மாவட்ட செய்திகள்

ஹைட்ரோ கார்பன் திட்டத்துக்கு கடும் எதிர்ப்பு; கண்டமங்கலம் அருகே ஆய்வுக்கு வந்த அதிகாரிகளை கிராம மக்கள் முற்றுகை + "||" + Opposition to hydrocarbon project Villagers blockade inspecting officers

ஹைட்ரோ கார்பன் திட்டத்துக்கு கடும் எதிர்ப்பு; கண்டமங்கலம் அருகே ஆய்வுக்கு வந்த அதிகாரிகளை கிராம மக்கள் முற்றுகை

ஹைட்ரோ கார்பன் திட்டத்துக்கு கடும் எதிர்ப்பு; கண்டமங்கலம் அருகே ஆய்வுக்கு வந்த அதிகாரிகளை கிராம மக்கள் முற்றுகை
கண்டமங்கலம் அருகே ஹைட்ரோ கார்பன் திட்டத்துக்கு கடும் எதிர்ப்பு தெரிவித்து ஆய்வுப் பணிக்கு வந்த அதிகாரிகளை கிராம மக்கள் திருப்பி அனுப்பினர். இதனால் அங்கு பரபரப்பு ஏற்பட்டது.

கண்டமங்கலம்,

ஹைட்ரோ கார்பன் திட்டத்தை அமல்படுத்தினால் சுற்றுச்சூழல் பாதிக்கும். நிலத்தடி நீர் குறைந்து விவசாய நிலங்கள் அழிந்து போகும் என கூறி இந்த திட்டத்துக்கு பல இடங்களில் எதிர்ப்பு கிளம்பி உள்ளது.

விழுப்புரம் மாவட்டம் கண்டமங்கலம் அருகே சங்கராபரணி ஆற்றின் கரையோரம், புதுச்சேரி மாநிலத்தின் சில பகுதிகளை ஹைட்ரோ கார்பன் திட்டத்தை செயல்படுத்துவதற்காக அடையாளம் காணப்பட்டுள்ளது.

இந்தநிலையில் விழுப்புரம் மாவட்டம் கண்டமங்கலம் ஒன்றியம் வழுதாவூரில் சங்கராபரணி ஆற்றின் கரையோரம் இந்த திட்டத்துக்காக அடையாளம் காணப்பட்ட பகுதியில் ஆய்வு மேற்கொள்ளப்பட்டது. இதற்காக மத்திய அரசால் நியமிக்கப்பட்ட ஓய்வுபெற்ற துணை கலெக்டர் குமாரபாலன் கடந்த 21–ந் தேதி வழுதாவூருக்கு வந்து முகாமிட்டார். அவருடன் மேலும் சில ஊழியர்களும் வந்ததாக தெரிகிறது.

அவர்கள் இங்கு வழுதாவூர் கிராம நிர்வாக அதிகாரி (பொறுப்பு) கலிவரதன், சித்தலம்பட்டு வருவாய் ஆய்வாளர் மூர்த்தி ஆகியோருடன் சங்கராபரணி ஆற்றின் கரையோரம் பரிசோதனைக்காக மண் எடுப்பது குறித்து ஆலோசித்தனர்.

இதுபற்றி தெரியவந்ததால் ஆற்றின் கரையோர பகுதிகளான பக்கிரிப்பாளையம், வழுதாவூர் கிராமங்களை சேர்ந்த மக்கள் ஹைட்ரோ கார்பன் திட்டத்தை அந்த பகுதியில் செயல்படுத்த எதிர்ப்பு தெரிவித்தனர். இந்தநிலையில் நேற்று ஆற்றின் கரையோரம் துளையிட்டு மண் எடுப்பதற்கான உபகரணங்கள் கொண்டு வரப்பட்டன. அதனை அறிந்ததும் கிராம மக்கள் அதிர்ச்சி அடைந்தனர்.

உடனே அவர்கள் ஆற்றின் கரைக்கு சென்று ஹைட்ரோ கார்பன் திட்டத்தை தங்கள் பகுதியில் செயல்படுத்தக் கூடாது என்று கூறி கடும் எதிர்ப்பு தெரிவித்தனர். அதிகாரிகளை முற்றுகையிட்டு வாக்குவாதத்திலும் ஈடுபட்டனர். அதனால் அங்கு பரபரப்பும் பதற்றமும் ஏற்பட்டது.

