிவுநீர் கால்வாய்களில் கொட்டுவதால் அடைப்பு ஏற்பட்டு கழிவுநீர் தேங்கி சுகாதார சீர்கேடு ஏற்பட வாய்ப்புகள் உண்டு. எனவே குப்பைகளை உரிய இடத்தில் கொட்ட வேண்டும் என அறிவுரை வழங்கினார்.

இதைக் கேட்ட பொதுமக்கள் எங்கள்பகுதியில் கடந்த ஒரு மாதமாக கழிவுநீர் கலந்த குடிநீர் வினியோகம் செய்யப்பட்டது. இது குறித்து நாங்கள் அதிகாரிகளிடம் புகார் தெரிவித்தும் நடவடிக்கை எடுக்கப்படவில்லை, இதனால் தனியாரிடம் காசு கொடுத்துதான் குடிநீரை வாங்கி பயன்படுத்தி வருகிறோம் என கூறினர். உடனே அங்கிருந்த அதிகாரிகளிடம் பொதுமக்களின் குறைகளை உடனடியாக சரிசெய்ய நடவடிக்கை எடுங்கள் என்று கலெக்டர் கூறினார். 

தொடர்புடைய செய்திகள்

1. பிளாஸ்டிக் பொருட்களை பயன்படுத்தினால் ரூ.10 ஆயிரம் அபராதம் வணிகர்களுக்கு, கடலூர் கலெக்டர் எச்சரிக்கை
கடலூர் மாவட்டத்தில் பிளாஸ்டிக் பொருட்களை பயன்படுத்தும் வணிகர்களுக்கு ரூ.10 ஆயிரம் வரை அபராதம் விதிக்கப்படும் என்று கலெக்டர் அன்புசெல்வன் கூறினார். கடலூர் மாவட்ட கலெக்டர் அன்புசெல்வன் நேற்று நிருபர்களுக்கு பேட்டி அளித்தார். அப்போது அவர் கூறியதாவது:-
2. கடலூரில்: மாற்றுத்திறனாளிகளுக்கான விளையாட்டு போட்டி - கலெக்டர் தொடங்கி வைத்தார்
கடலூரில் மாற்றுத்திறனாளிகளுக்கான விளையாட்டு போட்டியை கலெக்டர் அன்புசெல்வன் தொடங்கி வைத்தார்.
3. 2,023 அங்கன்வாடி மையங்களில்: ஒரு லட்சம் பெண்கள், குழந்தைகளுக்கு இணை உணவு - கலெக்டர் அன்புசெல்வன் தகவல்
கடலூர் மாவட்டத்தில் 2,023 அங்கன்வாடி மையங்கள் மூலம் பெண்கள், குழந்தைகள் ஒரு லட்சத்து 10 ஆயிரத்து 521 பேருக்கு இணை உணவு வழங்கப்பட்டு வருவதாக கலெக்டர் அன்புசெல்வன் தெரிவித்தார்.
4. குறிஞ்சிப்பாடி, ஸ்ரீமுஷ்ணம் பகுதியில்: தடுப்பணை, பாலம் கட்டுவதற்கான இடம் - கலெக்டர் அன்புசெல்வன் பார்வையிட்டார்
குறிஞ்சிப்பாடி, ஸ்ரீமுஷ்ணம் பகுதியில் தடுப்பணை, பாலம் கட்டுவதற்கான இடத்தை கலெக்டர் அன்புசெல்வன் நேரில் பார்வையிட்டு ஆய்வு செய்தார்.
5. சிறுபாக்கத்தில் மனுநீதிநாள் முகாம்: 260 பேருக்கு ரூ.91 லட்சம் நலத்திட்ட உதவிகள் - கலெக்டர் அன்புசெல்வன் வழங்கினார்
சிறுபாக்கத்தில் நடந்த மனுநீதி நாள் முகாமில் கலெக்டர் அன்புசெல்வன் 260 பேருக்கு ரூ.91½ லட்சம் மதிப்பிலான நலத்திட்ட உதவிகளை வழங்கினார்.