மாவட்ட செய்திகள்

தர்மபுரி, கிருஷ்ணகிரி மாவட்டங்களில் 144 தடை உத்தரவையொட்டி கடைகள் மூடப்பட்டன போக்குவரத்து நிறுத்தம் + "||" + 144 shops in Dharmapuri and Krishnagiri districts have been closed due to traffic congestion

தர்மபுரி, கிருஷ்ணகிரி மாவட்டங்களில் 144 தடை உத்தரவையொட்டி கடைகள் மூடப்பட்டன போக்குவரத்து நிறுத்தம்

தர்மபுரி, கிருஷ்ணகிரி மாவட்டங்களில் 144 தடை உத்தரவையொட்டி கடைகள் மூடப்பட்டன போக்குவரத்து நிறுத்தம்
தர்மபுரி, கிருஷ்ணகிரி மாவட்டங்களில் 144 தடை உத்தரவையொட்டி கடைகள் மூடப்பட்டன. போக்குவரத்து நிறுத்தப்பட்டது.
கிருஷ்ணகிரி,

கொரோனா வைரஸ் பரவுவதை தடுக்கும் பொருட்டு தமிழக அரசு தமிழ்நாடு முழுவதும் 144 தடை உத்தரவு பிறப்பித்து உத்தரவிட்டது. இந்த உத்தரவு நேற்று மாலை 6 மணி முதல் அமலுக்கு வந்தது. இதனால் மாவட்டத்தில் மாலை 6 மணி அளவில் கடைகள் அனைத்தும் பூட்டப்பட்டன.


அதே போல பஸ்களும் சுமார் ஒரு மணி நேரம் முன்னதாகவே நிறுத்தப்பட்டன. இதன் காரணமாக கிருஷ்ணகிரி புதிய, பழைய பஸ் நிலையம் ஆகியவை வெறிச்சோடி காணப்பட்டது. மேலும் ஆட்டோக்கள், கார்கள் என எந்த வாகனங்களும் இயக்கப்படவில்லை.

காய்கறிகள் விற்பனை

முன்னதாக நேற்று காலை முதல் கிருஷ்ணகிரி மாவட்டத்தில் கடைவீதிகளில் மக்கள் கூட்டம் அலை மோதியது. கிருஷ்ணகிரி உழவர் சந்தைக்கு வழக்கமாக 2 ஆயிரம் பேர் வருவது வழக்கம். 17 டன் காய்கறிகள் விற்பனை ஆகும். நேற்று 6 ஆயிரம் பேர் சந்தைக்கு வந்தனர். மேலும் 23 டன் காய்கறிகள் விற்பனை ஆனது. இதன் மதிப்பு ரூ.7 லட்சத்து 44 ஆயிரம் ஆகும்.

இதேபோல் ஓசூர் உள்பட மாவட்டத்தின் பல்வேறு பகுதிகளிலும் மளிகை கடைகள் மற்றும் காய்கறி கடைகளில் மக்கள் கூட்டம் அலைமோதியது. மேலும் டாஸ்மாக் கடைகளும் நேற்று முதல் பூட்டப்பட்டதை அடுத்து அங்கும் விற்பனை களை கட்டியது.

தர்மபுரி

இதேபோல் 144 தடை உத்தரவு அமலுக்கு வந்ததை அடுத்து, தர்மபுரி மாவட்டத்தில் மாலை 6 மணியளவில் பெரும்பாலான வணிக நிறுவனங்கள், ஓட்டல்கள் அடைக்கப்பட்டன. பஸ் போக்குவரத்தும் நிறுத்தப்பட்டது.

தர்மபுரி மாவட்ட எல்லையில் போலீசார் சோதனைச்சாவடி அமைத்து லாரிகள், சரக்கு வேன்கள் உள்ளிட்ட வாகனங்கள் உள்ளே வராமல் திருப்பி அனுப்பினர். வாகன போக்குவரத்து இன்றி சாலைகள் வெறிச்சோடின.

தொடர்புடைய செய்திகள்

1. 144 தடை உத்தரவை மீறினால் வழக்கு மாவட்ட எல்லைகள் மூடல்
144 தடை உத்தரவை மீறினால் வழக்குப்பதிவு செய்யப்படும் என்று மாவட்ட போலீஸ் சூப்பிரண்டு நிஷா பார்த்திபன் எச்சரிக்கை விடுத்துள்ளார். மேலும் மாவட்ட எல்லைகள் மூடப்பட்டுள்ளன.
2. 144 தடை உத்தரவு அமலுக்கு வந்தது: காய்கறிகள், அத்தியாவசிய பொருட்கள் வாங்க கடைகளில் குவிந்த பொதுமக்கள்
144 தடை உத்தரவு நேற்று மாலை முதல் அமலுக்கு வந்தது. இதையொட்டி நேற்று காய்கறிகள், அத்தியாவசிய பொருட்கள் வாங்க கடைகளில் பொதுமக்கள் குவிந்தனர். பஸ் நிலையத்தில் கூட்டம் அலைமோதியது.
3. புதுக்கோட்டை மாவட்டத்தில் 144 தடை உத்தரவு அமல் பஸ் இல்லாமல் தவித்த பயணிகள்
புதுக்கோட்டை மாவட்டத்தில் நேற்று மாலை 6 மணி முதல் 144 தடை உத்தரவு அமலுக்கு வந்தது. இதனால் பஸ் போக்கு வரத்து முற்றிலும் நிறுத்தப்பட்டதால் பயணிகள் கடும் அவதி அடைந்தனர்.
4. 144 தடை உத்தரவு எதிரொலி: தஞ்சையில், காய்கறிகள் வாங்க குவிந்தனர் மக்கள்; உயர்ந்தது விலை
144 தடை உத்தரவு எதிரொலியால் தஞ்சை காமராஜ் மார்க்கெட்டில் காய்கறி வாங்க மக்கள் குவிந்தனர். இதனால் காய்கறிகளின் விலை உயர்ந்தது.
5. 144 தடை உத்தரவு பிறப்பிக்கப்பட்ட நிலையில் விற்பனை: பாரில், 2 ஆயிரம் மதுபாட்டில்கள் பறிமுதல்
144 தடை உத்தரவு பிறப்பிக்கப்பட்ட நிலையில் தஞசையில் உள்ள மதுபான பாரில் 2 ஆயிரம் மதுபாட்டில்கள் பறிமுதல் செய்யப்பட்டன. அதிகாரிகள், போலீசார் சோதனையில் சிக்கியது.