பெரம்பலூர் மாவட்டத்தில் 30 பள்ளிகள் 100 சதவீதம் தேர்ச்சி

இவ்வாறு அதில் கூறப்பட் டிருந்தது.

கடந்த ஆண்டு பிளஸ்-2 அரசு பொதுத்தேர்வில் மாநில அளவிலான தேர்ச்சி தரவரிசை பட்டியலில் பெரம்பலூர் மாவட்டம் 12-வது இடத்தை பிடித்திருந்தது. கடந்த ஆண்டு தேர்ச்சி சதவீதம் 94.10 ஆகும். கடந்த ஆண்டை விட நடப்பு ஆண்டு 1.5 சதவீதம் அதிகரித்து இந்த ஆண்டு 95.15 சதவீதம் பெற்றுள்ளது. இதனால் தற்போது மாநில அளவில் 9 இடம் முன்னேறி பெரம்பலூர் மாவட்டம் மாநில அளவில் 3-வது இடத்தை பிடித்துள்ளது. 12-வது இடத்தில் இருந்து 3-வது இடத்திற்கு முன்னேறியதற்காக மாணவர்களையும் அரும்பணியாற்றிய மாவட்ட முதன்மை கல்வி அதிகாரியையும், பள்ளிக்கல்வித்துறை அதிகாரிகளையும், பள்ளி ஆசிரியர்களையும் பொதுமக்கள் வெகுவாக பாராட்டி வருவதோடு மட்டுமின்றி சமூக வலைத்தளங்களில் வாழ்த்துகள் கூறி பகிர்ந்து வருகின்றனர்.

கடந்த ஆண்டு பெரம்பலூர் மாவட்டத்தில் 4 அரசு பள்ளிகளும், 1 அரசு உதவி பெறும் பள்ளியும், 7 சுயநிதி பள்ளிகளும், 12 மெட்ரிக் பள்ளிகளும் என மொத்தம் 24 பள்ளிகள் 100 சதவீதம் தேர்ச்சி பெற்றிருந்தன. ஆனால் இந்த ஆண்டு 6 பள்ளிகள் அதிகரித்து மொத்தம் 30 பள்ளிகள் 100 சதவீதம் தேர்ச்சி பெற்றுள்ளன என்பது குறிப்பிடத்தக்கது.

பெரம்பலூர் மாவட்டத்தில் வேதியியல், கணக்கு பதிவியியல், உயிரியியல் ஆகிய பாடங்களில் தலா 2 பேர், கணக்கு பதிவியியல் மற்றும் தணிக்கையியலில் 10 பேர், கணினி அறிவியல், தாவரவியல் ஆகிய பாடங்களில் தலா ஒருவரும் என மொத்தம் 18 மாணவ-மாணவிகள் 100-க்கு 100 மதிப்பெண்கள் பெற்றுள்ளனர். இதில் பெரம்பலூர் அரசினர் மேல்நிலைப்பள்ளி வேதியியல் பாடத்தில் ஒரு மாணவியும், கணக்கு பதிவியியல் பாடத்தில் ஒரு மாணவரும் 100-க்கு, 100 மதிப்பெண்களை பெற்றுள்ளனர். ஆனால் கணிதம், வணிகவியல் ஆகிய பாடங்களில் யாரும் 100-க்கு, 100 மதிப்பெண்களை பெறவில்லை என்பது குறிப்பிடத்தக்கது. காரணம் அந்த பாடங்களுக்கான வினாத்தாள் கடினமாக கேட்கப்பட்டிருந்ததால் மாணவர்களால் முழு மதிப்பெண்களை பெறமுடியவில்லை என்று அந்த பாடங்களுக்கான ஆசிரியர்கள் தெரிவித்தனர்.

பெரம்பலூர் மாவட்டத்தில் அரசுப்பள்ளி மாணவ-மாணவிகளுக்காக நடத்தப்பட்ட சூப்பர்-30 என்ற சிறப்பு வகுப்பில் பயின்ற 67 மாணவ-மாணவிகள் அனைவரும் தேர்ச்சி பெற்றுள்ளனர். இவர்களில் 10 பேர் 500-க்கு மேல் மதிப்பெண்களை பெற்றுள்ளனர்.

மாற்றுத்திறனாளிகளில் கண்பார்வை குறைபாடுடையவர்கள் 4 பேரும், உடல் ஊனமுற்ற மாற்றுத்திறனாளிகள் 9 பேரும் தேர்வு எழுதினர். அவர்கள் அனைவரும் தேர்ச்சி பெற்றனர். காதுகேளாதோர் மற்றும் வாய் பேசாதோர் 2 பேர் தேர்வு எழுதியதில், ஒருவர் தேர்ச்சி பெற்றார். இதர வகை மாற்றத்திறனாளிகள் 12 பேரில் 11 பேர் தேர்ச்சி பெற்றுள்ளனர்.