மாவட்ட செய்திகள்

4 சட்டமன்ற தொகுதிகளுக்கான இறுதி வாக்காளர் பட்டியல் - கலெக்டர் வீரராகவராவ் வெளியிட்டார் + "||" + The final voter list for the 4 Assembly constituencies - Collector Varavaravara has been released

4 சட்டமன்ற தொகுதிகளுக்கான இறுதி வாக்காளர் பட்டியல் - கலெக்டர் வீரராகவராவ் வெளியிட்டார்

4 சட்டமன்ற தொகுதிகளுக்கான இறுதி வாக்காளர் பட்டியல் - கலெக்டர் வீரராகவராவ் வெளியிட்டார்
மாவட்டத்தில் உள்ள 4 சட்டமன்ற தொகுதி களுக்கான இறுதி வாக்காளர் பட்டியலை கலெக்டர் வெளியிட்டார்.
ராமநாதபுரம்,

பரமக்குடி, ராமநாதபுரம், முதுகுளத்தூர், திருவாடானை ஆகிய 4 சட்டமன்ற தொகுதிகளுக்கான இறுதி வாக்காளர் பட்டியல் வெளியிடப்பட்டது. இதை கலெக்டர் வீரராகவராவ் நேற்று அங்கீகரிக்கப்பட்ட அரசியல் கட்சிகளின் பிரதிநிதிகள் முன்னிலையில் வெளியிட்டார்.

அப்போது அவர் கூறியதாவது:- தற்போது வெளியிடப்பட்டுள்ள இறுதி வாக்காளர் பட்டியலில் ராமநாதபுரம் மாவட்டத்தில் உள்ள நான்கு சட்டமன்ற தொகுதிகளிலும் உள்ள 1,369 பாகத்தில் 5 லட்சத்து 67 ஆயிரத்து 307 ஆண் வாக்காளர்களும், 5 லட்சத்து 69 ஆயிரத்து 193 பெண் வாக்காளர்களும், 69 மூன்றாம் பாலினத்தை சேர்ந்தவர்களும் என மொத்தம் 11 லட்சத்து 36 ஆயிரத்து 569 வாக்காளர்கள் உள்ளனர்.

கடந்த 23.12.2019 அன்று வெளியிடப்பட்ட வரைவு வாக்காளர் பட்டியலின்படி நான்கு சட்டமன்ற தொகுதிகளிலும் 5 லட்சத்து 59 ஆயிரத்து 421 ஆண் வாக்காளர்களும், 5 லட்சத்து 60 ஆயிரத்து 959 பெண் வாக்காளர்களும், 70 மூன்றாம் பாலினத்தை சேர்ந்தவர்களும் என மொத்தம் 11 லட்சத்து 20 ஆயிரத்து 450 பேர் வாக்காளர் பட்டியலில் இடம் பெற்றிருந்தனர். 23.12.2019 முதல் 22.01.2020 வரை பெறப்பட்ட மனுக்களின் அடிப்படையில் 8 ஆயிரத்து 848 ஆண் வாக்காளர்களும், 9 ஆயிரத்து 252 பெண் வாக்காளர்களும், 1 மூன்றாம் பாலின வாக்காளர்களும் என மொத்தம் 18 ஆயிரத்து 101 பேர் வாக்காளர் பட்டியலில் சேர்க்கப்பட்டுள்ளனர். இதேபோல 962 ஆண்கள், 1018 பெண்கள், 2 மூன்றாம் பாலினத்தவர்கள் என மொத்தம் 1,982 வாக்காளர்கள் நீக்கம் செய்யப்பட்டுள்ளனர்.

இந்த இறுதி வாக்காளர் பட்டியல் வாக்குப்பதிவு அதிகாரிகளின் அலுவலகங்களான வருவாய் கோட்டாட்சியர் மற்றும் துணை கலெக்டர் அலுவலகங்களிலும், உதவி வாக்குப்பதிவு அதிகாரிகளின் அலுவலகங்களான தாசில்தார் மற்றும் நகராட்சி ஆணையாளர் அலுவலகங்களிலும், வாக்குச்சாவடி அமைவிடங்களிலும் பொதுமக்களின் பார்வைக்கு வைக்கப்பட்டுள்ளது.

பொதுமக்கள் இந்த இறுதி வாக்காளர் பட்டியலை பார்வையிட்டு தங்களது விவரங்களை அறிந்து கொள்ளலாம். இவ்வாறு அவர் கூறினார். நிகழ்ச்சியில் ராமநாதபுரம் துணை கலெக்டர் சுகபுத்ரா, பரமக்குடி வருவாய் கோட்டாட்சியர் தங்கவேல், கலெக்டரின் நேர்முக உதவியாளர் கோபு மற்றும் அரசு அலுவலர்கள், அங்கீகரிக்கப்பட்ட அரசியல் கட்சிகளின் பிரதிநிதிகள் உடனிருந்தனர்.

தொடர்புடைய செய்திகள்

1. தொழில் திறன் போட்டியில் வெற்றி பெற்றவர்களுக்கு சான்றிதழ் - கலெக்டர் வழங்கினார்
ராமநாதபுரத்தில் நடைபெற்ற மாவட்ட அளவிலான தொழில்திறன் போட்டியில் வெற்றி பெற்றவர்களுக்கு கலெக்டர் வீரராகவராவ் சான்றிதழ்களை வழங்கினார்.
2. போலியோ சொட்டு மருந்து முகாம் - கலெக்டர் தொடங்கி வைத்தார்
ராமநாதபுரத்தில் குழந்தைகளுக்கு போலியோ சொட்டு மருந்து வழங்கும் முகாமை கலெக்டர் வீரராகவராவ் தொடங்கி வைத்தார்.
3. வாக்குப்பெட்டிகள் வைக்கப்பட்டுள்ள அறைகளுக்கு 24 மணி நேரமும் துப்பாக்கி ஏந்திய போலீஸ் பாதுகாப்பு - கலெக்டர் தகவல்
உள்ளாட்சி தேர்தலில் முதல்கட்ட வாக்குப்பதிவு நடைபெற்று வாக்குப்பெட்டிகள் வைக்கப்பட்டுள்ள அறைகளுக்கு 24 மணி நேர துப்பாக்கி ஏந்திய போலீஸ் பாதுகாப்பு போடப்பட்டுள்ளதாக கலெக்டர் வீரராகவராவ் கூறினார்.
4. உள்ளாட்சி தேர்தலை முன்னிட்டு மண்டலக்குழு அலுவலர்களுக்கான வாகனங்கள் - கலெக்டர் தொடங்கி வைத்தார்
மாவட்டத்தில் ஊரக உள்ளாட்சி தேர்தலை முன்னிட்டு மண்டலக்குழு அலுவலர்களுக்கு வழங்கப்பட்டுள்ள வாகனங்களை கலெக்டர் வீரராகவராவ் கொடியசைத்து தொடங்கி வைத்தார்.
5. ஊரக உள்ளாட்சி தேர்தல்: வாக்குப்பதிவு அலுவலர்கள் நடுநிலையாக பணியாற்ற வேண்டும் - கலெக்டர் அறிவுறுத்தல்
வாக்குப்பதிவு அலுவலர்கள் நடுநிலையாக தேர்தல் பணியாற்ற வேண்டும் என்று கலெக்டர் வீரராகவராவ் அறிவுறுத்தி உள்ளார்.