மாவட்ட செய்திகள்

காஞ்சீபுரம், திருவள்ளூர் மாவட்டங்களில் கொரோனா வைரஸ் தடுப்பு நடவடிக்கை குறித்த ஆய்வு கூட்டம் + "||" + In Kancheepuram and Tiruvallur districts Research Meeting on Coronavirus Prevention

காஞ்சீபுரம், திருவள்ளூர் மாவட்டங்களில் கொரோனா வைரஸ் தடுப்பு நடவடிக்கை குறித்த ஆய்வு கூட்டம்

காஞ்சீபுரம், திருவள்ளூர் மாவட்டங்களில் கொரோனா வைரஸ் தடுப்பு நடவடிக்கை குறித்த ஆய்வு கூட்டம்
காஞ்சீபுரம், திருவள்ளூர் மாவட்டங்களில் கொரோனா வைரஸ் தடுப்பு நடவடிக்கை குறித்த ஆய்வு கூட்டம் நடைபெற்றது.
திருவள்ளூர், 

திருவள்ளூர் மாவட்ட கலெக்டர் அலுவலக கூட்டரங்கில் நேற்று கொரோனா வைரஸ் தடுப்பு முன்னெச்சரிக்கை நடவடிக்கைகள் தொடர்பான ஆய்வு கூட்டம் நடைபெற்றது.

கூட்டத்துக்கு திருவள்ளூர் மாவட்ட கலெக்டர் மகேஸ்வரி ரவிக்குமார் தலைமை தாங்கினார். எம்.எல்.ஏ.க்கள் சிறுணியம் பி.பலராமன், நரசிம்மன், அலெக்சாண்டர், விஜயகுமார், மாவட்ட போலீஸ் சூப்பிரண்டு அரவிந்தன், மாவட்ட வருவாய் அலுவலர் முத்துசாமி, மாவட்ட ஊரக வளர்ச்சி முகமையின் திட்ட இயக்குனர் லோகநாயகி, சுகாதார பணிகள் இணை இயக்குனர்கள் ஜவகர்லால், பிரபாகரன் ஆகியோர் முன்னிலை வகித்தனர்.

இதில் சிறப்பு அழைப்பாளர்களாக அமைச்சர்கள் பென்ஜமின், பாண்டியராஜன் ஆகியோர் கலந்து கொண்டு அதிகாரிகளிடம் ஆலோசனை நடத்தினார்கள்.

பின்னர் அமைச்சர் பென்ஜமின் கூறும்போது, திருவள்ளூர் மாவட்டத்தில் கொரோனா தொற்று எவருக்கும் இல்லை. எனவே பொதுமக்கள் இதுகுறித்து யாரும் பீதியடைய வேண்டாம். பொதுமக்கள் தேவையின்றி வெளியில் செல்வதை முற்றிலுமாக தவிர்க்க வேண்டும்.

வீட்டிலேயே தங்களை தனிமைப்படுத்திக்கொண்டு தங்களையும் தங்கள் குடும்பத்தினரையும் பாதுகாத்து கொள்ள முழு ஒத்துழைப்பு வழங்க வேண்டும் என்றார். பின்னர் அமைச்சர் பென்ஜமின், திருவள்ளூர் கலெக்டர் அலுவலக வளாகத்தில் கொரோனா வைரஸ் பரவுவதை தடுக்கும் விதமாக கிருமி நாசினி தெளித்தார்.

அதேபோல் காஞ்சீபுரம் மாவட்டத்தில் கொரோனா வைரஸ் தடுப்பு முன்னெச்சரிக்கை நடவடிக்கைகள் தொடர்பான ஆய்வுக்கூட்டம் மாவட்ட கலெக்டர் பா.பொன்னையா தலைமையில் நடந்தது.

இதில் அமைச்சர் பென்ஜமின் கலந்து கொண்டு அனைத்துத்துறை அலுவலர்களுடன் ஆலோசனை நடத்தினார். இதில் மாவட்ட போலீஸ் சூப்பிரண்டு சாமுண்டீஸ்வரி, மாவட்ட கழக செயலாளர் வாலாஜாபாத் பா.கணேசன், ஸ்ரீபெரும்புதூர் எம்.எல்.ஏ. மதனந்தபுரம் கே.பழனி, மாவட்ட வருவாய்த்துறை அதிகாரி என்.சுந்தரமூர்த்தி, சப்-கலெக்டர் சரவணன் உள்பட பலர் கலந்து கொண்டனர்.

தொடர்புடைய செய்திகள்

1. காஞ்சீபுரம் அரசு ஆஸ்பத்திரியில் கொரோனா தொற்றால் அனுமதிக்கப்பட்ட 136 பேரில் 94 பேர் குணம் அடைந்துள்ளனர் - கலெக்டர் தகவல்
காஞ்சீபுரம் அரசு ஆஸ்பத்திரியில் கொரோனா தொற்றால் அனுமதிக்கப்பட்ட 136 பேரில் 94 பேர் குணம் அடைந்துள்ளனர் என்று கலெக்டர் பொன்னையா தெரிவித்துள்ளார்.
2. காஞ்சீபுரம் அருகே வாலிபர் குத்திக்கொலை - 4 பேர் கைது
காஞ்சீபுரம் அருகே வாலிபர் குத்திக்கொலை செய்யப்பட்டார். இது தொடர்பாக 4 பேர் கைது செய்யப்பட்டனர்.
3. காஞ்சீபுரம், செங்கல்பட்டு மாவட்டங்களில் ஊரடங்கு முழுமையாக அமல்படுத்தும் இடங்கள் எவை எவை? - கலெக்டர்கள் அறிவிப்பு
காஞ்சீபுரம், செங்கல்பட்டு மாவட்டங்களில் ஊரடங்கு உத்தரவு முழுமையாக அமல்படுத்தும் இடங்கள் எவை எவை? என்பது பற்றி அந்தந்த மாவட்ட கலெக்டர்கள் அறிவித்துள்ளனர்.
4. காஞ்சீபுரத்தில் போலீசாரின் தடுப்புகளால் ஆம்புலன்ஸ் செல்ல தாமதம் - அகற்றக்கோரி சமூக ஆர்வலர்கள் கோரிக்கை
காஞ்சீபுரத்தில் போலீசாரின் தடுப்புகளால் ஆம்புலன்ஸ் செல்ல தாமதம் ஏற்படுகிறது. இதனால் அவற்றை அகற்றக்கோரி சமூக ஆர்வலர்கள் கோரிக்கை விடுத்துள்ளனர்.
5. காஞ்சீபுரத்தில் அத்தியாவசிய பொருட்கள் தடையின்றி கிடைக்க நடவடிக்கை - அதிகாரிகளுக்கு அரசு முதன்மை செயலாளர் அறிவுறுத்தல்
காஞ்சீபுரம் மாவட்டத்தில் அத்தியாவசிய பொருட்கள் மக்க ளுக்கு தங்குதடையின்றி கிடைக்க வேண்டும் என்று காஞ்சீபுரத்தில் நடந்த கண்காணிப்பு குழு கூட்டத்தில் அரசு முதன்மை செயலாளர் த.உதயசந்திரன் அதிகாரிகளுக்கு அறிவுரை வழங்கினார்.