மாவட்ட செய்திகள்

கொழுமம் அமராவதி ஆற்றுப்பாலத்தின் அருகே சாலையை அகலப்படுத்த வேண்டும் - பொதுமக்கள் கோரிக்கை + "||" + The fermentation near the Amaravati River Bridge The road should be widened

கொழுமம் அமராவதி ஆற்றுப்பாலத்தின் அருகே சாலையை அகலப்படுத்த வேண்டும் - பொதுமக்கள் கோரிக்கை

கொழுமம் அமராவதி ஆற்றுப்பாலத்தின் அருகே சாலையை அகலப்படுத்த வேண்டும் - பொதுமக்கள் கோரிக்கை
கொழுமம் அமராவதி ஆற்றுப்பாலத்தின் அருகே சாலையை அகலப்படுத்த வேண்டும் என பொதுமக்கள் கோரிக்கை விடுத்துள்ளனர்.

மடத்துக்குளம்,

 கொழுமத்தில் உள்ள ஆற்றுப்பாலத்தின் வழியாக தினந்தோறும் ஆயிரக்கணக்கான வாகனங்கள் வந்து செல்கின்றன. குமரலிங்கம், உடுமலை, மடத்துக்குளம், பழனி, தாராபுரம், கீரனூர், திண்டுக்கல் ஆகிய ஊர்களுக்கு கொழுமத்தின் வழியாக பஸ்கள் இயக்கப்படுகின்றன. மேலும், ஆண்டுதோறும் வருகிற சித்திரை மாதம் கொழுமம் கோட்டை மாரியம்மன் கோவில் திருவிழாவின் போது இந்த பகுதியில் லட்சக்கணக்கானவர்கள் கூடுகின்றனர்.

இத்தகைய சூழ்நிலையில் கொழுமம் அமராவதி ஆற்றுப்பாலத்தை ஒட்டிய மேற்கு பகுதிகளில் குமரலிங்கம் செல்லும் வழியில் இருக்கும் காலியிடத்தில் பொதுமக்கள், பாதசாரிகள், கோவிலுக்கு செல்லும் பக்தர்கள் ஆகியோர்களின் நலன் கருதி சாலையை அகலப்படுத்த இப்பகுதி மக்கள் பேரூராட்சி நிர்வாகத்திடமும், கொழுமம் ஊராட்சி நிர்வாகத்திடமும் கோரிக்கை வைத்துள்ளனர்.

ஆனால் இதுவரை எந்த வித நடவடிக்கையும் எடுக்கப்படவில்லை. மேலும், கனமழை பெய்யும் போது பள்ளமாக இருப்பதால் இப்பகுதியில் மழைநீர் அதிகளவில் தேங்குகின்றன. இதுதவிர கொழுமம் கோட்டை மாரியம்மன் கோவில் திருவிழா நடைபெறும் காலங்களில் பக்தர்கள் இவ்வழியாக தீச்சட்டி, முளைப்பாரி ஆகியவற்றை நேர்த்தி கடன் செலுத்த கொண்டு செல்கின்றனர்.

அவ்வாறு கோவிலுக்கு செல்லும் பக்தர்கள் வெறும் காலில் நடந்து செல்லும் போது காலி இடங்களில் மண்ணுக்குள் மறைந்திருக்கும் கண்ணாடிகள் காலை பதம் பார்க்கிறது. வாகன நெரிசலில் சாலையில் நடந்து செல்லவும் முடியாது. எனவே இப்பகுதியில் நீண்ட கால கோரிக்கையாக உள்ள பாலத்தை ஒட்டிய இடத்தில் சாலையை அகலப்படுத்த வேண்டும் என அப்பகுதி பொதுமக்கள் கோரிக்கை விடுத்துள்ளனர்.



தொடர்புடைய செய்திகள்

1. மணப்பாறை பகுதியில் புயலால் கடும் பாதிப்பு: குடிநீர், மின்வசதி கேட்டு பொதுமக்கள் மறியல்
மணப்பாறை பகுதியில் குடிநீர் மற்றும் மின்வசதி கேட்டு பொதுமக்கள் மறியலில் ஈடுபட்டனர்.
2. புயலால் சேதமடைந்த வீடுகள்- பொருட்களுக்கு இழப்பீடு கோரி மனு கலெக்டரிடம், பொதுமக்கள் கொடுத்தனர்
கஜா புயலால் சேதமடைந்த வீடுகள் மற்றும் பொருட்களுக்கு இழப்பீடு வழங்க கோரி குறைதீர்க்கும் நாள் கூட்டத்தில் கலெக்டரிடம், பொதுமக்கள் மனு கொடுத்தனர்.
3. மணமேல்குடி பகுதியில் சாலையில் கிடந்த மரங்களை பொதுமக்கள் அகற்றினர்
மணமேல்குடி பகுதியில் சாலையில் விழுந்து கிடந்த மரங்களை பொதுமக்கள் அகற்றினர்.
4. ‘கஜா’ புயலால் மரங்கள்-மின்கம்பங்கள் சாய்ந்தன: நீடாமங்கலத்தில் 36 மணிநேரம் மின்தடை பொதுமக்கள் அவதி
‘கஜா’ புயலில் மரங்கள்-மின்கம்பங்கள் சாய்ந்ததால் நீடாமங்கலத்தில் 36 மணி நேரம் மின்தடை ஏற்பட்டதால் பொதுமக்கள் அவதிப்பட்டனர்.
5. ‘கஜா’ புயலின் பாதிப்பால் இருளில் மூழ்கி கிடக்கும் கிராமங்கள் நடவடிக்கை எடுக்க பொதுமக்கள் வேண்டுகோள்
கஜா புயலின் தாக்கத்தால் மணப்பாறை, மருங்காபுரி பகுதிகளில் மின்சார வசதி இன்றி கிராமங்கள் இருளில் மூழ்கி கிடக்கின்றன. இதுகுறித்து, அதிகாரிகள் நடவடிக்கை எடுக்க வேண்டும் என்று பொதுமக்கள் வேண்டுகோள் விடுத்துள்ளனர்.