மாவட்ட செய்திகள்

பண்ருட்டி அருகே மோட்டார் சைக்கிள் மீது லாரி மோதி புதுப்பெண் சாவு கணவர் உள்பட 3 பேருக்கு தீவிர சிகிச்சை + "||" + New girl killed in trucks crash on motorcycle

பண்ருட்டி அருகே மோட்டார் சைக்கிள் மீது லாரி மோதி புதுப்பெண் சாவு கணவர் உள்பட 3 பேருக்கு தீவிர சிகிச்சை

பண்ருட்டி அருகே மோட்டார் சைக்கிள் மீது லாரி மோதி புதுப்பெண் சாவு கணவர் உள்பட 3 பேருக்கு தீவிர சிகிச்சை
பண்ருட்டி அருகே மோட்டார் சைக்கிள் மீது லாரி மோதியதில் புதுப்பெண் உயிரிழந்தார். மேலும் கணவர் உள்பட 3 பேருக்கு டாக்டர்கள் தீவிர சிகிச்சை அளித்து வருகின்றனர்.

பண்ருட்டி,

கடலூர் கோண்டூரை சேர்ந்தவர் அன்பு. கூலி தொழிலாளி. இவரது மனைவி கோமதி (வயது 23). இவர்களுக்கு திருமணமாகி 3 மாதங்கள் ஆகிறது. இந்த நிலையில் நேற்று முன்தினம் ஆற்றுதிருவிழா நடைபெற்றது. இதில் கலந்துகொள்வதற்காக கோமதி, தனது கணவருடன் பண்ருட்டி அருகே மாளிகம்பட்டில் உள்ள தனது தந்தை கிருஷ்ணமூர்த்தி வீட்டுக்கு சென்றார்.

பின்னர் அங்கிருந்து ஒரு மோட்டார் சைக்கிளில் அன்பு, கோமதி, மற்றும் கோமதியின் தங்கைகள் வெண்ணிலா(19), பார்வதி(15) ஆகியோர் கண்டரக்கோட்டையில் உள்ள தென்பெண்ணை ஆற்றில் நடந்த விழாவில் கலந்து கொள்ள சென்றனர்.

அப்போது பண்ருட்டி பணிக்கன்குப்பத்தில் வட்டார போக்குவரத்து அலுவலகத்தின் அருகே இவர்கள் சென்று கொண்டிருந்தனர். அப்போது பின்னால் வந்த லாரி எதிர்பாராத விதமாக அன்பு ஓட்டி சென்ற மோட்டார் சைக்கிள் மீது மோதியது.

இதில் 4 பேரும் படுகாயமடைந்தனர். உடன் அங்கிருந்தவர்கள் அவர்களை மீட்டு சிகிச்சைக்காக பண்ருட்டி அரசு மருத்துவமனைக்கு அனுப்பி வைத்தனர். அங்கு டாக்டர்கள் உரிய சிகிச்சை அளித்தனர். பின்னர் அங்கிருந்து மேல் சிகிச்சைக்காக புதுச்சேரி ஜிப்மர் மருத்துவமனைக்கு கொண்டு செல்லப்பட்டனர். அங்கு சிகிச்சை பலனளிக்காமல் கோமதி பரிதாபமாக உயிரிழந்தார். அன்பு, வெண்ணிலா, பார்வதி ஆகியோருக்கு டாக்டர்கள் தீவிர சிகிச்சை அளித்து வருகின்றனர்.

இதுகுறித்த புகாரின் பேரில் காடாம்புலியூர் போலீசார் வழக்குப்பதிவு செய்து விசாரித்து வருகின்றனர். திருமணமான 3 மாதங்களில் புதுப்பெண் உயிரிழந்த சம்பவம் அப்பகுதியில் சோகத்தை ஏற்படுத்தி இருக்கிறது.


தொடர்புடைய செய்திகள்

1. தாராபுரத்தில் நான்கு வழிச்சாலை திட்டப்பணியின் போது மின்கம்பம் முறிந்து விழுந்து ஒப்பந்த ஊழியர் பலி
தாராபுரத்தில் நான்கு வழிச்சாலை திட்டப்பணியின் போது மின்கம்பம் முறிந்துவிழுந்து ஒப்பந்த ஊழியர் பலியானார். மற்றொரு ஊழியர் படுகாயம் அடைந்தார்.
2. தத்தெடுத்து வளர்த்த சிறுவன் தவறி விழுந்து சாவு; நண்பர்களுடன் விளையாடிய போது சோகம்
தத்தெடுத்து வளர்க்கப்பட்ட சிறுவன் நண்பர்களுடன் விளையாடிய போது, தவறி விழுந்து பரிதாபமாக இறந்தான்.
3. வேப்பூர் அருகே கிணற்றில் மூழ்கி மாணவர் சாவு; நண்பர்களுடன் குளித்த போது சோகம்
வேப்பூர் அருகே நண்பர்களுடன் குளித்த போது கிணற்றில் மூழ்கி மாணவர் பரிதாபமாக இறந்தார்.
4. திருப்போரூர் அருகே லாரி மோதி சிறுவன் பலி; தந்தை கண் எதிரே பரிதாபம்
திருப்போரூர் அருகே தந்தை கண்எதிரே மோட்டார் சைக்கிள் மீது டிப்பர் லாரி மோதி 13 வயது சிறுவன் பலியானான்.
5. தாறுமாறாக ஓடிய தண்ணீர் லாரி பஸ் நிறுத்தத்துக்குள் புகுந்தது; பெண் பலி
சென்னை நெற்குன்றத்தில் தாறுமாறாக ஓடிய தண்ணீர் லாரி பஸ் நிறுத்தத்துக்குள் புகுந்தது. இதில் பெண் பலியானார். 3 பேர் படுகாயம் அடைந்தனர்.

அதிகம் வாசிக்கப்பட்டவை