மாவட்ட செய்திகள்

தொழில்நுட்ப கோளாறு: மதுரை–சிங்கப்பூர் விமானம் 16 மணி நேரம் தாமதம் + "||" + Technical disadvantage: Madurai - Singapore flight 16 hours late

தொழில்நுட்ப கோளாறு: மதுரை–சிங்கப்பூர் விமானம் 16 மணி நேரம் தாமதம்

தொழில்நுட்ப கோளாறு: மதுரை–சிங்கப்பூர் விமானம் 16 மணி நேரம் தாமதம்
தொழில்நுட்ப கோளாறு காரணமாக மதுரை–சிங்கப்பூர் விமானம் 16 மணி நேரம் தாமதமாக புறப்பட்டு சென்றது.

மதுரை,

மதுரை விமான நிலையத்தில் இருந்து சிங்கப்பூருக்கு, வாரத்தின் அனைத்து நாட்களிலும் விமானம் செல்கிறது. திங்கள், புதன், வெள்ளி, ஞாயிறு ஆகிய தினங்களில் இரவு 11.30 மணிக்கும், செவ்வாய், வியாழன், சனி ஆகிய நாட்களில் மதியம் 12.15 மணிக்கும் சிங்கப்பூருக்கு விமானம் செல்கிறது.

இந்தநிலையில், நேற்றுமுன்தினம் இரவு 11.30 மணிக்கு ஏர்இந்தியா எக்ஸ்பிரஸ் விமானம் சிங்கப்பூர் செல்வதற்கு தயாராக இருந்தது. அதில், 163 பயணிகள் பயணம் செய்ய தயாராக இருந்தனர். அப்போது அந்த விமானத்தில் தொழில்நுட்ப கோளாறு ஏற்பட்டதாக தெரிகிறது.

இதனை தொடர்ந்து அதில் உள்ள பயணிகள் அனைவரும் மதுரை விமான நிலையத்திலேயே தங்க வைக்கப்பட்டனர். அதன்பின்னர், விமானத்தில் ஏற்பட்ட கோளாறை சரி செய்ய விமான நிலைய ஊழியர்கள் வந்தனர். நீண்ட நேர போராட்டத்திற்கு பின்னர், விமானத்தில் ஏற்பட்ட கோளாறு சரி செய்யப்பட்டது.

இதற்கிடையே, விமான நிலையத்தில் தங்கி இருந்த பயணிகளுக்கு காலை மற்றும் மதிய உணவு கொடுக்கப்பட்டது. ஒரு சில பயணிகள் மாற்று விமானங்கள் மூலம் சென்னை சென்று, அங்கிருந்து சிங்கப்பூர் புறப்பட்டு சென்றனர். அந்த விமானம் சுமார் 16 மணி நேர தாமதத்திற்கு பின்னர் நேற்று மதியம் 3.30 மணி அளவில் மதுரை விமான நிலையத்தில் இருந்து சிங்கப்பூர் புறப்பட்டு சென்றது.


தொடர்புடைய செய்திகள்

1. தொழில்நுட்ப கோளாறு: மதுரை–சென்னை விமானம் 6½ மணி நேரம் தாமதம்
உலகம் முழுவதும் ஏர் இந்தியா விமான சேவை தொழில்நுட்ப கோளாறு காரணமாக சுமார் 6 மணி நேரம் முடங்கியது.
2. தொழில்நுட்ப கோளாறால் கடற்படை ஹெலிகாப்டர் கடலில் மூழ்கியது; 3 வீரர்கள் தப்பினர்
தொழில்நுட்ப கோளாறால் கடற்படை ஹெலிகாப்டர் கடலில் மூழ்கியது. அதில் பயணம் செய்த 3 வீரர்கள் தப்பினர்.