மாவட்ட செய்திகள்

8 வழிச்சாலைக்கு எதிராக விவசாயிகள் கருப்பு கொடியுடன் ஆர்ப்பாட்டம் - சேலம் அருகே பரபரப்பு + "||" + 8 against the road Farmers demonstrated with black flag

8 வழிச்சாலைக்கு எதிராக விவசாயிகள் கருப்பு கொடியுடன் ஆர்ப்பாட்டம் - சேலம் அருகே பரபரப்பு

8 வழிச்சாலைக்கு எதிராக விவசாயிகள் கருப்பு கொடியுடன் ஆர்ப்பாட்டம் - சேலம் அருகே பரபரப்பு
சேலம் அருகே 8 வழிச்சாலைக்கு எதிராக விவசாயிகள் கருப்பு கொடியுடன் ஆர்ப்பாட்டம் நடத்தியதால் பரபரப்பு ஏற்பட்டது.
அயோத்தியாப்பட்டணம்,

சேலம் - சென்னை இடையே ரூ.10 ஆயிரம் கோடி செலவில் 8 வழிச்சாலை அமைக்க அரசு நடவடிக்கை எடுத்தது. சேலம், தர்மபுரி, கிருஷ்ணகிரி, திருவண்ணாமலை, காஞ்சீபுரம் உள்ளிட்ட மாவட்டங்கள் வழியாக இந்த சாலை அமைகிறது. இதற்காக நிலம் கையகப்படுத்தும் பணி தொடங்கியது. இதையொட்டி கல் நடும் பணியும் நடைபெற்றது.

இதைத்தொடர்ந்து 8 வழிச்சாலைக்கு எதிராக போராட்டம் நடைபெற்று வருகிறது. 8 வழிச்சாலையால் விவசாய நிலங்கள் பாதிக்கப்படுவதாக கூறி விவசாயிகள் மற்றும் பல்வேறு அமைப்பினர் இந்த போராட்டத்தை நடத்தி வருகிறார்கள்.

இந்தநிலையில் நேற்று முன்தினம் சேலம் விமான நிலையத்தில் முதல்-அமைச்சர் எடப்பாடி பழனிசாமி நிருபர்களுக்கு பேட்டி அளித்தபோது, 8 வழிச்சாலைக்கு 7 சதவீதம் பேர் தான் எதிர்ப்பு தெரிவிக்கிறார்கள், என்றார்.

இதை கண்டித்தும், 8 வழிச்சாலைக்கு எதிராகவும் நேற்று காலை சேலம் மாவட்டம் அயோத்தியாப்பட்டணம் அருகே ராமலிங்கபுரத்தில் உள்ள ஒரு தோட்டத்தில் விவசாயிகள் மற்றும் பெண்கள் கருப்பு கொடியுடன் ஆர்ப்பாட்டம் நடத்தினார்கள். அப்போது கோரிக்கைகளை வலியுறுத்தி கோஷம் எழுப்பினார்கள். முதல்-அமைச்சர் எடப்பாடி பழனிசாமி பேசியது கோர்ட்டு அவமதிப்பு ஆகும். எனவே முதல்-அமைச்சர் பதவி விலக வேண்டும், இந்த 8 வழிச்சாலையை ஏற்கனவே உள்ள சேலம்-ஊத்தங்கரை சாலையில் அமைக்க வேண்டும், என்றனர்.

இதுபற்றி விவசாயிகள் கூறும்போது, விவசாயிகள் உற்பத்தி செய்யும் பொருட்களை மக்கள் உணவாக உட்கொள்கிறார்கள். விவசாயிகளுக்கு தேவையான அடிப்படை வசதிகளை செய்து கொடுக்காமல் 8 வழிச்சாலையை அமைத்தே தீருவோம் என்று அரசு கூறி வருகிறது. நீதிமன்ற தீர்ப்பை அரசு செயல்படுத்த வேண்டும். நிலத்தை கையகப்படுத்துவதால் விவசாயிகள் வாழ்வாதாரம் பறிக்கப்படுகிறது. வீட்டுக்கு ஒரு மரம் வளர்ப்போம் என்று அரசு கூறுகிறது. ஆனால் 8 வழிச்சாலையால் ஆயிரக்கணக்கான மரங்கள் அழிக்கப்படுகின்றன. எனவே இந்த திட்டத்தை கைவிட வேண்டும், என்றனர்.

விவசாயிகளின் இந்த போராட்டத்தால் அந்த பகுதியில் பரபரப்பு ஏற்பட்டது. 

தொடர்புடைய செய்திகள்

1. செஞ்சியில் தூக்கு கயிறுடன் திருவோடு ஏந்தி விவசாயிகள் ஆர்ப்பாட்டம் பயிர் கடனை தள்ளுபடி செய்ய கோரிக்கை
பயிர் கடனை தள்ளுபடி செய்ய கோரி செஞ்சியில் தூக்கு கயிறுடன் திருவோடு ஏந்தி விவசாயிகள் ஆர்ப்பாட்டத்தில் ஈடுபட்டனர்.
2. தடுப்பணையை சீரமைக்கக்கோரி விருத்தாசலம் வனத்துறை அலுவலகம் முன்பு விவசாயிகள் ஆர்ப்பாட்டம்
தடுப்பணையை சீரமைக்கக்கோரி விருத்தாசலம் வனத்துறை அலுவலகம் முன்பு விவசாயிகள் ஆர்ப்பாட்டத்தில் ஈடுபட்டனர்.
3. காவிரியில் தண்ணீர் திறந்து விடக்கோரி, ஆற்றுக்குள் இறங்கி விவசாயிகள் ஆர்ப்பாட்டம்
காவிரியில் தண்ணீர் திறந்து விடக்கோரி திருவாரூர் மாவட்டத்தில் ஆற்றுக்குள் இறங்கி விவசாயிகள் ஆர்ப்பாட்டத்தில் ஈடுபட்டனர்.
4. சேலத்தில் 8 வழிச்சாலை திட்டத்துக்கு எதிர்ப்பு: கிணற்றில் இறங்கி விவசாயிகள் ஆர்ப்பாட்டம்
சேலத்தில் 8 வழிச்சாலை திட்டத்துக்கு எதிர்ப்பு தெரிவித்து கிணற்றில் இறங்கி விவசாயிகள் ஆர்ப்பாட்டம் நடத்தினார்கள். மற்றொரு இடத்திலும் கருப்புக்கொடியுடன் போராட்டம் நடத்தினார்கள்.
5. சேலம் அருகே, 8 வழிச்சாலைக்கு எதிராக மண்பானைகளை கைகளில் ஏந்தி விவசாயிகள் ஆர்ப்பாட்டம்
சேலம் அருகே 8 வழிச்சாலை திட்டத்திற்கு எதிராக மண்பானைகளை கைகளில் ஏந்தி விவசாயிகள் ஆர்ப்பாட்டம் செய்தனர்.