இதுபற்றி தகவல் கிடைத்ததும் அங்கு கிராம நிர்வாக அதிகாரி கலிவரதன், வருவாய் ஆய்வாளர் மூர்த்தி மற்றும் கண்டமங்கலம் போலீசார் விரைந்து வந்தனர்.

பின்னர் அவர்கள் ஹைட்ரோ கார்பன் திட்ட அதிகாரியை வழுதாவூர் கிராம நிர்வாக அலுவலகத்துக்கு அழைத்துச் சென்றனர். உடனே அங்கும் கிராம மக்களும், விவசாயிகளும் சென்று அலுவலகத்தை முற்றுகையிட்டு ஹைட்ரோ கார்பன் திட்டத்தை செயல்படுத்தக்கூடாது என்று கூறி எதிர்ப்பு தெரிவித்தனர். அதிகாரிகளை சூழ்ந்துகொண்டு கடும் வாக்குவாதம் செய்தனர்.

மக்களின் எதிர்ப்பை தொடர்ந்து பரிசோதனைக்காக மண் எடுக்கும் முயற்சியை அதிகாரி குமாரபாலன் தற்காலிகமாக கைவிட்டார். மேலும் மண் பரிசோதனைக்கான முறையான ஏற்பாடுகளுடன் வருவதாக கூறிவிட்டு திரும்பிச் சென்றார்.


தொடர்புடைய செய்திகள்

1. சென்னையில் இருந்து டெல்லிக்கு விமானத்தில் அனுப்ப முயன்ற பார்சலில் இருந்த துப்பாக்கியால் பரபரப்பு
சென்னையில் இருந்து டெல்லிக்கு விமானத்தில் அனுப்ப முயன்ற பார்சலில் துப்பாக்கி இருந்ததால் பரபரப்பு ஏற்பட்டது.
2. ஈரோடு ரெயில் நிலையத்தில் நிறுத்தப்பட்டு இருந்த நிலக்கரி பெட்டியில் 2-வது நாளாகவும் புகை வந்ததால் பரபரப்பு
ஈரோடு ரெயில் நிலையத்தில் நிறுத்தப்பட்டு இருந்த நிலக்கரி பெட்டியில் 2-வது நாளாகவும் புகை வந்ததால் பரபரப்பு ஏற்பட்டது.
3. அவசரமாக இறங்கிய போது தவறி விழுந்தார்: ரெயிலுக்கும், பிளாட்பாரத்துக்கும் இடையே சிக்கி போராடிய பெண் சுவரை உடைத்து மீட்டதால் பரபரப்பு
அனந்தபுரி எக்ஸ்பிரஸ் ரெயிலில் இருந்து அவசரமாக இறங்கியதால் தவறி விழுந்து ரெயிலுக்கும், பிளாட்பாரத்துக்கும் இடையே சிக்கி போராடிய பெண் உயிருடன் மீட்கப்பட்டார். சுவரை உடைத்து அவரை மீட்டதால் மதுரை ரெயில் நிலையத்தில் பரபரப்பு ஏற்பட்டது.
4. மும்மொழி கொள்கையை வரவேற்கிறேன்: ஓட்டுக்காக இந்தியை எதிர்க்கின்றனர் குன்னம் தொகுதி அ.தி.மு.க. எம்.எல்.ஏ. பரபரப்பு பேச்சு
ஓட்டுக்காக இந்தி மொழியை எதிர்க்கின்றனர் என்றும், மும்மொழி கொள்கையை வரவேற்கிறேன் என்றும் குன்னம் தொகுதி அ.தி.மு.க. எம்.எல்.ஏ. பேசியது பரபரப்பை ஏற்படுத்தியுள்ளது.
5. எம்.எல்.ஏ.வை வரவேற்று வைத்த பேனர் கிழிப்பு: கொல்லங்குடி கோவிலில் சத்தியம் செய்த கிராம மக்களால் பரபரப்பு
எம்.எல்.ஏ.வை வரவேற்று வைத்த பேனர் கிழிக்கப்பட்டது தொடர்பாக தாங்கள் அந்த சம்பவத்தில் ஈடுபடவில்லை என்று கூறி கொல்லங்குடி கோவிலில் கிராம மக்கள் சூடம் ஏற்றி சத்தியம் செய்தது பரபரப்பை ஏற்படுத்தியது.