மாவட்ட செய்திகள்

இண்டூர் அருகே குடிநீர் கேட்டு பொதுமக்கள் சாலைமறியல் + "||" + Near indoor Public road traffic requesting drinking water

இண்டூர் அருகே குடிநீர் கேட்டு பொதுமக்கள் சாலைமறியல்

இண்டூர் அருகே
குடிநீர் கேட்டு பொதுமக்கள் சாலைமறியல்
இண்டூர் அருகே குடிநீர் கேட்டு பொதுமக்கள் சாலைமறியலில் ஈடுபட்டதால் பரபரப்பு ஏற்பட்டது.
பாப்பாரப்பட்டி, 

நல்லம்பள்ளி ஒன்றியம் இண்டூர் அருகே உள்ள கோரப்பள்ளி கிராமத்தில் 100-க்கும் மேற்பட்ட குடும்பத்தினர் வசித்து வருகின்றனர். இப்பகுதியில் ஒகேனக்கல் குடிநீர் இதுவரை வினியோகம் செய்யப்படவில்லை எனக்கூறப்படுகிறது. இதனால் பொதுமக்கள் மிகுந்த சிரமத்திற்கு உள்ளாகி வந்தனர். மேலும் ஆழ்துளை கிணறு மூலம் குடிநீரை பிடித்து பயன்படுத்தி வந்தனர்.

தற்போது போதிய மழை இன்றி நிலத்தடி நீர்மட்டமும் வறண்டு போய் விட்டது. இதன் காரணமாக ஆழ்துளை கிணறும் தண்ணீர் இன்றி உள்ளது. இதனால் இப்பகுதியில் கடந்த சில நாட்களாக குடிநீர் தட்டுப்பாடு ஏற்பட்டுள்ளது. பொதுமக்கள் தண்ணீர் இல்லாமல் மிகுந்த சிரமத்திற்கு உள்ளாகி வருகின்றனர்.

இந்த நிலையில் நேற்று காலையில் பொதுமக்கள் காலிக்குடங்களுடன் அப்பகுதியில் உள்ள தர்மபுரி-பென்னாகரம் சாலைக்கு திரண்டு வந்தனர். பின்னர் அவர்கள் திடீரென குடிநீர் கேட்டு சாலைமறியலில் ஈடுபட்டனர். இதனால் அப்பகுதியில் பரபரப்பு ஏற்பட்டது. இதுகுறித்து தகவல் அறிந்த இண்டூர் போலீசார் மற்றும் வட்டார வளர்ச்சி அலுவலர்கள் சம்பவ இடத்திற்கு விரைந்து சென்றனர்.

தொடர்ந்து அவர்கள் மறியலில் ஈடுபட்டவர்களிடம் பேச்சுவார்த்தை நடத்தினர். அப்போது சீராக குடிநீர் வினியோகம் செய்ய உரிய நடவடிக்கை எடுப்பதாக அதிகாரிகள் உறுதியளித்தனர். இதில் சமாதானம் அடைந்த பொதுமக்கள் மறியலை கைவிட்டு அங்கிருந்து கலைந்து சென்றனர். இந்த சாலை மறியல் காரணமாக அப்பகுதியில் ½ மணி நேரம் போக்குவரத்து பாதிக்கப்பட்டது.

தொடர்புடைய செய்திகள்

1. அந்தியூர் அருகே குடிநீர் வசதி கேட்டு காலிக்குடங்களுடன் பொதுமக்கள் சாலைமறியல் போக்குவரத்து பாதிப்பு
அந்தியூர் அருகே குடிநீர் வசதி கேட்டு பொதுமக்கள் காலிக்குடங்களுடன் சாலைமறியலில் ஈடுபட்டனர். இதனால் போக்குவரத்து பாதிக்கப்பட்டது.
2. நாட்டறம்பள்ளி அருகே கார் மோதி நூல் வியாபாரி சாவு மேம்பாலம் அமைக்கக்கோரி பொதுமக்கள் சாலைமறியல்
நாட்டறம்பள்ளி அருகே கார் மோதி நூல் வியாபாரி பரிதாபமாக இறந்தார். அந்த பகுதியில் மேம்பாலம் அமைக்கக்கோரி பொதுமக்கள் சாலை மறியலில் ஈடுபட்டனர்.
3. குடியிருப்பு பகுதியில்: திடக்கழிவு மேலாண்மை திட்டத்தை கைவிடக்கோரி பொதுமக்கள் மறியல்
குடியிருப்பு பகுதியில் திடக்கழிவு மேலாண்மை திட்டத்தை கைவிடக்கோரி பொதுமக்கள் சாலைமறியலில் ஈடுபட்டனர்.
4. திருவாரூர் மாவட்டத்தில்: கஜா புயல் பாதிப்பு குறித்து மத்திய குழுவினர் ஆய்வு - பொதுமக்கள் சாலை மறியல் போராட்டத்தில் ஈடுபட்டதால் பரபரப்பு
திருவாரூர் மாவட்டத்தில் கஜா புயலால் பாதிக்கப்பட்ட பகுதிகளில் மத்திய குழுவினர் நேற்று ஆய்வு செய்தனர். அப்போது பொதுமக்கள் சாலைமறியல் போராட்டத்தில் ஈடுபட்டதால் பெரும் பரபரப்பு ஏற்பட்டது.
5. நிவாரணம் வழங்குவதில் பாரபட்சம்: கொட்டும் மழையில் பொதுமக்கள் சாலைமறியல்
திருவாரூர் அருகே நிவாரணம் வழங்குவதில் பாரபட்சம் நடப்பதாக கூறி கொட்டும் மழையில் பொதுமக்கள் சாலைமறியல் போராட்டத்தில் ஈடுபட்டனர்.