மாவட்ட செய்திகள்

குடியுரிமை திருத்த சட்டத்துக்கு எதிராக முத்துப்பேட்டையில் சிறுவர், சிறுமிகள் ஊர்வலம் + "||" + Mullapattu Children and Young People's Movement Against the Citizenship Amendment Act

குடியுரிமை திருத்த சட்டத்துக்கு எதிராக முத்துப்பேட்டையில் சிறுவர், சிறுமிகள் ஊர்வலம்

குடியுரிமை திருத்த சட்டத்துக்கு எதிராக முத்துப்பேட்டையில் சிறுவர், சிறுமிகள் ஊர்வலம்
குடியுரிமை திருத்த சட்டத்திற்கு எதிராக முத்துப்பேட்டையில் சிறுவர், சிறுமிகள் ஊர்வலம் நடத்தினர்.
முத்துப்பேட்டை,

முத்துப்பேட்டையில் குடியுரிமை திருத்த சட்டத்திற்கு எதிராக அனைத்து ஜமாத் மற்றும் அனைத்து இஸ்லாமிய அமைப்புகள், பல்வேறு அரசியல் கட்சியினர் போராட்டம் நடத்தி வருகின்றனர். இந்தநிலையில் நேற்று மாலை முத்துப்பேட்டை புதிய பஸ் நிலையத்தில் குடியுரிமை திருத்த சட்ட எதிர்ப்பு கூட்டமைப்பு சார்பில் குடியுரிமை திருத்த சட்டத்திற்கு எதிராக சட்டமன்றத்தில் தீர்மானம் நிறைவேற்ற கோரி சிறுவர் மற்றும் சிறுமிகளின் ஊர்வலம் நடந்தது. ஊர்வலத்தை குடியுரிமை திருத்த சட்ட எதிர்ப்பு கூட்டமைப்பு தலைவர் ஜெர்மன்அலி தொடங்கி வைத்தார். இதில் பங்கேற்ற நூற்றுக்கணக்கான சிறுவர், சிறுமிகள் தேசிய கொடி மற்றும் சி.ஏ.ஏ., என்.ஆர்.சி., என்.பி.ஆர். எதிர்ப்பு குறித்த வாசகம் கொண்ட பதாகைகளை கையில் ஏந்தியபடி குடியுரிமை திருத்த சட்டத்திற்கு எதிராக கோ‌‌ஷங்கள் எழுப்பினர். ஊர்வலம் புதிய பஸ் நிலையத்தில் இருந்து புறப்பட்டு ஆசாத்நகர், திருத்துறைப்பூண்டி சாலை, பழைய பஸ் நிலையம், நியூபஜார், பட்டுக்கோட்டை சாலை வழியாக புதுத்தெரு திடலை சென்று அடைந்தது. இதில் முத்துப்பேட்டையில் உள்ள பல்வேறு கட்சியினர், பல்வேறு அமைப்பினரும் கலந்து கொண்டனர்.


கூத்தாநல்லூர்

அதேபோல கூத்தாநல்லூரில் குடியுரிமை திருத்த சட்டத்திற்கு எதிராக முஸ்லிம்கள் ஊர்வலம் சென்றனர். கூத்தாநல்லூர் பெரியபள்ளி வாசலில் தொடங்கிய இந்த ஊர்வலம் பெரியத்தெரு, மேலக்கடைத்தெரு, ஆஸ்பத்திரி சாலை, லெட்சுமாங்குடி கடைவீதி சாலை வழியாக சென்று ஏ.ஆர். சாலையில் நிறைவடைந்தது. இதில் ஏராளமான முஸ்லிம்கள், பல்வேறு அரசியல் கட்சிகளை சேர்ந்தவர்கள் மற்றும் பலர் கலந்து கொண்டனர். குடியுரிமை திருத்த சட்டத்தை எதிர்த்து நேற்று 30-வது நாளாக முஸ்லிம்கள் காத்திருப்பு போராட்டத்தில் ஈடுபட்டனர்.

தொடர்புடைய செய்திகள்

1. பாசன வாய்க்கால்களில் போதிய தண்ணீர் திறக்கக்கோரி காய்ந்த வாழை மரங்களுடன் விவசாயிகள் ஊர்வலம்
தொட்டியம் பகுதி பாசன வாய்க்கால்களில் போதிய தண்ணீர் திறக்கக்கோரி விவசாயிகள் ஊர்வலம் மற்றும் போராட்டம் நடத்தினர். இதனால் திருச்சி-நாமக்கல் சாலையில் சுமார் 2 மணி நேரம் போக்குவரத்து பாதிக்கப்பட்டது.
2. கொரோனா வைரஸ், செவித்திறன் பாதுகாப்பு விழிப்புணர்வு ஊர்வலம் கலெக்டர் ரத்னா தொடங்கி வைத்தார்
கொரோனா வைரஸ் மற்றும் செவித்திறன் பாதுகாப்பு தொடர்பான விழிப்புணர்வு ஊர்வலத்தை மாவட்ட கலெக்டர் ரத்னா தொடங்கி வைத்தார்.
3. திண்டுக்கல், எஸ்.டி.பி.ஐ. கட்சியினர் ஊர்வலம்-தர்ணா
குடியுரிமை திருத்த சட்டத்துக்கு எதிராக எஸ்.டி.பி.ஐ. கட்சியினர் சார்பில் திண்டுக்கல்லில் ஊர்வலம் நடைபெற்றது.
4. இந்திய செஞ்சிலுவை சங்கம் நூற்றாண்டு விழா: மோட்டார்சைக்கிள் விழிப்புணர்வு ஊர்வலம் கலெக்டர் தொடங்கி வைத்தார்
இந்திய செஞ்சிலுவை சங்கம் நூற்றாண்டு விழாவையொட்டி மோட்டார்சைக்கிள் விழிப்புணர்வு ஊர்வலத்தை கலெக்டர் பிரபாகர் தொடங்கி வைத்தார்.
5. இந்திய குடியுரிமை திருத்த சட்டத்தை ஆதரித்து பாரதீய ஜனதா கட்சி சார்பில் ஊர்வலம்
இந்திய குடியுரிமை திருத்த சட்டத்தை ஆதரித்து பாரதீய ஜனதா கட்சி சார்பில் மாவட்ட கலெக்டர் அலுவலகம் நோக்கி ஊர்வலம் நடைபெற்றது.