மாவட்ட செய்திகள்

டி.என்.பி.எஸ்.சி. தேர்வு முறைகேடு: சி.பி.ஐ. விசாரணை தேவை கே.எஸ்.அழகிரி பேட்டி + "||" + TNPSC exam abuse CBI An investigation is needed Interview with KS Alagiri

டி.என்.பி.எஸ்.சி. தேர்வு முறைகேடு: சி.பி.ஐ. விசாரணை தேவை கே.எஸ்.அழகிரி பேட்டி

டி.என்.பி.எஸ்.சி. தேர்வு முறைகேடு: சி.பி.ஐ. விசாரணை தேவை கே.எஸ்.அழகிரி பேட்டி
‘டி.என்.பி.எஸ்.சி. தேர்வு முறைகேடு குறித்து உடனடியாக சி.பி.ஐ. விசாரணை தேவை’, என கே.எஸ்.அழகிரி கூறினார்.
சென்னை,

மகாத்மா காந்தியின் 73-வது நினைவுநாளையொட்டி, சென்னை சத்தியமூர்த்திபவனில் அவரது உருவப்படம் மலர்களால் அலங்கரித்து வைக்கப்பட்டிருந்தது. தமிழக காங்கிரஸ் தலைவர் கே.எஸ்.அழகிரி தலைமையில் எஸ்.சி. பிரிவு தலைவர் கு.செல்வபெருந்தகை, மாவட்ட தலைவர்கள் வீரபாண்டியன், சிவராஜசேகரன், மகிளா காங்கிரஸ் தலைவர் ஜான்சிராணி, ஆர்.டி.ஐ. பிரிவு துணைத் தலைவர் மயிலை தரணி உள்பட ஏராளமானோர் காந்தி உருவப்படத்துக்கு மலர்தூவி அஞ்சலி செலுத்தினர். அதனைத்தொடர்ந்து அனைவரும் தீண்டாமை ஒழிப்பு உறுதிமொழி எடுத்து கொண்டனர்.


அதனைத்தொடர்ந்து கே.எஸ்.அழகிரி நிருபர்களிடம் கூறியதாவது:-

மகாத்மா காந்தியின் கொள்கையை உடைக்கும் நோக்கில், சாதி-மதத்தின் பெயரால் மக்களை பிரிக்க பா.ஜ.க. அரசு செயல்படுகிறது. எனவே மீண்டும் ஒரு சுதந்திர போராட்டத்துக்கு நாம் தயாராக வேண்டும். பா.ஜ.க. அரசுக்கு தக்க பதிலடி தரவேண்டும். டி.என்.பி.எஸ்.சி. தேர்வில் நடந்திருக்கும் முறைகேடு வெட்கக்கேடு ஆகும். இது குறித்து சி.பி.ஐ. விசாரணை தேவை. மாநில அரசு விசாரணை நடத்தக்கூடாது.

‘பாகிஸ்தானை ஒரு வாரத்தில் மண்ணை கவ்வ வைக்க முடியும்’, என்று பிரதமர் மோடி பேசியிருக்கிறார். அரசின் மிக உயரிய பதவியில் இருப்பவர் இப்படி வரம்பு மீறி பேசக்கூடாது. ராஜதந்திர ரீதியில் தவறான இந்த பேச்சு தேவையற்ற பதற்றத்தை உருவாக்கிவிடும். அதற்காக பாகிஸ்தானுக்கு காங்கிரஸ் ஆதரவாக பேசுவதாக கருதக்கூடாது. இவ்வாறு அவர் பேசினார்.

முன்னதாக நேற்று காலை 9.30 மணிக்கு நடைபெற இருந்த காந்தி நினைவஞ்சலி நிகழ்ச்சியில் நிர்வாகிகள் யாரும் வராததால் 1½ மணி நேரம் தாமதமாக தொடங்கியது.

தொடர்புடைய செய்திகள்

1. டி.என்.பி.எஸ்.சி. தேர்வு முறைகேடு வழக்கு: சரண் அடைந்த 4 பேருக்கு போலீஸ் காவல் - எழும்பூர் கோர்ட்டு உத்தரவு
டி.என்.பி.எஸ்.சி. தேர்வு முறைகேடு வழக்கில் சரண் அடைந்த 4 பேரிடம் போலீஸ் காவலில் விசாரணை நடத்துவதற்கு சி.பி.சி.ஐ.டி. போலீசாருக்கு எழும்பூர் கோர்ட்டு அனுமதி வழங்கியது.
2. டி.என்.பி.எஸ்.சி. தேர்வு முறைகேடு: மேலும் ஒரு கிராம நிர்வாக அதிகாரி கைது
டி.என்.பி.எஸ்.சி. தேர்வு முறைகேடு வழக்கில் மேலும் ஒரு கிராம நிர்வாக அதிகாரியை சி.பி.சி.ஐ.டி. போலீசார் கைது செய்துள்ளனர்.
3. டி.என்.பி.எஸ்.சி. தேர்வு முறைகேடு கைதானவர் தி.மு.க. முன்னாள் எம்.எல்.ஏ.வின் கூட்டாளி - அமைச்சர் ஜெயக்குமார் பேட்டி
டி.என்.பி.எஸ்.சி. தேர்வு முறைகேடு கைதானவர் தி.மு.க. முன்னாள் எம்.எல்.ஏ.வின் கூட்டாளி என்று அமைச்சர் ஜெயக்குமார் கூறியுள்ளார்.
4. டி.என்.பி.எஸ்.சி. தேர்வு முறைகேடு வழக்கு: அடுத்து சிக்கப்போகும் முக்கிய புள்ளிகள் யார்? பரபரப்பு தகவல்கள்
டி.என்.பி.எஸ்.சி. தேர்வு முறைகேடு வழக்கு தொடர்பாக போலீஸ்காரர் சித்தாண்டியிடமும், இடைத்தரகர் ஜெயக்குமாரிடம் சி.பி.சி.ஐ.டி. போலீசார் துருவி, துருவி விசாரணை நடத்தி வருகிறார்கள். இந்த வழக்கில் பல முக்கிய புள்ளிகள் சிக்கப்போவதாக பரபரப்பு தகவல்கள் வெளியாகியுள்ளது.
5. டி.என்.பி.எஸ்.சி. தேர்வு முறைகேடுகளில் போலீஸ்காரர் சித்தாண்டி பங்கு என்ன? பரபரப்பு தகவல்கள்
டி.என்.பி.எஸ்.சி. தேர்வு முறைகேடுகளில் போலீஸ்காரர் சித்தாண்டியின் பங்கு என்ன? என்பது தொடர்பாக பரபரப்பு தகவல்கள் தெரியவந்துள்ளன.

அதிகம் வாசிக்கப்பட்டவை