மாவட்ட செய்திகள்

அரசு பஸ்-ஸ்கூட்டர் மோதல்: தொழிலாளி பலி; நண்பர் படுகாயம் + "||" + Government bus-scooter collision: Worker kills; Friend is hurt

அரசு பஸ்-ஸ்கூட்டர் மோதல்: தொழிலாளி பலி; நண்பர் படுகாயம்

அரசு பஸ்-ஸ்கூட்டர் மோதல்: தொழிலாளி பலி; நண்பர் படுகாயம்
தக்கலை அருகே அரசு பஸ்-ஸ்கூட்டர் மோதி கொண்ட விபத்தில் தொழிலாளி பலியானார். அவருடைய நண்பர் படுகாயம் அடைந்தார்
பத்மநாபபுரம்,

இரணியல் அருகே நெட்டாங்கோடு பகுதியை சேர்ந்தவர் குமார் (வயது 50), தொழிலாளி. இவருக்கு தங்கம் என்ற மனைவியும், 2 மகள்களும் உள்ளனர்.

நேற்று மாலை குமார் ஸ்கூட்டரில் தக்கலைக்கு சென்றார். அப்போது அதே ஊரை சேர்ந்த அவருடைய நண்பர் மணிகண்டன் (49) பின்னால் உட்கார்ந்து பயணம் செய்தார். பின்னர் இருவரும் வீட்டுக்கு திரும்பி கொண்டு இருந்தனர்.


பலி

குமாரகோவில் சந்திப்பில் இருந்து எளுந்தன்கோட்டு கோணம் சாலைக்கு ஸ்கூட்டரை குமார் திருப்பினார். அப்போது நாகர்கோவிலில் இருந்து மார்த்தாண்டம் நோக்கி வந்த அரசு பஸ் மோதியது. மேலும் அந்த பஸ் அருகில் வந்த ஆட்டோ மீதும் உரசியது. இதனால் அந்த ஆட்டோ சாலையோரம் சாய்ந்தபடி நின்றது. அரசு பஸ்சின் கண்ணாடியும் நொறுங்கியது. இந்த விபத்தில் ஸ்கூட்டரில் இருந்த இருவரும் தூக்கி வீசப்பட்டனர். குமார் சம்பவ இடத்திலேயே பலியானார். மணிகண்டன் படுகாயம் அடைந்தார். அதே சமயம் ஆட்டோவில் இருந்த 4 பேரும் அதிர்ஷ்ட வசமாக காயமின்றி உயிர் தப்பினார்கள்.

மணிகண்டனை நாகர்கோவில் ஆசாரிபள்ளத்தில் உள்ள அரசு ஆஸ்பத்திரியில் சேர்த்தனர். அங்கு அவருக்கு தீவிர சிகிச்சை அளிக்கப்படுகிறது.

விசாரணை

இந்த விபத்து பற்றிய தகவல் அறிந்ததும், தக்கலை போலீசார் விரைந்து வந்து, குமாரின் உடலை கைப்பற்றி பிரேத பரிசோதனைக்காக தக்கலை அரசு ஆஸ்பத்திரிக்கு அனுப்பி வைத்தனர்.

இந்த விபத்து குறித்து தக்கலை போலீசார் விசாரணை நடத்தி வருகிறார்கள்.


தொடர்புடைய செய்திகள்

1. வேலூர், திருவண்ணாமலையில் சிகிச்சை பெற்றுவந்த 2 பெண்கள் உள்பட 10 பேர் கொரோனாவுக்கு பலி
வேலூர் மற்றும் திருவண்ணாமலையில் சிகிச்சை பெற்று வந்த 2 பெண்கள் உள்பட 10 பேர் கொரோனாவுக்கு பலியானார்கள்.
2. மேலும் 4 பேர் சாவு: குமரியில் கொரோனாவுக்கு பலி 79 ஆக உயர்வு
குமரி மாவட்டத்தில் மேலும் 4 பேர் இறந்ததை தொடர்ந்து கொரோனாவுக்கு பலியானவர்களின் எண்ணிக்கை 79 ஆக உயர்ந்துள்ளது.
3. மூணாறு நிலச்சரிவில் சிக்கிய தொழிலாளர்களை மீட்க வேண்டும் கயத்தாறில் உறவினர்கள் கதறல்
மூணாறு நிலச்சரிவில் சிக்கிய தொழிலாளர்களை மீட்க வேண்டும் என்று கயத்தாறு உறவினர்கள் கதறி அழுதனர்.
4. தமிழகத்தில் 119 பேர் கொரோனாவால் உயிரிழப்பு சென்னையில் கொரோனா பாதிப்பு ஆயிரத்துக்கும் கீழே வந்தது
தமிழகத்தில் இதுவரை இல்லாத அளவுக்கு நேற்று ஒரே நாளில் 119 பேர் கொரோனா நோய் தொற்றால் உயிரிழந்துள்ளனர். சென்னையில் நேற்று பாதிக்கப்பட்டவர்கள் எண்ணிக்கை ஆயிரத்துக்கும் கீழே குறைந்தது.
5. கர்நாடகத்தில் கொரோனாவுக்கு ஒரே நாளில் 101 பேர் பலி மொத்த பாதிப்பு 1.64 லட்சத்தை தாண்டியது
கர்நாடகத்தில் ஒரே நாளில் கொரோனாவுக்கு 101 பேர் பலியாகி உள்ளனர். மேலும் இதுவரை வைரஸ் பாதித்தவர்களின் எண்ணிக்கை 1.64 லட்சத்தை தாண்டியது.