மாவட்ட செய்திகள்

பெரம்பலூர் சட்டமன்ற தொகுதியில் வாக்குச்சாவடிகளுக்கு தேவையான பொருட்கள் தயார் + "||" + Prepare the necessary items for the polling booth at the Perambalur assembly constituency

பெரம்பலூர் சட்டமன்ற தொகுதியில் வாக்குச்சாவடிகளுக்கு தேவையான பொருட்கள் தயார்

பெரம்பலூர் சட்டமன்ற தொகுதியில் வாக்குச்சாவடிகளுக்கு தேவையான பொருட்கள் தயார்
பெரம்பலூர் சட்டமன்ற தொகுதியில் உள்ள வாக்குச்சாவடிளுக்கு தேவையான 38 வகையான பொருட்கள் தயார் நிலையில் உள்ளது.
பெரம்பலூர்,

தமிழகத்தில் நாடாளுமன்ற பொதுத்தேர்தல் நாளை (வியாழக்கிழமை) நடைபெறவுள்ளது. பெரம்பலூர் நாடாளுமன்ற தொகுதிக்கு உட்பட்ட பெரம்பலூர் (தனி) சட்டமன்ற தொகுதியில் உள்ள 332 வாக்குச்சாவடிகளுக்கு தேர்தல் நாளன்று அலுவலர்கள் பயன்படுத்த தேவையான வாக்காளர் பட்டியல், பூத் சிலீப், பேனா, பென்சில், வாக்குப்பதிவு எந்திரம், வாக்குப்பதிவினை உறுதி செய்யும் எந்திரத்தை மறைக்க பயன்படுத்தக்கூடிய அட்டைகள், அதனை சீல் வைக்க பயன்படுத்தப்படும் துணிகள், மெழுகுவர்த்திகள், ஓட்டு போடும் வாக்காளர்களுக்கு விரலில் வைக்கப்படும் அடையாள மை உள்ளிட்ட 38 வகையான பொருட்கள் தேர்தல் ஆணையத்தால் அனுப்பி வைக்கப்பட்டிருந்தது. அதனை ஒவ்வொரு வாக்குச்சாவடிக்கும் பிரிக்கும் பணியில் அலுவலர்கள் ஈடுபட்டிருந்தனர். தற்போது அந்த 38 வகையான பொருட்கள் பிரிக்கப்பட்டு ஒவ்வொரு வாக்குச்சாவடிக்கும் தனித்தனி பையில் போடப்பட்டு, வாக்குச்சாவடிக்கு அனுப்புவதற்கு தயார் நிலையில் பெரம்பலூர் வருவாய் கோட்டாட்சியர் அலுவலகத்தில் வரிசையாக வைக்கப்பட்டுள்ளது. இன்று (புதன்கிழமை) மேற்கண்ட 38 வகையான பொருட்களும் அந்தந்த வாக் குச்சாவடிகளுக்கு கொண்டு செல்லப்படுவதாக தேர்தல் அலுவலர்கள் தெரி வித்தனர்.


துப்பாக்கி ஏந்திய போலீசார் பாதுகாப்பு

பெரம்பலூர் வருவாய் கோட்டாட்சியர் அலுவலகத்தில் பெரம்பலூர் நாடாளுமன்ற தொகுதிக்கு உட்பட்ட பெரம்பலூர் சட்டமன்ற தொகுதியில் உள்ள 332 வாக்குச்சாவடிகளில் தேர்தல் அன்று பயன்படுத்தக்கூடிய மின்னணு வாக்குப்பதிவு எந்திரத்தில் வேட்பாளர்களின் பெயர், புகைப்படம், சின்னம் அடங்கிய பேலட் பேப்பர் ஒட்டப்பட்டும், வாக்கினை உறுதி செய்யும் எந்திரங்கள் தனி அறையில் பாதுகாப்புடன் வைக்கப்பட்டு ‘சீல்‘ வைக்கப்பட்டுள்ளது. அந்த அறைக்கு துப்பாக்கி ஏந்திய போலீசார் சுழற்சி முறையில் 24 மணி நேரமும் பணியில் ஈடுபட்டு வருகின்றனர். இன்று இந்த வாக்குப்பதிவு எந்திரங்கள் ஒதுக்கப்பட்டுள்ள வாக்குச்சாவடிகளுக்கு போலீஸ் பாதுகாப்புடன் எடுத்து செல்லப்படவுள்ளது.

தொடர்புடைய செய்திகள்

1. சுவாமிமலை சமுதாய கூடத்தில் வைத்திருந்த ரூ.5 லட்சம் விலையில்லா மிக்சி, கிரைண்டர், மின்விசிறிகள் எரிந்து நாசம்
சுவாமிமலை சமுதாய கூடத்தில் பொதுமக்களுக்கு வழங்காமல் வைத்திருந்த விலையில்லா மிக்சி, கிரைண்டர், மின்விசிறிகள் ஆகியவை தீயில் எரிந்து நாசம் அடைந்தது. இது குறித்து போலீசார் விசாரணை நடத்தி வருகிறார்கள்.
2. கம்பத்தில் ரேஷன் கடையில் பொருட்கள் வழங்காததை கண்டித்து மறியல்
கம்பத்தில் ரேஷன் கடையில் பொருட்கள் வழங்காததை கண்டித்து பொதுமக்கள் சாலை மறியலில் ஈடுபட்டனர்.
3. மணக்கால் அய்யம்பேட்டை அரசு பள்ளிக்கு ரூ.1 லட்சம் கல்வி சீர்வரிசை பொருட்கள் கிராம மக்கள் வழங்கினர்
மணக்கால் அய்யம்பேட்டை அரசு பள்ளிக்கு ரூ.1 லட்சம் கல்வி சீர்வரிசை பொருட்களை கிராம மக்கள் வழங்கினர்.
4. திருப்பூரில் புகையிலை பொருட்கள் விற்ற 5 பேர் கைது
திருப்பூரில் புகையிலை பொருட்கள் விற்ற 5 பேரை போலீசார் கைது செய்தனர்.
5. கும்பகோணத்தில் 3 டன் பிளாஸ்டிக் பொருட்கள் பறிமுதல் ரூ.1½ லட்சம் அபராதம்
கும்பகோணத்தில் 3 டன் பிளாஸ்டிக் பொருட்களை நகராட்சி அதிகாரிகள் பறிமுதல் செய்தனர். பிளாஸ்டிக் பொருட்களை விற்பனை செய்தவர்களிடம் இருந்து ரூ.1½ லட்சம் அபராதம் வசூலிக்கப்பட்டது.