மாவட்ட செய்திகள்

கொரோனா வைரஸ் எதிரொலி; தர்பூசணி, முலாம் பழம் விலை சரிவு - வியாபாரிகள் கவலை + "||" + Corona virus echo Watermelon, Plating fruit Price decline Merchants are concerned

கொரோனா வைரஸ் எதிரொலி; தர்பூசணி, முலாம் பழம் விலை சரிவு - வியாபாரிகள் கவலை

கொரோனா வைரஸ் எதிரொலி; தர்பூசணி, முலாம் பழம் விலை சரிவு - வியாபாரிகள் கவலை
கொரோனா வைரஸ் எதிரொலியால் தர்பூசணி, முலாம் பழம் விலை சரிவடைந்துள்ளது. இதனால் வியாபாரிகள் கவலை அடைந்துள்ளனர்.
திருப்பத்தூர், 

வெயிலுக்கு பேர் போன ஊரான வேலூருக்கு அடுத்தபடியாக திருப்பத்தூரில் வெயில் சுட்டெரிக்கும். இக்கால கட்டங்களில் ஒவ்வொரு ஆண்டும் தர்பூசணி, முலாம் பழம் வியாபாரம் வெகு ஜோராக நடைபெறும். இந்த ஆண்டும் வெயில் தொடங்கியவுடன் திருப்பத்தூரில் ஆங்காங்கே ஏராளமான தர்பூசணி கடைகள் தொடங்கப்பட்டன.

திண்டிவனம், மேல்மருவத்தூர் பகுதிகளில் இருந்து திருப்பத்தூர் பழ மார்க்கெட்டுக்கு தினமும் 2 முதல் 3 லோடு தர்பூசணி பழம் வந்தது. இதேபோல சென்னை கோயம்பேடு பகுதியில் இருந்தும், ஆந்திர மாநில பகுதியில் இருந்தும் தினமும் 3 லோடு முலாம் பழம் வந்து கொண்டிருந்தது.

இந்த நிலையில் கொரோனா வைரஸ் பாதிப்பு காரணமாக 2 அல்லது 3 நாட்களுக்கு ஒரு முறை ஒரு லோடு மட்டுமே வருகிறது. கடந்த ஆண்டு தர்பூசணி பழம் ஒரு கிலோ 15 முதல் 20 ரூபாய் வரை விற்கப்பட்டது. தற்போது ஒரு கிலோ ரூ.8 முதல் 10 வரை மட்டுமே விற்க முடிகிறது. இதேபோல முலாம் பழம் கிலோ ரூ.60 முதல் 70 வரை விற்கப்பட்டு வந்தது. தற்போது கிலோ ரூ.20-க்கு விற்பனை செய்யப்படுகிறது.

கொரோனா வைரஸ் தடுப்பு நடவடிக்கை காரணமாக கடைகள் திறக்கப்படவில்லை. நகரில் பொதுமக்கள் நடமாட்டம் இல்லை. ஆகையால் தர்பூசணி, முலாம் பழம் வியாபாரம் மிகவும் குறைந்துவிட்டது. இதனால் எங்களது வாழ்வாதாரம் பாதிக்கப்பட்டுள்ளது என வியாபாரிகள் கவலை அடைந்துள்ளனர்.

தொடர்புடைய செய்திகள்

1. கொரோனா வைரஸ் எதிரொலி; சென்னை தி.நகரில் பெரிய கடைகளை மூட உத்தரவு
கொரோனா வைரஸ் எதிரொலியாக சென்னை தியாகராயநகரில் உள்ள பெரிய கடைகளை 10 நாட்களுக்கு மூட உத்தரவு பிறப்பிக்கப்பட்டு உள்ளது.
2. கொரோனா வைரஸ் எதிரொலி: கலெக்டர் அலுவலகத்தில் கிருமிநாசினி தெளிப்பு
கொரோனா வைரஸ் எதிரொலியாக கடலூர் மாவட்ட கலெக்டர் அலுவலகத்தில் கிருமிநாசினி தெளிக்கப்பட்டது. பொதுமக்களும் கைகளை சுத்தம் செய்த பிறகே மனுக்கள் கொடுக்க அனுமதிக்கப்பட்டனர்.
3. கொரோனா வைரஸ் எதிரொலி: ஊட்டியில் திரையரங்குகள் மூடல்; சுற்றுலா தலங்கள் வெறிச்சோடின
கொரோனா வைரஸ் எதிரொலியால் ஊட்டியில் திரையரங்குகள் மூடப்பட்டன. மேலும் சுற்றுலா தலங்கள் வெறிச்சோடின. நீலகிரி மாவட்ட கலெக்டர் இன்னசென்ட் திவ்யா வெளியிட்டுள்ள செய்திக்குறிப்பில் கூறப்பட்டு உள்ளதாவது:-
4. கொரோனா வைரஸ் எதிரொலி; மராட்டிய நகர்ப்புறங்களில் பள்ளி, கல்லூரிகளுக்கு விடுமுறை
மராட்டியத்தில் கொரோனா வைரஸ் முன்னெச்சரிக்கை நடவடிக்கையாக பள்ளி, கல்லூரிகளுக்கு வருகிற 31-ந் தேதி வரை விடுமுறை அறிவிக்கப்பட்டு உள்ளது. அதேநேரம் பொதுத் தேர்வுகள் திட்டமிட்டப்படி நடைபெறும் என தெரிவிக்கப்பட்டு உள்ளது.
5. கொரோனா வைரஸ் எதிரொலி: கேரளாவுக்கு செல்லும் பயணிகளின் கூட்டம் குறைந்தது - பஸ்களில் கிருமி நாசினி தெளிப்பு
கொரோனா வைரஸ் எதிரொலியாக கோவையில் இருந்து கேரளாவுக்கு செல்லும் பயணிகளின் கூட்டம் குறைந்தது. பஸ்களில் கிருமி நாசினி தெளிக்கப்பட்டு வருகிறது.